salma ahmed

مينفعش تفضلي حاطه اللوم علي نفسك بالشكل ده انت اكيد عمرك ما كنتي بتراقبي ولدك عشان تاذيه واكيد كلنا كنا واحنا صغيرين بنسمع كلام والدنا و والدتنا منغير ما نفكر ف الشئ إذا كان صح او غلط عشان كان بالنسبالنا اي حاجه بيقولوها بتكون صح واكيد والدك مسامحك دلوقتي ومش زعلان منك و انت حاولي بردو تتكلمي مع ولدتك ف شعورك وزعلك ده اكيد هي هتفهمك وتكون جمبك ربنا يرحم ولدك ويصبرك

مينفعش تتصرفي بسرعة عشان هتقعي ف نفس الغلط و هترجعي محتارة ومش عارفه تعملي ايه . اول حاجه استخيري ربنا بعدين كلمي جوزك ف مشاعرك وقولي له وشوفيه متقبل الموضوع لأي حد يعني مثلا شوفي هل مسموح أنهم يعيشوا معاكي ولا مسموح مثلا بإن هما يجوا ف اجازات وانت كمان تروحي ليهم ف اجازات ولا الموضوع بالنسبة له منتهي وعلى حسب كلامه قرري بس خلي قرارك دايما يرضي ربنا عشان دول ف الاول والاخر اولادك مينفعش تسيبيهم وترميهم لازم حتي تسألي عليهم يوميا لحد لما توصلي لقرار وحاولي بردو تعيشي مع جوزك حياه مرتاحه كويسه وشوفي شغل على الاقل لو حصل ف اي يوم اي حاجه لا قدر الله مترجعيش لنقطه الصفر ويكون ف ايدك فلوس تعرفي تكملي حياتك.

