روكا احمد

ربنا يريح قلبك وبالك ويوصلك للطريق الصحيح قلبى معاكى على الى انتى فيه ده وانا عارفه ومتأكده محدش هيحس بالى انتى فيه ده غير الى مجرب بس مهما حصل اوعي تعامليهم وحش انا مقدره ان الى عملوه معاكى ده ملوش مبرر ليهم وان هما ازاى اب وام يعملو كده فى بنتهم بس برضو متنسيش انهم ابوكى وامك ومهما عملو هيفضلو ابوكى وامك بغض النظر عن سوء معاملتهم ليك لازم تتحمليهم اكيد هياخد من طاقتك كتير وربنا يكون فى عونك بس دول ابوكى وامك مفيش مهرب محدش بيختار ابوه او امه ومتنسيش ان ربنا موجود دايما معانا وشايفنا ولعل ربنا بيعمل معاكى كده ومخبي لك فى المستقبل حاجات مستنياكى ومستقبل مزدهر فمتفقديش ايامنك وثقتك بالله ابدا ربنا معانا فى كل وقت وكل حين يرانا ويسمعنا وهو يعلم ما بالصدور فاهمة؟ ثقى بالله وتوكلى عليه وسلمى امرك لله وشوفى فى الاخر هيوصلك لايه ومتنسيش خليكى صبوره انتى اه صغيره علي كل ده بس خليكى صبوره افتكرى سيدنا ايوب لما ربنا ابتلاه بمرضه وصبر كل السنين دى افتكرى سيدنا ابراهيم لما ربنا امره يموت سيدنا اسماعيل ابنه بنفسه وسمع واطاع وصبر وربنا أنقذ سيدنا اسماعيل فى الاخير افتكرى سيدنا يونس لما ابتلعه الحوت افتكرى سيدنا يوسف لما المرآة اتبلت عليه ودخل السجن وربنا نجاه بالاخير خليكى صبوره وان شاء الله ربنا يزيل همك يارب ويقويكى ان شاءلله

هو ممكن يكون بيعمل كده علشان تتعلقى بيه وتتشغلى بيه وكده وواحده وحده يخليكى تكلميه صوت وياخد رقمك وتفتحى فيديو والكلام ده وبعدين هو لو بيحبك كان جيه اتقدم فكك من الكلام الى مش بيأكل عيش لو هو شاريكى وبيحبك عمره ما هيطلب الكلام ده فا احظريه وابعدى عنه خالص حفاظا علي نفسك وربنا يحفظك ويسترها علينا جميعا

اتقربى من ربنا وبدل ما تقعدى تعيطى ادعيلها وحاولى متعيطيش كتير عليها حاولى تمسكى نفسك ومش كون انك بتعيطى على صديقه عمرك يبقا ضعف لا بس حاولى تمسكى نفسك واقرئي قرأن وربنا يريح بالك ويصبرك والبقاء لله

بصى انتى مش السبب خالص كل شئ بيبقا قسمه ونصيب ولو كان هو من نصيبك كان فضل معاكى ربنا مكنش هيبعدو عنك لو كان من نصيبك فا متفكريش كده وان شاءلله الله ربنا يبعتلك نصيبك الحلو وربنا يسعدك يارب

بصى طبيعى جدا ان الدوره الشهريه تتأخر او تتقدم يوم او اتنين ده طبيعي بيبقا سبب الهرمونات حصلت معايا قبل كده واكتر من كده كمان واستشرت طبيبه وكده قالتلى طبيعي جدا احيانا هرمونات البنت مش بتبقا مظبوطه فا ما تقلقيش وخير ان شاءلله

بصى متقلقيش انتى لسه صغيره وهرموناتك متلغبطه ولسه فى مرحله التكوين برضو فا متعمليش اى حاجه غير طبيعيه ممكن تاكلى عسل ابيض عليه سمسم يغذيكى واهتمى بصحتك برضو وشوفى علي النت وصفه طبيعيه للتغذيه من الناحيه دى وان شاءلله خير بس متقلقيش ده طبيعي يعني

لا ملوش علاقه بالغشاء خالص بس اكشفى واطمنى علي ظهرك ليكون حاجه شديده وان شاءلله خير متقلقيش

ممكن تكونى عورتى نفسك والوجع الى جالك ده بسبب كده بس برضو لازم تتطمنى وتكشفى عند دكتوره كويسه علشان متفضليش قلقانه كل ده وان شاءلله خير وياريت متعمليش كده تانى علشان غلط وهيسببلك ألتهابات وخمول فى الجسم وده اصلا حرام وربنا يحفظك

بصى الموضوع ده حصل معايا قبل كده ده بيبقا بسبب الهرمونات علشان لسه هرمونات جسمك متظبتطش بس برضو اطمنى على نفسك وروحى لدكتوره وان شاءلله خير عموما متخفيش اوى ده بتحصل مع معظم البنات وبتختلف من بنت لبنت متقلقيش ان شاءلله خير

بصى يا ست البنات ايام المراهقه للشباب معظمهم بيبقو كده او اكتر كمان انا مش ببرر طبعا للغلط بس طالما هو اتغير وانتى مش شايفه سلوكه وحش ولا بقا يعمل الحاجات دى خلاص الموضوع خلص طالما تاب وربنا قبل توبته ورجعه للطريق الصحيح يبقا انسى الى حصل ده كله هو جيه وحكالك وصارحك علشان محبش يخبى عليكى حاجه وده تصرف حلو منه تخافى لو هو كان مخبى عليكى واكتشفتى ده بعد الجواز فاستعيذى بالله كده وصلى علي النبى وشيلى اى حاجه وحشه من دماغك ما دام بيحبك وبتحبيه وهو شخص كويس واهله ناس محترمين يبقا انسى الى حصل خلاص من الماضى وربنا يهديه ويهدينا جميعا ويفرح قلبك يارب