Hossam Galal

اهتمي بنفسك، اشتغلي عليها وطوريها والشخص المناسب هو اللي هييجي ويدور عليكي ، المهم اللي هييجي دا انتي عاوزاه يلاقي فيكي شكل حلو وياخدك بالظاهر بس ولا يشوفك على حقيقتك ويشوف دينك وأدبك ، الشخص اللي هياخد بالظاهر بس هيكون عاوز يتعرف بعض الوقت وشكرا مش هيكمل معاكي ، الخلاصة يعني انك متدوريش على حد لازم تلاقي نفسك الأول وتفهميها وتخليها أحسن وربنا هيبعتلك أكتر من فرصة وأكتر من حد إن شاء الله ، وبالتوفيق ..

لو بيحبك فعلا مش هيوافق بعلاقة التعارف والتلميحات اللي بينكم دي وكان هيخلي العلاقة رسمية ، هتقولي هو لو مستعد أكيد هييجي يتقدملك هقولك لما يستعد ييجي ، بس الحقيقة إن العلاقات دي مُهلكة للقلب والمشاعر بصورة مش طبيعية فحافظي على نفسك وقلبك ..

شوفي ريلمي c67 لو عجبتك مواصفاته اشتريه انا لسه جايب زيه

للأسف التراكمات النفسية بتعمل أكتر من كدا ، وانتِ واضح انك شخصية كتومة وبتكتمي مشاعرك ودا بيعمل تراكمات ومع الوقت التراكمات دي لازم تطلع لكن ممكن تطلع في الوقت الغلط زي ما بيحصل معاكي ، وفيه فترات بتعدي على الإنسان بتتجمع فيها كل انكساراته واحزانه وبتجيله احاسيس لا تطاق فعلا ، لكن برضو لازم ندخل العقل شوية ومنخليش العواطف تتحكم في كل الأمور ، يعني أي موقف وأي مشكلة ف هي خلاص عدت الحمد لله ، هل التفكير فيها هتغير حاجة؟ احنا نفكر فيها علشان نتعلم منها مش علشان نتألم ، ف بداية التعافي انك تعرفي إن الحزن والألم جزء من حياتنا كبشر وجمب الحزن فيه سعادة وفرح الحمد لله ، وكل السعادة في رضا الله سبحانه وتعالى ، حسني علاقتك بربنا ودا كفيل انه يغير حياتك للأحسن وبالتوفيق يارب .

سؤال معلش : إذا حصل واتعرفتوا وحصل علاقة رسمية بينكم واكتشفتي انه مش مناسب ليكي وعنده صفات في شخصيته مكنتش واضحة ليكي هتعملي ايه ؟؟

تدابير ربنا سبحانه وتعالى العامل الأول لكدا ، ومصر مفيهاش تدخل سياسي واضح من دول تانية ومفيش عندنا طوائف وعصبية للطائفة الحمد لله ، ومع أي أزمة الشعب بيكون متماسك ومتعاون بدون تفرقة في الدين

ايه الأفضل بالنسبالك انك تتعاملي معاهم ومتعرفيش ايه اللي في نفوسهم ولا انهم يظهروا على حقيقتهم ، كل تدابير ربنا سبحانه وتعالى خير لينا ومدام انتِ مش غلطانة في واحدة فيهم ولا بتأذيهم يبقى خلاص متفكريش في الموضوع كتير واللي عاوزة تفضل معاكي تمام كويس واللي مش عاوزة خلاص مع السلامة ، وبالنسبة لكلامهم عليكي ف الناس مش بتبطل كلام على حد والله مهما كان كويس ومحترم ، ف بما انهم هيتكلموا يبقى متجيش على نفسك علشان خاطر واحدة فيهم وأو علشان يقبلوا بيكي ، الأحسن إنك تركزي على نفسك ودراستك وبس وربنا يوفقك يارب .

جدول امتحانات الأزهر نزلت وخلال أسبوع جدول التعليم العام هينزل إن شاء الله ، وأولى ثانوي ممكن تبدأ من 5/يناير امتحانات

انجح يا صديقي وهتلاقي الكل رجع جمبك وعاوز يعرفك ويقرب منك ، نجاحك في المجال بتاعك هيقرب منك ناس كتير وهيفتح ليك ابواب أكتر ووقتها هتعرف كويس إذا كانت شخصيتك اجتماعية ولا انطوائية ، بالتوفيق

وعليكم السلام ورحمة الله وبركاته الموضوع محتاج منك قراءة أكثر من الكتابة علشان يكون عندك حصيلة لغوية ومفردات كتير وتشوفي الكلمات بالمد ومن غير مدود وهتتعلمي ، ابدأي بالقراءة في أي مجال تحبيه المهم تكون الكتابة بالفصحى ومع الوقت هتلاقي تحسن في مستواكِ إن شاء الله وبالتوفيق.

وعليكم السلام ورحمة الله وبركاته ما دام بتتعبي وتعملي اللي عليكي فأكيد ربنا هيعوض تعبك خير بإذنه وفضله ، ممكن تجربي تعملي امتحانات لنفسك في البيت على جزئية من المنهج مثلا وتحددي وقت للإمتحان وتقعدي في مكان فيه دوشة بحيث تكسري الحاجز اللي عندك دا ومع المحاولة مرة على مرة إن شاء الله هتتعودي تركزي في الإمتحان ويقل التشتت عندك وربنا يوفقك..

وعليكم السلام ورحمة الله وبركاته مدام بتفكر في السفر يبقى مش مرتاح في شغلك او بتدور على فرص أحسن ودلوقتي فعلا الفرص الأحسن بقت في السفر ، ممكن تاخد اجازة من شغلك الشهرين دول وتروح هناك إن شاء الله هتلاقي أكتر من فرصة وخصوصا إنك مؤهل عالي ولغتك الإنجليزية كويسة ، وحتى لو محصلش نصيب لا قدر الله هترجع تكمل شغلك هنا وممكن تحاول تدخل مجال التدريس وسواء دروس خصوصية أو في سنتر وربنا يوفقك يارب المهم السعي