Enas Zain

صباح الخير..... اولا احب اقولك ان مفيش واحد على وجه الارض اجتمع عليه الناس ان كلها بتحبه.... مفيش حد الناس كلها تتفق عليه..... وزي ما انتي اصحابك سابوكي وحب حياتك برضه..... وحقك طبعا انك تزعلي وتتصدمي وتاخدي وقتك في الحزن وتفهمي مشاعرك صح وتنضجي ... هي دي الحياة..... لكن المهم هو قرارك انتي .... هتحبي تفضلي عايشة في الصدمة والحزن ...ولا هتفكري تخرجي من دة ازاي وتكملي حياتك..... اكيد عندك مميزات كتير تخلي ناس تانية كتير يتمنوا يصاحبوكي.... وناس تانية نفسها بس تاخد مكان في قلبك..... دوري على دول..... الحياة قصيرة اوي ان احنا نحزن فيها..... اللي يسيبك اكيد هو اللي خسران.... صاحبي تاني وابدائي من اول وجديد... حبي تاني واللي جاي هيكون احسن باذن الله...... متقعديش مع حد الا اللي مقدرك وعارف قيمتك كويس .... ومتسمحيش لاي حد انه يقلل ثقتك بنفسك.... ذاكري وانجحي ..... وربنا هيكرمك ويرزقك احسن منهم كتير..... عدم وجود الناس دي في حياتك دلوقتي دا خير ربنا عمله ليكي.... محدش عارف لو لسة موجودين كانوا اذوكي ازاي ...... الخلاصة اللي اقدر اقدمهالك ياقلبي: ١- ان الله لا يغير ما بقوم حتى يغيروا ما بانفسهم ٢- surround yourself with people whose eyes light up the moment they see you coming وربنا معاكي يارب

We are humans , we do mistakes but we don't regret them, we learn from them. خير الخطائين التوابين... ربنا غفور رحيم تواب حنان منان..... اما بالنسبة لاسرتك.. ثقتك بنفسك وانك كبرتي ونضجتي واتعلمتي هي اللي هتحط حدود انهم مش ينتقدوكي او يلوموكي. الحياة مش انك تضرب... هي انك تنضرب وتقف تاني على رجليك.... كلنا بنمر بابتلاءات ..الناجح والشاطر هو اللي بيتعلم منها ومتحكميش على نفسك انك وحشة لمجرد حد قالك كدة ... انتي شخصية راااااائعة طالما انتي فعلا مصدقة دة... ربنا معاكي ياقلبي

بص قبل ما تاخد قرار تندم عليه باقي عمرك ...شوف انت عايز انهي حياة وانهي واحدة .. ومش بقولك تقارن بينهم لان ماينفعش اقولك الفيل اكبر ولا النخلة اطول.... مفيش مجال للمقارنة.... انت شايف نفسك مع مين... هتحقق ذاتك مع مين... تشعر بالرضا مع مين.... ولو مراتك خلاص هتبقي مقتنع وهتحبها زي ماهي مش هتبقي عايز تغير فيها حاجة... هتروحوا بس لاستشاري علاقات زواجية وهو هيخلي اهتمامتكم تتقابل .... ويعدل في اولويات كل واحد فيكم.... اما لو شايف انها التانية... يبقي متظلمش مراتك وبنتك ونفسك ...مهما حاولت مش هتعرف تسعدهم لانك بتظلم نفسك قبلهم.... وربنا معاك ويهديك للصالح

صباح الخير ازيك بصي اولا انت شاطره جدا وحد ناجح جدا وحد عنده شغف وعنده حماسه وعايز يبدا حياته وينجح ويبقى حد جامد قوي ما فيش حاجه اسمها هل انا فاشله ولا لا ما فيش فشل في حاجه انت بتوصفي التجربه نفسها ان التجربه ما نجحتش قوي او كده ولكن انت احنا مش بنفشل احنا بنمر بتجارب نتعلم منها نغلط فنصلحها ونبدا تاني فكره ان مدير الشركه او صاحب الشركه او المشارك ليه هم شافوا فيك حاجه طبقا لخبرتهم عارفين انك حد شاطر.انت بقى اللي.انت بقى اللي بتبصي لعيوبك بس مش بتخلي عينيك تبص للمميزات هو ايه الحاجه الحلوه اللي شافوها فيك ان انت هتنفعي في السن الصغير وانت خريجه جديده انك تشيلي المحل بحاله وتشيلي حسابات المكان كله لما تبقي نازله في سوق العمل لازم تبقي حاطه في اعتقادك انك ما بتثقيش في اي بني ادم غير انت بس ما فيش حاجه اسمها جابوا حد تاني وهو نيمك في العسل انت مسئوله عن كل حاجه لما تشيل المسئوليه بتاعه كل ده وتتعلمي من المرحله اللي فاتت كلها هو ده اللي هيساعدك تنجحي انت ما مشيتيش وهما ادوكي فرصه ثانيه استغليها وانجحي وتثبتي المدير بتاعك مش للمدير بتاعك كمان تثبتي لنفسك قبل اي حد ان انت حد جامد وان انت قدها.

