Moaz .

هو التنمر دى حاجة سيئة طبعا واى حد معرض للتنمر بس الفكرة فى إن طبيعي ازعل وازهق بس تصرفى وقتها هو اللى بيحكم هل هو حس إنو حلو وظريف ولذيذ يعنى حتة بتاع الاسم دى عبيطة اوى الصراحة وأغلب اللى ممكن يتنمر ده اصلا بيكون عنده ضعف فى الشخصية وممكن غيران منى كشخص هو فاكر نفسه حاجة جامده بس فى الواقع متخلف فا متخليش حاجة عبيطة تأثر فيكى بالنسبة للحالة بتاع تكوين الصداقة ومش بعرف اتكلم دى عايزة يكون واحد قريب من الفكر أو فى اى حاجة مشتركة بحيث تتكلموا فيها زى مثلا انا عندى صحاب بيلعبوا معايا كرة ونتابع كرة فابنتكلم فى الكورة نسمع ماتشات سوا نلعب سوا وانا بتابع انمى ومسلسلات فى صحابى مش بيتابع انمى مش بتكلم معاه فى الأنمى لانه مش هيجمع معايا كلام فيه أما اللى بيتابع انمى بنسمع سوا ونتكلم فيه هى الموضوع كله أمر مشترك من طرفين بحيث تتكلموا سوا وتبقوا أصحاب

اولا هو الموضوع طبيعي تغلط غلطة وغلطتين وتلاتة عادى لأن طبعا المدرس بيعمل اى وهو بيحط الامتحان مثلا الامتحان عشرين سؤال منهم تمانية تسعة سهل ستة متوسط تلاته مذاكره واحد مذاكره كويس والآخر علشان المتميز قوى فالغلط طبيعي ولازم أن المدرس مراجعات مع معرفة الغلطة بتفهم وأهم حاجه هى تالتة ثانوى المشكلة انك ضغطتي على نفسك جامد اوى والنفس ضعيفة والخوف اللى انت عملته لنفسك هو اللى عمل كده المشكلة أن مثال مذاكره وحالل كل المسائل وكان مثلا قدامك طبيعي إذا شعرت خوف أو قلق مش هتفتكر حاجة خالص ونسيت اهم حاجه إن انت عليك السعي بس النتيجة مش بتاعتك بتاع ربنا وإن ربنا لا يكلف نفسا الا وسعها أما بالنسبة للامتحانات لسه قدامك شهر ونص يعنى إن شاء الله تستعين بالله وحاول مش اكتر هتبقى أحسن درجات إن شاء الله تالتة ثانوى اهم حاجه نصيحه من اخ انك مثلا كل يوم اللى خدته تحاول تلمه مش اكتر مقدرتش يومها تحاول تانى يوم تلم وكانت بتحصل معايا شخصيا وتراكمات وكده مع الكل وكان مش احسن درجات فى الامتحانات بس الحمد لله الامتحانات كانت كويس وكل واحد خرج بالكلية اللى يقدر يمشى فيها وربنا اختاره له والامتحانات يعنى إن شاء الله خير إن شاء تبدء وتلحق كل اللى فات اسف على الإطالة اه وملحوظة يا دكتورة/يا هندسة/سفيرة: الكلام كله بصيغة المذكر أسف وبالنسبة للمرض ألف سلامة بس ده بسبب الخوف والتوتر الزائد وده كلام إن شاء الله تدرسيه فى الطب

انت اول حاجة لازم تفهمها كويس إن الصلاة الركن التانى من أركان الإسلام وهي فرض على كل مسلم قادر بالغ عاقل وان الصلاة صلة بينك وبين ربنا سبحانه وتعالى كنت وصلت تقريبا للمرحلة دى لحد ما بدأت احس بالضياع وفضلت فترة لحد قريب بس ربنا يدينا لكام واحد صاحبى قابلنا وسألنا انت الصلاة اى يعم اللى شغلك عنها دا هم خمس دقائق يعنى خمس فروض حاولى. 25 دقيقه فى اليوم شوية سنن مش هياخد كمان عشر دقائق يعنى توتال كله قول ساعة ربنا سبحانه وتعالى مديك 24 ساعة فى اليوم مش عارف أدى ربنا ساعة منهم وقال "إنك لا تهدي من أحببت ولكن الله يهدي من يشاء" وذكر الآية اللى هى بسم الله الرحمن الرحيم "فخلف من بعدهم خلف أضاعوا الصلاة وأتبعوا الشهوات فسوف يلقون غيّا" صدق الله العظيم (غيا) وادى فى جهنم أعاذنا الله واياكم ولسه بحاول أصلي واحافظ على الصلوات وافتكر، "من تقرب إليّ شبرا تقربت إليه ذراعا ومن تقرب إلي ذراعا تقربت إليه باعا ومن أتاني يمشى اتيته هرولة" واخيرا حاول تصاحب ناس بتصلي وعارفة ربنا وتقرب منهم وإن شاء الهداية من عند الله وانت اللى محتاج والله الغني ونحن الفقراء وآسف على الإطالة

