Doaa Yasser

بصي يا عسل احنا دخلين علي شهر رمضان حاولي تجتمعي معاها تتكلموا بهدوء مثلا و هي بتعمل اكل تدخلي تساعديها وتتكلمي معاها عن اللي مزعلك واللي مزعلها و تحاولي تهدي النفوس ممكن تجيبي ورقه و تقعدي جنبها و تقوليها اكتبي اللي مزعلك مني عليها و انتي برده و تقطعي الورقه و تقوليلها خلاص نبتدي صفحه جديده احنا اخوات تجيبه مع بعض فوانيس رمضان بالذات اني فهمت انكم صغيرين بسبب انكم في بيت واحد مش متجوزين مثلا حاولي تشاركيها بعدها مثلا مامتك قالت ليها اطبخي ساعديها و افتحي كلام معاها و هكذا

حبيبتي و الموضوع محتاج ثقه في نفسك انا مش مهمه عند الناس بس مهمه عند نفسي بصي الناس هتشوفك بعينك يعني لو انتي عماله تقولي انا وحشه انا وحشه الناس هتشوفك وحشه و لازم تبعدي عن اي حد بيديكي طاقه سلبيه و تدخلي تجارب كتير مع ناس كتير مش كل شخص هيحب ولا الكل هيكرهك ولكن في البدايه حب النفس و يا ريت لو دكتور نفسي هيسعدك اكتر علي حكايه الثقه بالنفس

اخصائي نفسي

يا قمر مفيش حد هيجتمع على حب حد ولا كره حد حاولي تتعاملي مع الناس و تشوفي الناس مع الناس الي شبهك و تعرفي و تخوضي تجارب ولكن ده محتاج انك تكوني قويه وواثقه من نفسك لان مش الكل هيحب و مش الكل هيكرهك

انت شخص طيب القلب انك عفيت عنه ولكن دي مشكله لازم تكون شخص صارم مش عنيف، صارم لان الناس لما تلاقيك شخص ضعيف هتاكل حقك في كل حاجه ثق في نفسك و اعرف حقك و حاول تتعامل مع الناس بصرامه علشان محدش يتطاول عليك تاني من البدايه

اسألي الشخص ده لو بيحبك بجد هيجي البيت و هيتقدم ليكي لو قال لا اعرفي انه مش بيحبك و ابعدي عنه لانك اكيد مش هتقبلي علي نفسك انك تكوني في علاقه مخفيه و بتستهلك من طاقتك من دون فايده في النهايه

توبي لربنا من العلاقه دي وحاولي تقربي من ربنا و تسمعي فيديوهات كتير عن اضرار العلاقات ولازم تعرفي انك صغيره اولا تانيا انتي غاليه واللي بيحب جدا بيخاف عليه من اي حاجه تضره يعني مثل لو باباكي اكتشف مثلا مش كنتي هتتعرضي لمشكله هو مخفش عليكي تانيا مترتبطيش بأي حد اعرفي انك لسه بتتكوني في مشاعرك ممكن اللي كنتي بتحبيه دلوقتي مش يكون من مستواكي بعدين ❤