AM E RA

الڤيديوهات والكتب والحكي هاد كله لو أثر عليك تأثيره هيكون مؤقت مش أكتر، بالبداية ارجع لربنا وضل ادعي يعطيك الهمة وينورلك طريقك ويبعد عنك المشاكل والضغوطات وكلشي ممكن يأذيك، المهم لترجِّع شغفك إنّه تعرف هدفك وايش انت بدك ولشو بدك توصل وتحط خطة تمشي عليها وتبلّش فيها بنفس الوقت من دون تأجيل، يعني لا تحكي بكرة ببدا أبدًا! إبدا حالًا.. ولحتى تضل ماشي ع الخطة ويصير عندك أفكار وشغف أكتر جيب دفتر أو ورقة وقلم وأكتب عليه كلشي بيخطر ببالك لحتى تفرِّغ عقلك من اللي فيه حاليًا ويصير في تجديد بتفكيرك وكمان لما تكتب ع الورقة هيضل ببالك إنه لازم تنجز وهتنجز! وتذكَّر إنّه الحياة أيام قليلة فلا تمضيهم وانت فاقد الشغف ومش عامل اشي يسعدك، وتذكر إنه إنجازك هيسببلك بسعادة بالنهاية وهتكون عملت اشي بتحبه وبدك إياه أو لازم تعمله، ولا تنسى الدعاء بكل وقت لحتى ربنا ييسرها معك، الله يقويك ويلهمك الصواب🤍

دامك مُسلِمة تذكري يا حلوة إنّه هاي العلاقة أساسًا حرام سواء كان الشب مُلحِد ولا من أهل الكتاب، واعرفي شو تقرأي كتب وبشو تتأثري، لأنه أكيد مش عادي تضلي معه وممكن يأثر عليكِ كلامه وشوي شوي تقتنعي باللي بحكيه ولا سمح الله درجة إسلامك تِقل أو تصيري تشكي ويخطرلك اسئلة غيبية، اختصري كل هاد اللي ممكن يصير واختاري رِضى ربنا وابعدي عن العلاقات الحرام، الله يحكِّم تفكيرك ويهديكِ ويهدّي بالك🤍

عملتِ الصح، بس لتكوني تمام أكتر تذكري إنه مجرد الحكي معه بلا ضرورة حرام، وابعدي عن أيّ علاقة بتغضِب ربنا، الله يرضى عنك 🤍

حبيبتي، الله يهدّي بالك ويكرمك ويستر عليكِ ويقويكِ 🤍

وبالنسبة لإستجابة الدعاء، مش بالضرورة ربنا يستجيبلك بنفس الوقت أو الفترة اللي بتدعي فيها، في أدعية بتضل سنين وسنين لحتى تُستجاب، ربنا بستجيب بالوقت المناسب، ولو ما استجاب بتكون الدعوة أجر إلك بالآخرة وخير إلك بالدنيا. 🤍

ما هو ما وصل من قبل وربنا ساتر عليكِ، ليه ليوصل هس! خلي ثقتك بربنا كبيرة وهيستر عليكِ، ولو ايش ما صار تأكدي إنه دايمًا هيكون فيه الخير 🤍

لأنه لازم تعرفي تصاحبي، يعني حاولي لمرة انتِ تبدي الكلام مع البنت لأنه ممكن هم كمان بستنوا منك! ومش أي صاحب بكون جد صاحب، ومش مهم كتر الصحاب المهم صاحب واحد تقدري تشاركيه كلشي وتقدري توثقي فيه! 🤍 ومبدأيًا، في بنات صاحبات عسل وبتقدري تأمنيها ع كل حياتك، وفي بنت ما بتقدري تأمنيها ع اشي لأنه هتغدرك، أصابعك مش واحد والناس كلها مش واحد 🤍 **أما معلومة إنه الشباب أحسن من البنات، صحبة الشباب بين بعض غالبًا بتفرق عن صحبة البنات، وإذا شب بيهتم فيكِ أو ببيِّن هيك فهاد طبيعي لأنك بنت وهم طبيعي عندهم يهتموا بالجنس الآخر، بس هاد مل بيعني إنه مافي صحاب بيّاعين وغدّارين🤍 بكل مكان في الصالح وفي العكس المهم تعرفي تختاري وتصاحبي، وبرجع بحكيلك حلو كمان انتِ تبلشي الحكي مع الناس ما تستني منهم هم يحكوا معك🤍

مبدأيًا، ربنا غفور رحيم، ودامك عارفة خطأك وتبتِ توبة نصوحة ربنا هيغفرلك إن شاء الله، وكمان ربنا بستر ع الناس فيعني لا تخافي من الإشي اللي صار أو حد يعرف فيه دامك مش هتحكي لحد ودايمًا إدعي بالستر والتوفيق، الله يهدّي بالك ويرضى عنك وييسر أمرك🤍

لأن المنطقة والبيئة ما بتشجِّع الواحد إنّه يعالج صحته النفسية وبالنسبة إلهم هاد اشي طبيعي وبصير مع أيّ حد ومافي داعي للعلاج ولا لمجرد تفكير ومافي سبب يخلي نفسيتك تتعب وهاد دلع واشي مش صح... ما في ثقافة عن العلاج النفسي ولا وعي، العادات البيئية هي محتلة التفكير..

لا تبعتِ، لو فيه خير إلك لو بعدتوا عشر سنين هيرجعلك ويكون من نصيبك، وكمان لا تعلقي حياتك بشخص وكملي بدون ما تستني، وتذكري إنها علاقة حرام لحتى تنفري منها🩶