عبير فريد

الكتاب ده حلو اوي اقرأه وان شاء الله يفيدك

يوم التلات اللى فات ده كان عندى برزنتيشن برضو هقدمه قدام دكاتره كبار ومعيدين والطلبه اكيد والدكتور كان ممكن يوقفك ف نص الشرح يسألك ايه ده وليه ؟ انا حرفيا كنت مرعوبه زيك كده ومتوتره جدا عشان مش متعوده خاصه انى لما التجربه دى حصلتلى قبل كده ايدي بدأت ترعش وصوتى اتهز والدكتور اصلا معجبهاش البرزنتيشن بتاعنا ودخلتنا من غير ما نكمل بعد ما قاطعتنا ف نص الشرح وقالت كفايه عليك و كده..فتخيلى تبقى مقروصه جامد من الموضوع ده وتخافى يتكرر وتتحرجى قدام عدد كبير كده..عايزه اقولك انى قعدت اعيط ف الكليه قبلها بساعه مع انى محضره ومذاكره كويس وع فكره دكاتره القسم مكنوش كويسين خالص ومعملتش بروڤا لانى مكنتش عارفه زمايلى ومش متعوده عليهم..بس قولت ف نفسي دي تجربه وانا مش مطالب منى اقدم بشكل بيرفكت كده من اول مره ومحدش ماسكلى سلاح لو اخطأت و ايه يعنى لو حصل انى نسيت حاجه او صوتى اتهز اهى تجربه وهتعلم منها اكيد المهم محطش ف قلبى واقعد افكر اكتر من اللازم وحاولت ع قدر الامكان انظم ضربات قلبى قبل ما اطلع عشان الخوف هيضيعلك كل حاجه حاولى لو صاحبتك موجوده برضو تبصيلها وانتى طالعه اطلعى اقفى ع الحته اللى هتشرحي منها قبلها بفتره وحاولى تبصى للناس كلها وفهمى نفسك انه اهو عادى انا باصلهم ومفيش حاجه 😂وانتى بتشرحى برضو وزعى نظرك بشكل عشوائى من غير ما تركزي ف عين حد او ممكن تبصى لصاحبتك برضو انا لقيتها شجعتنى وطلعت موبايلها تصورنى وحقيقى عايزه اقولك ان لقيت كل التوتر راح وبقيت اتكلم بشكل طبيعى كأنى بشرح لحد من صحابى و عايزه اقولك برضو ع حاجه مش لازم تحفظى الداتا بالشرح حطى نقط مفتاحيه ف البرزنت ومتحفظيهاش بس انتى مذاكراها و عارفه هتتكلمى ازاى من خلالها والبرزنت بتقلب بصى فيها واشرحى ده بيقلل التوتر جدا جدا عشان نظرك هيتشتت من حاجه لحاجه ومتبصيش للدكاتره لوحدهم غلط جدا وده هيقلل تقييمك بصى لزمايلك كلهم اهون والله 😂😂

حاولى قبل ما تنامى بربع ساعه كده تشربي ينسون وعمتا قبل النوم بساعه كده شغلى قرآن بصوت شيخ بتحبي تسمعيه واستخدمى الهاند فري بحيث تفصلي شويه عن البيت ولو حابه تقفلى اوضتك برضو هيبقى احسن واقرأي أذكار المساء وان شاء الله يجيب معاكى نتيجه ❤

ببساطه جدا قولها بشكل محترم انك مش حاسس تجاهها بأي حاجه و أعتذر بشكل شيك وخلصنا بس عمتا البنت مش هتتعلق بيك ولا هتحبك الا لو بتجاريها و بتتكلم معاها وبتحس ف كلامك او معاملتك بأمل منك وعمتا من رأيي لو مفيش ضروره للتعامل متتعاملش اصلا مع الجنس الآخر الا لو كنت ناوى أنك تتقدملها..فكره الصداقه بين الجنسين دى اللى. بتعمل المشاكل من النوع ده حتى لو انت مش حاسس بحاجه ممكن هى تحس طب ليه ما من الاول نحافظ على قلوبنا من وجع القلب والمشاعر المهدوره دى ع الفاضى

العفو بالتوفيق ان شاء الله

العفو حبيبتى إن شاء الله تقدمى بشكل جميل جدا والكل يسقفلك كمان 😂❤❤