اول حاجه ربنا يوفقك يارب يحبيبتي السنادي وتطلعي بالنتيجه اللي نفسك فيها وتفرحي أنت وأهلك ويبعد عنك اي حاجه وحشه ويهديكي ، بصي يحبيبتي اول حاجه هكلمك فيها نقطه الفيديوهات دي اكيد بسبب ضغط نفسي بتهربي من الضغط بالشكل ده و دي حاجه غلط جدا جدا ومشكله كبيره جدا ازاي بقي نهرب منها ومترجعيش تاني ابدا ؟ ١) الاعتراف ب أن الموضوع ده ذنب كبير جدا وحاجز بينك وبين ربنا و الله اعلم ممكن يكون سبب من اسباب تشتيتك ف المذاكره وتعطيل وممكن يكون سبب بردو ف عدم رزقك يوم نتيجتك وغير كده واحده واحده هيبعدك عن الصلاه و عن قربك لربنا ٢) النيه للتوبه ، اتوضي وصلي لربنا ابكي براحتك واتكلمي وخلي فيه جواكي ندم للعملتيه و اوعدي نفسك قدام ربنا أن حاجه زي كده مش هتحصل منك تاني و ادعي لربنا أن يثبت قربك منه ويبعدك عن أي حاجه تغضبه وقولي الدعاء ده ... (-اللهم وفقني على ترك المعاصي أبداً ما أحييتني، واختم لي بعمل صالح يا أرحم الراحمين. -اللَّهمَّ أنتَ ربِّي، لا إلَهَ إلَّا أنتَ، خَلقتَني وأَنا عبدُكَ، وأَنا على عَهْدِكَ ووعدِكَ ما استطعتُ، أعوذُ بِكَ من شرِّ ما صنعتُ، وأبوءُ لَكَ بنعمتِكَ عليَّ، وأعترفُ بِذنوبي، فاغفِر لي ذنوبي إنَّهُ لا يَغفرُ الذُّنوبَ إلَّا أنتَ.) ٣)احنا ك بشر ساعات الشيطان بيوسوس لينا حتي بعد نيه التوبه انتي لازم تشوفي ايه اللي بيخليكي تفكري ف الموضوع ده وتبعدي عنه تماما زي مثلا انك لتكوني لوحدك ف انتي متقعديش لوحدك لا خليكي دايما مع حد من أهلك خلي دايما ف سبحه ف ايدك عشان تستغفري اول لما يجيلك التفكير ألهي نفسك كل شويه ب حاجه بتحبيها اقعدي مع أهلك أو اقراي قران او حتي شوفي مسلسل كل فتره و بردو لو ينفع تخلي نفسك تحت السن أن يمنعك تشوفي اي حاجه اعملي كده و افتكري دايما أن اكيد انتي بنوته جميله و شاطره و بتصلي اكيد مش هتحبي ربنا اولا يشوفك بتعملي حاجه زي كده ابدا ابدا ثانيا أهلك وتعرفي أن ربنا ساترها عليكي وعلينا جميعا وان ربنا مش دايما هيسترها ف متخليش رصيدك من الستر يخلص ٣)تفضلي ماسكه ف صلاتك اوعي تسيبيها هي اللي مخلياكي دلوقتي عايزه تحلي مشكله معاكي وحاجه غلط و تفضلي مواظبه علي قراتك للقران اليوميه يحبيبتي وياريت لو يفضل ف قران ف اوضتك دايما بحيث انك تكوني مكسوفه أن كلام ربنا شغال وانتي تعملي اي حاجه تغضبه...... موضوع المذاكره ده تعرفي أن ربنا رقم واحد هيوفقك باذن الله اول حاجه لانك مش بتغضبيه و انك بتصلي وتقراي قران تاني حاجه لان (مَن ترك شيئًا اتِّقاء الله عوَّضه الله خيرًا منه) غير انك هتستسمري الوقت اللي انت كنتي بتعمليه فيه حاجه غلط ب مذاكره بس اهم حاجه التنظيم وانك تصحي بدري لو عملتي الحاجتين دول صدقيني الدنيا كلها هتتحل ١) اول حاجه نظمي وقتك ودايما رتبي أن يومك يبتدي من الفجر تقومي تصلي و يومك يبدأ الموضوع ممكن يفضل صعب اول فتره لكن صدقيني ده احسن وقت انك تبداي بيه يومك هتحسي أن فيه بركه مش طبيعيه ٢) اكتبي يومك هيمشي ازاي بالورقه والقلم دايما و رتبي اهم النقط اللي لازم تخلص النهارده وخلي عندك اراده أن اللي هيتكتب هتعمليهو ٣) لما بكون عندك امتحان اديله اكبر وقت من يومك لكن بلاش تخلي اليوم او الاسبوع كله للماده عشان الامتحان حولي ترتبي الدنيا ٣) خدي استراحه بين المذاكره عشان متزهقيش وتتعبي ٤) استغلي اجازه نص السنه كويس جدا هتفيدك صدقيني ممكن تاخدي راحه تلت ايام منغير مذاكره لكن متخديش اسبوعين ولا اسبوع حتي لسه العيد جي وحاجات تانيه صدقيني استسمري ف الاسبوعين دول كويس اوي اطلعي منهم مش مراكمه اي حاجه واخر حاجه حبه اقولها ليكي أن ربنا يوفقك ويفرحك و حولي مع نفسك دايما متيأسيش وافتكري أن ربنا كبير وبيسامح المهم انك تندمي و تتوبي لي

ابعدي عن ابن خالتك عشان هتفضلي تعبانه نفسيا وهو كمان هيتعب طول حياته معاكي لانك مش بتحبيه وعلاقتكوا هتفضل من طرف واحد وهتهلكك انت وهو لكن مترجعيش للقديم الا لو هيجي يتقدم رسمي عشان متبقيش ف علاقه من ورا أهلك وف نفس الوقت تبقي اخدتي خطوه جد مترجعيش منها كل شويه وتظلمي نفسك وتظلمي حد معاكي