عاملين ايه يا جماعه يا رب تكونوا بخير دلوقتي انا عندي مشكله كبيره هي اني مش قادره افرق بين حياتي العمليه وحياتي الشخصيه. حياتي الشخصيه بتأثر على حياتي العمليه بشكل كبير جدا ومشكلتي ان التاثير ده نابع من جوه بيتي لاحظت مؤخرا ادائي في شغلي ما عادش زي الاول بقيت اقول حجج كتير، بقيت اقول اعذار كل شوية وانا الحمد لله من ضمن الناس المتميزه في مجال شغلي. مشكلتي باختصار ان انا والدي بيرمي كلام زي السم وقت ما بدخل اشتغل انا بشتغل من البيت يعتبر بدي محاضرات مع شركة كورسات في اللغة فبشتغل اون لاين وساعات بابا بيكونوا ورا الاوضه بيتكلم عليا مع ماما وانا مش بقدر غير اني ارمي ودني معاهم وتركيزي بيروح وأوقات بيسألني أسئلة شخصية عن المرتب، انا مش هقدر اسيب البيت وامشي وحاولت واتكلمت الحل الي محتاجاه اني اعرف افصل ده عن ده عشان مش عايز اخسر شغلي ولا مكانتي وفي نفس الوقت مش عايزة اخسر سلامي النفسي
تم النشر الأربعاء، ٢ أغسطس ٢٠٢٣
بحاول أحل أكيد بتكلم مرة بحاول اوصل الرسالة من خلال ماما مرة بس بابا فيه طبع العند، مادام عرف انا بدايق من ايه ممكن يعند ويتمادى فيه أكتر، حاليا انا بس عايزة طريقة افصل تأثيره عن شغلي او مبقاش قاعدة بدي الحصة ودماغي بتحلل الكلام الي بيتقال برا
تم النشر الخميس، ٣ أغسطس ٢٠٢٣
لعرض الملف الشخصي في فدني اضغط هنا