Murad Al Naseif

ع الرحب والسعة وفقك الله وسدد خطاك ويسر لك كل غسير وذلل لك الصعاب

كمان اشترك ف مكتبة عامة ف بلدك وانزل اقعد فيها كل فترة الموضوع حلو وهتقرأ الكتب ال تعجبك والاشتراك السنوي بسيط جدا أقل من 100ج وبتاخد كارنيه عضوسه من المكتبة وبتدخل ف أي وقت سواء تقعد تسترخي وتريح أعصابك بالمنظر الحلو بتاع المكتبة وتشوف منظر لطيف وخضرا وأشجار وممكن تدخل المبنى من جوا ف أي قسم من المكتبة وتقرأ حركة هتفرق ف نفسيتك كتير كررها مرة كل أسبوع أو مرتين

أي خدمة أخوية مفيش بينا شكر من دواعي سروري ولو وقعت وعوزت نصيحه أو حبيت تفضفض احنا كلنا موجودين معك مش تتردد وركز ع نفسك أكتر واهتم بالجانب الروحي وانزل جيم ودلعك ع الآخر كدا وقرب من ربنا أكتر وخلي أملك فيه كبير وانت مأجور ع الابتلاء بس الصبر والرضا ، وكورسات كتير مالية اليوتيوب لو عاوز تطور من نفسك وف برامج برضو بتكون باشتراك سنوي فيها أكتر من 300كورس متنوع واشتراك سنوي بكود خصم وتفتح معك طول العام براحتك وف جروبات وقنوات تيلغرام كتير لو عاوز تطور من نفسك ف الجانب الديني وخالط الصحبة الصالحه حتى لو مجرد معرفة مع الوقت هتتغير وف كتب علم نفس كتير تساعدك تتخلص من الرهاب الاجتماعي والاكتئاب بس ف نظري القرآن هو الحل الأول والأمثل لإن ف علاج لكل مشاكلنا بس احنا نروحلو بس

معذرة إني بكتب كتير بس بحاول أفكر بطريقتك أو بمعنى تاني بالظروف ال حواليك ، واعرف إن مفيش حد هيحل مشاكلك دي غيرك احنا بس محتاجين دعم محتاجين نفضفض لكن احنا مش صغيرين وبنقدر نحل مشاكلنا أحيانا بس بنكون عاوزين نصيحة عاوزين إرشاد عاوزين ناخد استراحة عاوزين توجيه طبطبه كدا يعني وعادي جدا نقدم لنفسنا كل دا وعادي جدا برضو نستعين بعنصر خارجي

ممكن جدا الناس ال حواليك واخدين عنك فكرة إنك انطوائي أو كئيب أو متكبر أو مغرور عشان مش بتتعامل معاهم ودايما واخد جنب عشان كدا مش عارفين يتعاملوا معك لإنهم مش فاهمينك ومش هيفهموك غير أما يحصل بينكو تفاعل وتعامل

أكتر حركة فعالة هي التمثيل ، مثل كدا مع نفسك ف البيت اتخيل نفسك ف موقف تفاعلي اجتماعي وبتتكلم مع دا واتخيل سنياريو ف دماغك بتصرفاتك وكلامك وابدأ اتكلم ومثل المشهد مرا واتنين وحاول تنفذ ف الواقع هيسهل عليك الموضوع لإنك اتدربت وكمان هيشجعك وكمان هيخليك تتنبأ بالعقبات ال ممكن تواجهك وتجهظ حل مسبق أو ع الأقل يكون عندك خلفية وتتجنب عنصر المفاجأة

جرب حتى لو خايف حتى لو هتشفل افشل اي يعني مين فينا نجح ف مواجهة خوفه ومشاكلو من أول مواجهةة المواجهة الأولى بتكسر جزء من الرهبة وكل مرة تواجه كل ما تكتسب خبرة وتزيل الحواجز ، حتى يسيدي لو هتدرش مع الناس ونس طريق ف مواصلات ولا قطر بس اسمك بتواجه وتحاول وتدرب

أوعى تفكر إن الناس هتقبلك بعيوبك الناس مش مثالية عشان يطنشوا عيوب ال قدامهم لإن هما كمان عندهم عيوب ومحدش عندو خلق دلوقت للمناهدة ، العلاقات تبادلية ، وبلاش دكتور الأونلاين دا أصل الشاشات مش بتعالج حاجه يعني الانخراط من ورا شاشه بيزود الرهاب الاجتماعي بيزود الوحدة والاكتئاب ، انزل لدكتور ف أرض الواقع واتعامل ف الواقع

