Malak Mebbani

يعني راني مع واش كتبولك فتعليقات ضرك برك حسسيه بلي ولا فرق معاكي واش دار و انت عايش حياتك و فرحانة و مبسوطة هذيك كي تديري هكا هو راح يتأذي بعد ما تعمد اذائك هو لي ينضر خطر راه داير في بالو كي يدير هكا يردك لنقطة صفر كيما قلتي عوني رجعتلها لازم تثبتيلو عكس بلي ولا نورمال في حياتك هكا يعاود مبعد يسيي يستفزك بتصرفاتو مي انت ديري روحك متاثرتيش و مبعد هو يعاود يرجع دار كامل هكا باه يشوف اذا مزال ضمنك مام في حياتو انسانة وحدوخر مي انت بلاك كنت مدتلو بزااف اهتمام و حب ملقاهمش عند وحدوخر و راهو يدير هكا غير باه يردك بلاك كصديقة و لا اي كان غير باه يخليك قدامو و تاني يضرك و دوك تشوفي كي تديري بلي نورمال تشغل مدرتيهش في بالك كي يبدا يزيد يدير تصرفات سيي يضرك بيهم و مبعد كي يشوفك مكيش تتأتري هو يبدا يتعب و ينضر و يسيي ردك ليه

يعني جربت عزلة كنت فل ليسي و متوسطة معزولة عن ناس كامل و كنت نحب نقرى كتب و نرسم و حتى كنت ناجح دايما لاولى في صفي و مبعد كي طلعت جامعة تلقيت بناس و تلقيت بطفلة ولات اعز صديقتي ضك و تحبني بزااف مام انا نحبها .باه ما نكذبش عليك من عزلة وليت اجتماعية بزاف فلافاك و تلاقيت بزاف ناس منهم لي ستغلني و منهم لي كانو يكرهوني و يأذوني و منهم لكانو دايريني مش واعية خطر مكنتش نعرف نتعامل بعد ما كنت معزولة تماما .بصح حاجة مليحة كي تدخلي ناس في حياتك يعلموك بزااف صوالح متعرفيهمش في ذاتك تلقاي عندك بزاف صوالح مخيبين متعرفيهمش انت على روحك مثلا وليت نواجه و صريحة و تاني تعلمت كيفاه نتأقلم مع اي وضع نكون فيه .تعلمت نعرف ناس اذا ملاح ليا نكون معاهم و لا لالا و شكون لي يتوالمو مع شخصيتي و تاني لعلمك كنت مع لول نفضل نبكي فل ليل نغول له انا مش كيما هوما نعرف نتصرف و نتعامل و نهدر و ضك هذو كامل اكتسبتهم خبرة .و تعلمت اي انسان في حياتنا سواء يجيك باه يعلمك درس و لا هدية و تاني مكاش انسان يبقي معاك الاخر و علابالي مع لول بلاك تحسين روحك غريبة عليهم و تشكي فيهم و تاني تحس روحك مش كيما هوما مبعد تتعلمي كيفاه تسيير . انا تبانلي انت عزلتك من ناس خصر تخافي يضروك و يحكمك خيبت أمل منهم مي كل حاجة تفوت و الله و تاني يعني بعد كلش على أقل لقيت وحدة تفهمت