roro eissa

وعليكم السلام ورحمه الله وبركاته اول حاجه طبيعى انك تحسي بالغيره من صحبتك دى لان هى اخدت اهتمام انت نفسك فيه فدا طبيعى جدا ومش معناه انك وحشه أو غيوره لا بالعكس انت بتاخدى الاهتمام بطريقه وهى بطريقه حتى لو انتى مش شايفاها دلوقتي وكمان لازم تبقى عارفه حاجه كويس أن كل اهل بيحبوا اولادهم بطريقه مختلفه يمكن انتى مش ظاهر ليكى دلوقتي بس مع الزمن هتعرفى قد هما بيحبوكى لان مفيش حد مش بيحب اولاده ولازم برده تبقى عارفه ان مش كل واحد بيعرف يعبر عن اللى جواه ويقولك انا بحبك اللى اهم من الكلام الفعل لان لو حصلك اى حاجه صدقينى محدش هيقف جنبك زيهم علفكره انا كنت زيك كدا والله وكنت بفكر كدا بس لما حصلى حاجه مفيش حد وقف جنبى غير أهلى وكمان قبل ماتفكرى هما ليه كدا لازم تراجعى نفسك الاول راجعى علاقتك معاهم كمان حاجه زمان كانت لما ماما مثلا تدعى عليا أو حاجه كانت جدتى تقولى من قلبها من جوا بتقول يارب ميحصل هى بتكون بس تفريغ زعل أو مضايقه منك وفعلا عندها حق ونصيحه منى بلاش بلاش تدعى على نفسك اقداركم تؤخد من افواهكم ولو عايزه تصلحى علاقتك بيهم اقعدى اول حاجه مع مامتك قاعده جد فهميها انك زعلانه منها وانك نفسك علاقتكوا تتغير ومتبقوش ناقر ونقير وتحاولى تعملى اللى باباكى عاوزه وترضيه حتى لو هتيجى على نفسك هو لو لقوكى اتغيرتى المعامله صدقينى وهتختلف واخوكى حاولى تصحبيه وهو لو لقا اهتمام منك غصب عنه هيبادلك نفس الاهتمام وربنا يصلح حالك يارب ❤️ ومتنسنيش من دعوه حلوه منك أن ربنا يريح بالى ويفك كربى

مدام الدكاتره قالو أن مفيش سبب عضوى يبقى اكيد نفسي مفروض دلوقتي انك تروح لدكتور نفسي لان المرض النفسي فى اوقات كتير بيظهر كتعب جسدي ولو مش عايز تروح حاول متفكرش فى الموضوع لان التفكير فيه هيزود تعبك اكتر حاول تشغل نفسك بحاجات مختلفه وان شاء الله ربنا يشفيك

ممكن تفهميها بجديه مش بضحك وتعرفيها أن اخواتك بيضايقوا وهى لو صحبتك بجد مش هتضايق منك او تزعل لان الطبيعي أن كل واحد ليه خصوصيته وهما من حقهم كدا لان دا بيتهم بس متقوليلهاش كدا مره واحده لا واحده واحده علشان برده متحسش انك كمان متحبيش كدا وأنها تقيله عليكو

والله وانا كمان شايفه كدا حاسه ان كله زهقان ونفسيته تعبانه خصوصاً الفتره دى يمكن من كام سنه كان الوضع اهدى من كدا شويه بحس أن الحزن والأمراض النفسية بينتشر اوى بين الناس في حاجه غريبه اوى كنت لسه بفكر فى الموضوع دا ، ودا موجود بشكل كبير عند الجيل الصغير بحس الناس الكبيره عندهم رضا واطمئنان غيرنا بجد نفسي كلنا نبقى كويسين ومبسوطين وراضيين عن كل حاجه

انا كمان عندى نفس المشكله الاكتئاب جالى بعد الجرثومه علطول وكمان جالى بوساوس ولحد الآن مش عارفه اتعالج منه بس انا وقفت العلاج بتاع الجرثومه لانه تعبنى جدا فممكن متخدش العلاج بتاع الجرثومه لان ممكن هو اللى يكون عمل كدا سألت كذا دكتور قالوا لو العلاج بيتعبك اوى متخدهوش وكلى اكل صحى يعنى مفهوش حاجات تتعب المعده وهى مش هتسبب الم وبالنسبه للإكتئاب كمل الكورس بتاع الادويه لغايه لما الدكتور يقولك خلاص لان انا وقفته ومكنش ينفع علشان كدا تعبت تانى وأدويه الاكتئاب مش بتشتغل علطول بتاخد اسبوعين تلاته وبعدين تعمل مفعول فلو لسه واخدها استنى وربنا أن شاءالله يشفيك