Asmaa Walid

السلام عليكم انا مش ببتدع ولا حاجه ولا قصدي انى اقول بدعة انا بقولها تعمل كدا عشان لما بيبقا عندها العذر الشرعي لما أيامه بتخلص كلنا بنحس أننا مش قادرين نرجع للطاعه تانى ، عشان كدا بقولها قومي اتوضي مش عشان بتتدع ولا اي حاجه وشكرا لكلام حضرتك

حضرتك لما تلاقي نفسك كدا قوم اتوضا وصلي ركعتين توبة ، أو قوم اتوضا واقعد استغفر ربنا

السلام عليكم ورحمة الله وبركاته ، اول شئ لازم حضرتك تستحضر هيبة الله سبحانه وتعالى امامك ، هقول لحضرتك حاجه ،دلوقتى انت لو والد حضرتك أو لوالدتك دخلت عليك وحضرتك مشغل البرنامج الحرام ده ، هل هتوريهم إلى انت بتشوفه عادي ولا هتخاف ، ولله المثل الأعلى تخيل بقا حضرتك خايف من والدك ووالدتك ومش خايف من إلى خلقك ، بكل بساطه ، ذكر نفسك بالكلام ده وكل لما تيجي تشوف اي حاجه وحشه قول ف نفسك يستخفون من الناس ولا يستخفون من الله ، هوا انا خايف من الناس ومش خايف من ربنا لا لا انا لازم اغلب شيطانى ، واذكرك برضو واذكر نفسى انهو حفت الجنة بالمكاره وحفت النار بالشهوات ، وتذكر ان الوصول للجنة يستحق ، ومن ترك شيئا لله عوضه الله خيرا منه

أيوة يا جميله عادي ، الصيام مش لازم تغتسلي ليه ، الصلاة فقط هي إلى لازم تغتسلي ليها

وإيام البريود قومي وقت كل صلاة اتوضي واقعدي مثلا سبحي واستغفري ، أرجو أن يفيدك بجد

طب بعد الاسبوعين دول هتعملى اي تبدأي تصلي السنن بقا ، انتى مستغربة صح هقولك ع حاجه ، احنا كلنا مضيعين صلوات كتير ف حياتنا ف عشان كدا لازم ع قد ما نقدر نحاول نعوض تضييع. الفروض بالسنن ، هقولك بجد عارفه مثلاً انا لما ببقا تعبانه ، وكدا ولازم أقوم اصلي وكدا ، وانا بصلي السنن ويصلي الفروض ، أقوم مثلا لو تعبانه اصلي الفرض بس ، ف لما تلتزمي بالسنن كمان هتلاقي نفسك بجد بتعرفي تلتزمي باافرض

بوصي يا وردة يا جميلة ، اول حاجه لازم نفهمها احنا كمسلمين ، الصلاة دي فرض واجب علينا ، بمعنى أن انتى ملكيش حرية الاختيار تصلي ولا لا ، طب أنا أعمل اي بقا طالما كدا ، بوصي يا حبيبة قلبي اول حاجه الدعاء ، تذللي إلى الله سبحانه وتعالى ، قوليله يارب يا مجيب الدعاء انا نفسي اصلي ، نفسي ترضى عني وتقربني ليك ، ادعي بأي لغة انتى عايزاها ما لازم تبقي حافظه ادعيه ، قولى اللهم اعني على ذكرك وشكرك وحسن عباد٥، اللهم يا مقلب القلوب ثبت قلبي ع دينك ، اللهم يارب غيرني لحال ترضاه ، طيب بعد الدعاء بقا نعمل أي ، انتى خلاص دعيني واخلصتي النية لله ودعيتي من قلبك ، ابدأي بقا اتدربي ع صلاة الفروض الأول هقولك حاجه ، اول خطوة لازم تعمليها عشان تهذي نفسك صلي الفجر ، اظبطي منبه فونك وقومي صلي الفجر تمام ، هتلاقي شيطانك ونفسك الأمارة بالسوء بتقولك لا ، متقوميش ، بس ورد الجميلة هي إلى هتقول لنفسها ، كدا لا انا هغلب شيطانى ،طب ورد هتعمل اي ، اول حاجه أنها تظبط المنبه وتحطه ف اخر الاوضه بحيث تقوم من السرير تعمل مجهود وتجيب الفون ، وبعدين ما انتى ممكن تقومي تفصليه وتنامي لا ، بوصي قومي كدا وقولى اعوذ بالله من الشيطان الرجيم ، واغسلي وشك بشوية ميه بس ، اغسلي وشك كدا وهتلاقي نفسك فوقتي ابدأي اتوضي بقا ، وصلي هتلاقي كمية سكينة ف الوقت ده لا تحصى وانتى ساجدة بقا اتذللي لربنا يارب اصلح قلبي يا رب انت القدير المجيب اصلح قلبي لحال ترضاه ، وادعي بقا كتير يا ستى يب بقيت الفروض ، انتى تجهزي نفسك قبل الآذان بعشر دقايق تبقي متوضية ، هتحسي.كدا أن نص الحمل انزاح ، طب وبعدين تستنى الآذان وترددي الآذان مع المؤذن واستشعريه هوا بيقول الله اكبر ، الله اكبر منى ومنك ومن كل حاجه ، الله اكبر واعلى من كل حاجه بتعمليها دلوقتي حسي الكلمة الآذان لما يخلص قولى اللهم رب هذه الدعوة التامة والصلاه القائمة آتي سيدنا محمد الوسيلة والفضيلة والدرجة العالية الرفيعه وابعثه اللهم المقام المحمود الذي وعدته أنك لا تخلف الميعاد ، رضيت بالله ربا و بالاسلام دينا و بمحمد صلى الله عليه وسلم نبياً ورسولا ، وبعدين تقومي تصلي الفروض بتاعتك هتستمري ع الحوار ده أسبوعين

هقولك تتأكدي ازاي ومتخافيش ، اول حاجه متقلقيش ومتخافيش من الافرازات دي وهي مش مشكله علفكرة ولا مرض ولا حاجه متقلقيش طالما البريود بتاعتك منتظمه وبتيجي كل شهر من ٢٨ ل ٣٥ يوم ، وبالنسبة بقا للصيام ف عندك طريقتين عشان تعرفي هتصومي ولا لا ، اول حاجه أن الحيض يجف عليكي ، يعني مينزلش عليكي حيض كدا خلاص تقدري تصومي ، طب لو انتى مثلا الحيض جف عندك وبعدها نزل عليكي إفرازات بنى ، عادي الافرازات البنى دي هتبقا استحاضه مش حيث ويجوز الصيام والصلاة ، وتانى علامه بقا أن ينزل عليكي بعد البريود افرازات بيضه ف ده معناها أن البريود خلصت برضو ، يجيلك علامة واحدة منهم بس ، وبرضو نفس الوضع لو نزل عليكي إفرازات بيضه وبعدها نزل إفرازات بنى ف دي استحاضه

أيوة كدا الحيض انتهى ، دي.كدا استحاضه وتقدري تصومي وتصلي