أنت محتاج تغير جو تعدل مت نفسيتك تقرأ كتب وتشوف اهتماماتك اي تصلح من نفسك تبدأ تتفاعل مع الناس واحدا واحدا انزل المسجد وهتلاقي ناس كتير هناك اتكلم مع الشيخ أو مع أي شخص ف المسجد كلام عشوائي انزل دار أيتام ادخل السرور غ قلب الأطفال زور مسنين انخرط بالتدريج لحد ما تعرف تتعامل وتكون صاحب

هو لي حضرتك عاوز تحصر نفسك أنت الـ عاوز تعيش وحدك عجبك الوضع أو أنت خايف تجرب وضع جديد خايف من التجربة والمواجهه

معذرة بس هخلص كام حاجه وأجي أستكمل كلامي

وأنت مش وحدك *ونحن أقرب إليه من حبل الوريد* يعني أنت معاك ربنا ف كل لحظه وكل حين ، متستناش حد يدعمك عشان تطلع من الاكتئاب والرهاب الاجتماعي دا ، ادعم نفسك اخرج اندمج وسط الناس حتى لو هتراقبهم من بعيد شويه شويه تنجرف وتنخرط بيهم

ف فرق بين إن وحدك وف فرق بين إنك وحدك وضد نفسك يعني أنت مش .مع نفسك خالص لازم تدعم نفسك لازم تقدم لنفسك أكتر من كدا ، مفيش حد بيدوم لحد كل الناس عندها مشاغل وكل واحد ليه حياته وهيقرب منك شويه وينشغل تاني ف حياته هي دي الحياة ، حتى لو صديقي المقرب برضو وبنموت ف بعض الحياه بتلهينا وكل واحد بيسهى ف شق طريقه والظروف صعبة والكل مخنوق وع اخرو

واتعرف ع الناس وصاحب دا ودا مش لازم صحاب بمعنى الكلمة بس خليهم معارف ف البداية بعدين واحدا واحدا زملاء واحدا واحدا مقربين واحدا واحدا أصحاب ، التغيير بيبدأ من عندك أنت الأول

المشاكل النفسية لو متطورة أوي روح عند أخصائي نفسي وهو لو شايف حالتك أسوأ هيرشدك.لأخصائي تعديل سلوك أو طبيب نفسي ودا مش عيب دا مرض نفسي زي المرض العضوي بالضبط مشكلة وليها علاج

الإراااااااااادة العزيييييمة التوكل ع الله الثقة بالنفس حب الذات وتقديرها كل دا لازم يكون عندك ، ثفتك بنفسك هتخلي الكل يحترمك ويقدرك حتى لو أنت عندك مشكله بصرية ، الناس هتشوفك زي ما أنت شايف نفسك ، فلو بتقدر نفسك وبتثق ف نفسك هتلاقي الكل يبصلك البصة دي ،بتقلل من نفسك وبتهرب ومش عندك ثقه ف نفسك هتلاقي الكل بيبصلك كدا ، نظرتك لنفسك بتنعكس ع ال حواليك وبتنعكس عليك أنت شخصيا

الرهاب الاجتماعي والاكتئاب والوحدة دول سببهم إنك قافل الباب ع نفسك وبتحبس نفسك وبتضيع شبابك بايدك ، بلاش تعمل ف نفسك كدا الحياة فرص استغل الفرص ال بتيلك واصنع أنت الفرصه متستناش فرصة تجيلك لحد رجلك واعرف إن ال أنت مش هتقدر تعملو ف شباب مش هتعلمو ف مشيبك

أنت عندك مشكله بتعتبرها عقبة كبيرة ف حياتك ومش عارف تنجح أحب أقولك أنا عندي ف الجامعه دكتور كفيف مش بيشوف أصلا هو مش بس دكتور جامعه دا رئيس قسم كمان يعني مخلاش الإعاقة أو المشكله ال عندو تأثر عليه لو تشوفو وهو بيشرح محاضرات قدام الطلاب وهو مش شايفهم تقول هو بيشوف مش كفيف خالص ، لكن ثقته ف نفسه أكبر ثقته ف نفسه خلاته يكنل وينجح مش يحصر نفسو ع مرض أو ابتلاء من ربنا

أنت عندك مشكلة نفسية بسبب تعب عيونك داا وع فكراا نفسيتك بتأثر ع مدى شفاءك من المرض ، حتى لو ملوش علاج بس النفسية بتفرق

كل ذي عاهة جبار ......