Basma Mohamed

انت اصلا في غني عن الناس ربنا ما يحوجك ليهم... واثبت وخليك قوي واخر اليوم اقلع قناع القوة ده في ركعتين لله قبل الفجر واحكيله كل حاجة وبين ضعفك وتذلل "الذل لله عزة" قرب منه واشغل نفسك بيه واتعلم أسماؤه وخلي لسانك دايما ذاكر ليه صدقني هيكفيك ويغنيك عن الدنيا باللي فيها اعمل ورد سماع للقرآن وأنصت لعلك ترحم.. كمان ورد استغفار تفتح لك أبواب السماء وربنا يعينك علي نفسك ويرزقك الصبر وقوة التحمل ويعوضك بالخير كله

الحمدلله علي نعمة النفس اللوّامة كون ان ضميرك بيأنبك ونفسك بتلومك ع الذنب فانتي بفضل الله لسة قلبك حي وربنا رايد ليكي الخير وبيحبك، أبشري وهوني علي نفسك دلوقتي لازم نتفق انه "ولا متخذات أخدان" لا يجوز اني اكلم شاب أجنبي عني الا في اضيق الحدود للضرورة يعني غير كدا ميصحش لا دينيا ولا أخلاقيا ومفيش حاجه اسمها ده زي اخويا و دي زي اختي!! الحل ايه.. اقفلي باب الفتن.. ومرة واحدة من غير مقدمات عشان متضعفيش تاني اعملي حظر،وابعدي عن اي مكان ممكن يتواجد فيه وقربي من ربنا وادعي دايما يدبر امرك واللي فيه الخير يقدره ليكي ويرضيكي بيه واعملي ليكي ورد استغفار وربنا يسعدك ويثبتك علي ما يحب ♥

شوف كورسات او كتب بتتكلم عن الزواج، الحقوق والواجبات وفن التعامل بينكم عندك مثلا كتاب (تحفة العروس/ الزواج الاسلامي السعيد/العطر الفياح من الخطبة للنكاح) وغيرهم كتير اقرؤوا واتناقشوا سوا وربنا يسعدكم ويجمع بينكم في خير

دور ع الصحبة الصالحة صحبة المسجد وحلقات القرآن.. والله دول كنز اذا ربنا رزقك بيهم يبقي يا سعدك ان غبت سألوا عنك وتفقدوك وان كنت مريض او مكروب ما بينسوك في دعوات السحر، بياخدوا بإيدك لو وقعت او حصلك فتور في العبادات، بيحبوك لله وفي الله فقط دايما ماليين عليك يومك وحياتك حتي في الجنة هيسألوا ربنا عنك ويشفعوا ليك ربنا يحبك ويحبب فيك خلقه ويمن عليك بالصحبة الصالحة اللي تاخد بإيدك للجنة

سلامتك من الاكتئاب، الله يريح بالك ويجبر قلبك ويعوضك بخير الصحبة الصالحة🕊 علقي قلبك بالله فقط ترتاحي "أحبب من شئت فإنك مفارقه، واعلم أن شرف المؤمن قيامه بالليل وعزَّه استغناؤه عن الناس"

اولا/استخيري دايما وادعي الدعاء ده كتير "اللهم اختر لي ولا تخيرني" ثانيا/ضروري ييجي البيت كل فترة وتقعدي معاه في وجود حد من الأهل وتتكلموا وتتناقشوا في اي شيء ولو ليكي اخ او والدك يتكلم معاه واسمعي حوارهم مع بعض عشان تفهمي طريقة تفكيره مكالمات الفون مش كفاية ابدا حتي لو اتكلمتوا بالساعات ثالثا/ معاكي قلم وورقة رتبي فيها افكارك واكتبي اي حاجة بتحصل منه وزعلتك واوعي تعديها لازم تتكلمي وتعبري عن زعلك منه وتنتبهي هيصلح الحكاية ويحل المشكلة ازاي وهل بيهتم لزعلك ولا يهون عادي رابعا وخامسا وللمرة المليون... استخيري وربنا يدبر امرك ويكتب لك الخير ويرضيكي بيه 🌹

مش عادي أبدا،ربنا يثبتك🌹 لو قدرتي تطلبي منه يقفل الاغاني او يخفض صوتها يبقي جزاك الله خيرا ولو رفض فعليك بنفسك استخدمي الهاند فري طبعا وارفعي صوت القرآن وأنصتي له .. ربنا يحفظك ويحفظ عليكي سمعك

عليك بسورة البقرة يوميا تلاوة وسماع.. قال عنها النبي صلي الله عليه وسلم "أخذها بركة وتركها حسرة ولا تستطيعها البطلة(يعني السحرة) "  واصبر لعل تأخير زواجك لخير لا يعلمه الا الله، يسر الله امرك

https://t.me/awnalbenaa

منصة القران على التليقرام ( اشمل مكتبة قرانية صوتية ) Quran Bot on Telegram (  The Most Comprehensive Quranic Libs ) https://t.me/IslamicQuranBot

كلامك صح جدا وانا مقولتش ان الناس كلها وحشة اكيد كل حاجة في الكون فيها الحلو والوحش بس لازم يبقي عندي وعي اقرب من الناس اللي علاقتي بيهم مريحة وبسيطة وأبعد عن اللي بيستنزفوا طاقتي يعني اعرف اوازن وامشي الدنيا واكيد اكيد كل ده بالقرب من ربنا والاستعانة بيه في كل اموري.. ولا أبدا مزعلتش وجهة نظرك ورأيك يحترم وعلي راسي🌹

مش حضرتك بس ده اغلبنا تقريبا... الشباب الايام دي بسبب الضغوط اللي عليهم فعلا مبقاش عندهم طاقة للجدال او انهم يدخلوا في نقاش مع حد... من رأيي ده مش وحش انت لو عندك نصيحة تقدر تفيد بيها غيرك قولها واهرب يعني مفيش داعي لانتظار رايه... فكرة انك معندكش طاقة ترجع شخص لحياتك هو خرج منها بمزاجه وشايف ان مزاجه جابه يرجع دلوقتي، ده مش عيب شايفه ان ده نضج بدأت تتعلم مين يستحق اجادل واعافر عشانه ومين أمر عليه مرور الكرام... اسفه ع الاطالة بس دي وجهة نظري وربنا يوفقك

.. مسلمونا.. هتلاقي فيه مواقيت الصلاة، أذكار، قرآن، أدعية،اختبارات دينية وغيرها كثير تطبيق رائع بجد