عمر ما كان الالتزام و حفظ القرآن عائق يعطلنا عن المذاكره بل بالعكس القرآن و التقرب من ربنا بيعينا و يقوينا على ضغط المذاكره و الضغط النفسي بتاع الامتحانات وعندك مثلا د حازم شومان دكتور و الطب بيحتاج مذاكره جامده و ووقت كتير حتى بعد التخرج و مع ذلك ما شاء الله عليه رجل دين مش بس بيحفظ قرآن و بعمل ال ربنا أمره بيه لا ده تمعن في الدين دي اول نقطه تانى نقطه بالنسبه لصلاه الفجر فيه حاجه انا بعملها و بتنفع معايابتتخيل أن الشيطان ده شخص و بيمنعنى عن الصلاه فيقول لنفسي لا انا هقوم و اصلي ومش هخليه يضحك عليا و متطفيش المنبه غير لما تقوم من على السرير و رايح تتوضي خلاص تالت نقطه بالنسبه لصدق العباده ده طبيعى أن بين كل فتره التانيه يحصلنا فتور في العباده المومن الصادق اللى يعرف أن ده اختبار من ربنا و يحاول يقوم نفسه من تانى ف اسمع سلسله تذوق العبادات مع د احمد العربي مش لازم تخلص الفيديو في نفس اليوم حتى لو 10 دقائق بس كل يوم ده لينك اول فيديو https://youtu.be/63_AOCldyXo?si=BehGA90ivei0GCdJ وربنا يثبتك و يثبتنا على دينه اللهم آمين
تم النشر الخميس، ٤ أبريل ٢٠٢٤
فيه حاجه بعملها مش عارفه هتظبط معاكى ولا لا لما بحس أنى مش منتظمه بحاول اعتكف يومين تلاته كده زي ايام رمضان إلى هو هصوم و بالتالى لازم اصلى عشان مفيش صوم من غير صلاه و بقرأ قرآن كتير فبخرج من اليومين دول الأمور متظبطه و بحس بإحساس جميل يارب تنفع معاكى ❤️
تم النشر الاثنين، ١ يناير ٢٠٢٤
ده اقل حاجه في الطبيعى المفروض تروح تكشف و تبدأ تتابع عشان ميزدش عن كده
تم النشر الخميس، ٢١ ديسمبر ٢٠٢٣
لو بتاخد دروس اعمل الى المدرس طلبه منك سواء حل او مراجعه بالنسبه بقى لطريقه المذاكره ف هى بتختلف من شخص للتانى يعنى في شخص يحب يذاكر بورقه و قلم فيه حد يعمل مخططات او حد يذاكر بصوت عالى شوف انت بتفضل اى طريقه و ذاكر بيها والأهم من كل ده انك لما تذاكر حاجه تحل عليها عشان تثبت المذاكره أو لو كان فيه حاجه فاهمها غلط الحل هيساعدك تظبطها لو بإمكانك تذاكر الدرس يوم ما تاخده و ترجع تبص عليه يوم الدرس هيكون افضل كمان وربنا يوفقك ياارب
تم النشر الأحد، ١٠ ديسمبر ٢٠٢٣
بصي اول حاجه نفسيتك لازم تكون كويسه حاولى تفصلي مش لازم تخرجى و الجو ده ممكن مثلا تقضي يوم من غير مذاكره مع أهلك او حد بتحبيه او ممكن تنامى . و تراضي نفسك و وتجيبي لنفسك شوكولاته أو حاجه بتحبيها لو بتحبي الرسم ارسميلك ساعتين ولا حاجه على حسب وقتك اعملى ده تانيا بقى خلى عندك يقين تام بربنا انو دايما بيعمل الخير و بيعمل إلى فيه مصلحتك و انتي اعملى ال تقدري عليه انتي عليكى السعى وليس النتيجه و شغلى قرآن جمبك بصوت واطي وممكن تسمعى فيديوهات عن اليقين بالله فيه فيديوهات 5 دقائق مش كتير يعنى لو النقطه دي متظبطه عندك هتحسي بفرق كبير جدااا عن تجربه
تم النشر السبت، ٩ ديسمبر ٢٠٢٣
لو بتاخد ادويه ممكن يكون من آثارها الجانبية
تم النشر السبت، ٦ أبريل ٢٠٢٤
لعرض الملف الشخصي في فدني اضغط هنا