Aisha Ahmed

انا برده في تالتة ثانوي اخويا الكبير كان دفعة ٢٠٢٣ و دخل طب بشري الحمد لله خلاصة تجربته انه بدأ السنة بحماس مش بمجهود اه كان بياخد كذا درس في المادة بس هو قالي معملش كده اه كان اغلب دروسه في الاول اوف لاين بس هو قالي اتعلم من اخطائه و ان الاونلاين احسن بكتير و الكتب الي هتجبها يكون المستر الي بتاخد عنده هو الي قالك تجيبها حل كتير و من اهم الحاجات الي هتفرق معاك الدرس تاخده تحل عليه في نفس اليوم بعد كده تراجع عليه مراجعة بسيطة تاني يوم و تحل عليه تاني من مصدر مختلف و متقلش انا عايز ادخل طب اسنان قول انا عايز اطلع من الاوائل انا عايز اقفل المادة دي كل امتحان اعتبره ان امتحان اخر السنة و ذاكرله كويس

تعرفي ان و الله العظيم دي نفس مشكلتي بالظبط قدرت اتخطاها نوعا ما و هقلك الحل كوني باردة على قد متقدري متحوليش تطلعي نفسك صح و خلاص خد حقك بذكاء و هدوء و مهما كان متعليش صوتك عليهم و ده لمصلحتك انت مهما كان عندك حق هيضيع لو عليت صوتك او اتنرفزتي و عشان تكسبي مامتك و بابكي و تخليهم في صفك طبلي ليهم على قد متقدري اه و الله زي ما بقولك كده و قولي حاضر و نعم حتى لو مش هتعملي الحاجة دلوقتي قولي و خلاص و بس بالتوفيق 😊

امتحنت قدرات طيب ؟ أصل التقديم لاختبارات القدرات قفل من زمان

بصي اولا الي انت بتتهمي فيه ابوك ده اتهام كبير جدا لكن مش مستحيل يحصل اه فعلا فين ناس كتير و عرب عادي اتجوزوا و خلفوا و طلع ميولهم شاذة فعلا . لكن بصراحة قدر اخف من قدر يعني ممكن بباك يكون بيخون فعلا مامتك بس مش مع راجل مع ست عادي و مسميها باسم راجل و طالب منها تبعتله حاجات معينة عشان يبان كأنه راجل صاحبه عشان ميتقفش يعني فاهمني و متسبيش الموضوع يعدي كدا " من رأى منكم منكرا فليغيره بيده "

لا متتاسفيش انت الي زيك المفروض تفتخر بنفسها على كل الظروف الي بتمري بيها انت الوحيدة الي هتقدري تساعدي نفسك و تلاقي حل لان انت المحطوطة في الظروف ظي نصيحتي ليك اعملي الي عليك و متدسويش على نفسك السنة لسه طويلة ربنا يوفقني و يوفقك

يا بنتي ثقي في نفسك شوية انا من غير ما اشوفك بحس اذا كان الشخص جميل و لا لا و الجمال و الله مش بالشكل و لا بالشعر شخصيتك و اخلاقك هما الي هيخلوا كل الناس تشوفك جميلة انا عارفة انك هتفتكري ان ده كلام و خلاص بس صدقيني ده الحقيقة

استخدمي منظف للمنطقة دي اسمه جولد gold و اتطشفي بمياه سخنة قدر الامكان كل ما تحسي بالحكة و اه الموضوع طبيعي جدا و حولي كمان متلبسيش الاندر وير الي لبستيه قبل كده وقت الحكة يا ريت ترمي كل القديم و تجيبي اندر وير جداد

في نفس عمري و نفس المشكلة كمان بس الحمد لله اتعالجت منها بسرعة اتمنى لك الشفاء العاجل

انا شايفة ان في كمية تعلق كبييييييييرة جدا و المفروض مهما كان الشخص منتعلقش بيه للدرجة دي و للمعلومة بس هي لو صاحبة حقيقية و كنتي انت بالنسبالها زي ما هي بالنسبالك هترجعلك ان شاء الله

احنا ممكن نبقى صحاب هو انا اه برده كانت مشكلتي اني هادية جدا من و انا صغيرة و مبفتحش قلبي لحد بسهولة بس الحمد لله متعرضش قبل كده لتنمر من حد و سيبك منهم الي بيتنمر ده يبقى عنده عقدة نقص انا مرة واحدة في حياتي اتعرض لموقف و انا في ابتدائي بنت قلتلي كلام وحش عن شعري الي هو اصلا كان احلى حاجة فيا و هي كانت متضايقة عشان هي شعرها كان خفيف جدا و غيرانة و خلاص مني وبس لو عايزة تتكلمي مع حد انا موجودة

خالي كمان ٤٢ سنة و لم يتزوج مع انه طبيب عظام و عنده شقة واسعة مفروشة في منتهى الروعة و الجمال و من اكتر العائلات المعروفة و مثقف جدا و كل ده و عادي لم يتزوج انت لسه قدامك فرص كتير و لسه صغيرة