راجعى حساباتك تانى وصلى ركعتين استخارة واستهدى بالله وإن شاء الله خير وهى ديما مش بتكون بشطارة اه وفى آية جميله جدا بتقول بسم الله الرحمن الرحيم "قل لن يصيبنا إلا ما كتب الله لنا" صدق الله العظيم وفى حاجة اصلح فيما بقى يبارك الله لك وربنا كريم يعنى ممكن تكون مش مذاكر اوى بس ربنا كرمك انك مثلا ذاكرت جزء معين يجى منه الامتحان وربنا يوفقك وإن شاء الله خير وفى مثال سيدنا محمد صلى الله عليه وسلم كان هو أبو بكر الصديق فى الغار فخاف من المشركين لأنهم عدوا بجوار الغار أنهم يشوفهم فسيدنا محمد عليه الصلاه والسلام قال له ما ظنك باثنين الله ثالثهما والمشركين عدوا ولم يروا و"كم من فئة قليلة غلبت فئة كثيرة بإذن الله" واتمنى ان تكون الرسالة واضحة واسف على الإطالة

أولا بسم الله الرحمن الرحيم حاول تقرب لربنا وتصلى لأنه اكبر حال للخروج من كل متاعب ومشاكل الدنيا يعنى وانت رايح تصلى مثلا حاول تنسى كل مشاكل الدنيا على. قد ما تقدر لازم دائم تفضل فاكر انك مطالب بالسعى وليس النتيجة انت كل اللى عليك تسعى على قدر استعطاك ولازم دائما تبقى فاكر إن ربنا سبحانه وتعالى لا يكلف نفسا إلا وسعها تسعى وتعمل اللى تقدر عليه وما لاكش دعوه بالنتيجة النتيجة دى بتاع ربنا وافتكر انك دائما بتكون مش احسن حاجة بس ربنا كريم

ممكن تعمل بيدج على الفيس او اى مواقع تكتب بوستات تشارك في جروبات وبيدجات ناس عنده تروما وتساعد فيها

الحتة بتاع المقارنة دى وحشة طبعا لان مفيش اى بنى ادم شبه التانى وان احنا لنكمل بعض وبنحتاج بعض مفيش حد مش محتاج للتانى وكل واحد مكتوب قدره بسم الله الرحمن الرحيم "وفي السماء رزقاكم وما توعدون". يعنى كل واحد مش شبه التانى وكل واحد مكتوب هيكون اى كل اللى مطلوب توكل وتاخد بالاسباب انت مثلا اقول ان شاء الله هذاكر واعمل اللى عليا ومش مهم مين بيعمل اى انا بنفسي وتوكل على الله وفى الثانوى كلوا بيذاكر وممكن واحد يذاكر اكتر منك ويجيب أقل دى بتاع ربنا ربنا اللى بيختار لكل واحد قدره وربنا م هيدخلك مكان ما تقدرش عليه وممكن تدخل ومتكملش فيه فى ربنا سبحانه وتعالى له حكمه

الا من تاب وآمن وعمل عملا صالحا فأولئك يبدل الله سيئاتهم حسنات وكان الله غفورا رحيما

التمارين الرياضية والاكل فاكهة وخضار والبعد عن التدخين والمدخنين والبعد عن اى حاجة تسبب التوتر لأن ده بيأثر على القلب

اه وفى حاجة ضاقت فلما استحكمت حلقاتها فرجت وكنت أظنها لا تفرج وكم لله من لطف خفي