Ahmed Sabry

محدش فينا كامل او عنده مميزات بس ممكن من النواقص اللي عنده انه مش بيصرف كتير. ممكن يكون شخص اقتصادي وبيحاول يحد من مصاريفه علشان مثلا يعمل حاجة لنفسه في المستقبل زي مثلا مياخدش وقت ويتجوزك . ممكن تكوني انتي بتحبي الحجات الغالية اووفر لمجرد انها غالية ودة مش صح .. وممكن برضه يكون بخيل فعلا علشان تعرفي هو كدة او كدة اصبري وخدي وقتك معاه لو مش مرتاحة يبقي الوضع مش هيبقي مريح بعد الجواز برضه بس خدي واقتك وفترة الخطوبة اصلا معمولة علشان كدة .. وربنا يوفقك

قوليله كل حاجة بصراحة والجواز اتفاق في الاول والاخير بس متجيش علي نفسك او عليه يعني السلبيات اللي تقدري تتفاديها مشيها متوقافيش عليها الحجات التانية اللي حاسة انه هو اووفر فيها كلميه عنها ومتحطيش في دماغك اي حاجة دلوقتي غير لما تكلميه وتقوليله انا مش مرتاحة ل كذا وكذا فيك وتشوفي ردودة عاملة اذاي ومتاخديش قرارك لوحدك .

ناس كتير اتخطبوا وربنا مأرادش وفركشوا واتجوزو ناس تانية خالص لأسباب مختلفة ودة طبيعي وحصل لناس اعرفها جدآ . ووارد يحصل عادي .. انا مش بقولك كدة علشان تفكري انك تسبيه اكتر من انك تبقي معاه انا بس عاوز اقولك انك تثقي في ربنا وربنا هيختار الاحسن ليكي وبانصحك تصلي صلاة استخارة وشوفي مستريحة ولا مش مستريحة بعد كدة خدي قرارك وربنا يكتبلك الخير يارب