أخويا محمد طالب جامعي عنده 19 سنه اتحبس ظلم في قضية مشاجرة حصلت في محل وهو ماكانش طرف فيها لأنه كان وقت المشاجرة بيجري وده باين في الفيديوهات، واسمه مش مذكور في تحريات المباحث، ولما اتخذت النيابه حبسه 4 ايام هو ومن معه لم يُكتب اسمه بالحبس 4 ايام ثم انتقل إلى محكمه اتخذ 15 يوم حبس غيرنا محامي فـ عمل قرار بُطلان حكم معلومه: مفيش عليه أي سابقة جنائية). اتقبض عليه هو وصاحب المحل واتنين كمان مالهمش علاقة بالمشكلة، والمشاجرة بدأت لما شخص دخل يسحب فلوس وقالوا له بعد الصلاة فحصلت مشادة وناس اتخانقت، وفي شخص صور الفيديو ونزله على الإنترنت فبقت قضية رأي عام واتنشرت على صفحة وزارة الداخلية. أخويا اتقبض عليه يوم 16/6 وفي البداية اتحبس 4 أيام، ومن غير ذكر اسمه في تحريات المباحث ولا في قرار الحبس، وبعدها اتجدد له 15 يوم ظلم، ولما غيرنا المحامي واطلع على الورق أثبت إن قرار الـ15 يوم باطل، وفي جلسة بعدها أخد كفالة 5000 جنيه، لكن وكيل النيابة أو المباحث عمل استئناف على القرار ورجعوه الحجز تاني، وبعد كده اتحولت القضية من محكمة مصر الجديدة لمحكمة العباسية، وهناك القاضي جدّد له 15 يوم علشان يسمعوا تقرير الصوتيات والفيديو، وبعدها التقرير ماجاش واترفض خروجه بكفالة أو بضمان محل الإقامة، وبعدين اتأجلت القضية أسبوع علشان التقرير، ولسه لحد دلوقتي التقرير ماوصلش، والمحامي قدم استعجال للتقرير ومفيش رد، وكمان قدم شكوى للنائب العام واتقبلت، لكن الوضع زي ما هو. أخويا المفروض يتعرض يوم 29/7، وساعتها هيكون بقاله 41 يوم محبوس ظلم، ولو التقرير ماطلعش قبلها، هيفضل محبوس طول شهر 8 اللي مفيش فيه جلسات علشان الإجازة القضائية، أرجو من أي محامي أو مختص قانوني قرأ هذا المنشور أن يفيدني ويتواصل معي قبل يوم 29 الا يمكن اجراء اي شيئ لأنقاذ اخي
تم النشر السبت، ٢٦ يوليو ٢٠٢٥
لعرض الملف الشخصي في فدني اضغط هنا