ازيك عامله ايه بصي سن 16 سنه ده ده ذروه المراهقه تمام في سن المراهقه طبيعي احنا ما بقيناش اطفال فاحنا بنحاول نفكر ومشاعرنا بتبقى مختلفه وبيبقى عندنا كميه هرمونات كتير كده بدات بتحول جسمنا من طفله لان احنا نبقى ناس كبيره نبدا نفهم شخصيتنا بتتكون ازاي فبنحاول فيه سنه كده ان احنا نقعد بعيد عن الاسره شويه عشان نشوف احنا عباره عن ايه او او دماغنا دي بتفكر زي الاسره دي ولا لا بنبقى عايزين نشوف العالم الخارجي من بره فبيبقى تركيزنا نكتشفه ازاي ممكن انت طريقتك في اكتشاف العالم الخارجي ان انت تتفرجي على المسلسلات تركيه وبقى عندك فيها وهتبقي اشطر من اي حد لو سالك في اي مسلسل وكده فدي فتره حاولي تعيشيها اوكي بس الفكره بقى هنا بصي يا حبيبتي لو انتي مضايقة من موضوع انك بتتفرجي على المسلسلات التركي كتير او انها بقت الباشون بتاعك وبتحاولي تتفرجي عليها بشكل اوفر وتمثليها وشايفه نفسك فيها وشايفه شخصيتك فيها.لو انت عايزه تبطلي ده وانت مش حابه الموضوع دوت ما ينفعش توقفيها وتسيبي المخ كده لوحده لازم تحطي بديل.فاهمه قصدي.

ازيك يا موكا بصي يا حبيبتي انا مقدره اللي انت فيه جدا وعارفه انت حاسه ازاي وبس فكره ان انت بصي انتم كنتم بتحبوا بعض بقى لكم ثلاث سنين اتخطبتوا من شهر سبعه ما كنتش متوقعه بقى ان فتره الخطوبه دي هتبقى احلى كتير كمان من فتره الارتباط وان خلاص الشخص اللي كان بيحبك واختارك عن كل البنات اللي قدامه هو هو ده اللي هيسعدك فالاكسبكتيشنز والتوقعات اللي انت كنت راسماها الموضوع ده ما حصلتش هو فانت من حقك تعملي لايه الخطوات اللي جايه واحد هتقعدي الاول لازم تحسسي جسمك ومخك وكل حاجه ان انت في مرحله من الحزن تتقبليها للصدمه اللي حصلت ان انتم خلاص مش هتبقوا مع بعض تاني فلازم تعيشيها وما تنكريهاش هو ده واقع وده حاصل ومحتاجه انك تتقبليه بسرعه عشان تقدري

سؤال صغير ياغادة...ممكن مثال صغير عن حاجة اناي بتشتكي منها شايفاها غريبة وكبيرة..وهما قالو لا دي عادي..... علشان الصورة توضح عندي

صباح الخير.... بعد ما قريت اللي كتاباه ... برضه مقدرش احكم عليكي او عليه... معرفش ظروفك وظروف بيتك ولا اعرف ظروفه.... معرفش حتى عندك كام سنة... فمقدرش اقولك تعملي ايه..... بس بتحليلي للي قريته على اد المعلومات اللي انتي عرضتيها ...... حبك الاول كان من وانتي صغيرة اوي...تالتة اعدادي... وعملتي كل حاجة وضحيتي بحاجات كتير علشانه... فخيانته دي زي ما وصفتيها تعتبر صدمة في حد ذاتها انتي لم تتعافي منها لسة.... فدخلتي علطول في خطوبة تانية ...ومن احساسي بكلامك مخك بيعمل حيل دفاعية لحمايتك ودة انك شايفة عيوبه بس ...انا مش بضغط عليكي او بلومك .... بس علشان تبدائي حياة جديدة مع حد جديد لازم لازم تكوني قفلتي القديمة خااااالص.... خلصت فعلا.... متخليش مخك يضحك عليكي ويعمل مقارنات بين الجديد والقديم ..او يقارن مشاعرك مع خطيبك الحالى ومشاعرك ايام زمان ويقولك هو ليه مش حاسين نفس الاحاسيس.... مفيش حب يكون زي الحب الاول... فلازم تتعافي منه الاول علشان تعرفي تسعدي نفسك مع خطيبك وتحكمي على الامور اللي بتمروا بيها سوا صح.... وربنا معاكي ياقلبي