Ahmed Ali Awa'd

فيه كورسات كويسه جدا بتعلم الكتابة خصوصا كتابة المحتوى التسويقي والخاص بالعمل .. فيه مواقع زي خمسات ومستقل ومواقع كتير شبههم

موقع خمسات موقع كبير وعليه مستقلين كتير جدا وفيه تنافس شديد جدا فيه كورسات على يوتيوب بعنوان الربح من موقع خمسات وهتاخدك من الاول لحد ما تكوني عارفه كل حاجة لكن دا لوحده مش كافي . لازم يكون عندك مهارة قوية مستعدة تنافسي بيها

اكيد يرجعه ل صاحبه عشان الله اعلم بحاله ..اكيد هو محتاجه وحزين عليه وممكن يدعي على اللي اخده ولا قدر الله يصيبك بعض من دعؤه .. حاول ترجعه احسن لدنيتك واخرتك وربنا هيكافئك

٣ ثانوي رحله جميله وفيها ايام كتير حلوة وبغض النظر عن المجموع او اي شيء ..لازم الواحد يخوض التحدي عشان يبقى انسان كويس ويقدر يفيد نفسه ويفيد المجتمع . هتحتاجي تكوني مسؤوله عن نفسك تنظمي وقتك تتحكمي في اعصابك تصبري تذاكري وتحلي كتير تحمدي ربنا عاللي انتي فيه وتقدري نعمة انك بتتعلمي وغيرك مش لاقي فرصه محتاجة تهدي وتسيبي كل حاجة تمشي ببساطه اسعي وربنا هيجيبلك كل اللي بتحبيه

بتفكريني بنفسي .. دخلت تالته ثانوي وادائي كان اقل من المتوسط ، دا بسبب اني بضيع وقتي على السوشيال ميديا وحاجات ملهاش لازمة لغاية ما فيوم تحديدا بعد ما عد اول شهر في الثانوي اهلي دورو ورايا ولاقو اني مش واخد بالي من مصلحتي فأخدوا مني الفون ، ومن هنا بدأت الرحله. حرفيا بدأت اذاكر كتير ودا لان مكنش في سبب تاني يشغلني عن المذاكرة .. بدأت اذاكر كتير اوي و اروح دروسي واعمل كل المطلوب مني ، في الاول كان الموضوع صعب جدا عشان دماغي مكنتش مستوعبه اللي بذاكره ، بعدين الموضوع بقا افضل وبدأت ذاكرتي تتحسن وافتكر المعلومات بسهوله واحل اكتر وكدا ، الدنيا مكنتش وردي في وردي ، طبعا ان الواحد يذاكر اكتر من ٦ ساعات لغاية ١٠ ساعات دي حاجة صعبه ، خصوصا اوقات الواحد بيتعب جسديا ... و ي سلام لو حد رخم احبطني ..كنت بتعب نفسيا ، بس اهو الحمد لله عدت على خير بمجموع حلو جدا ٩٥٪ ودخلت كلية تمريض والدنيا مشيت ♥️

في الاول روحي المستشفى الجامعي هناك هيقولوا ليكي عندك ايه وشاكين بالظبط في ايه هيعملو رسم قلب وهيدوكي علاج

اهمال ازاي مثلا ؟!

بص ممكن تسأل شيخ تقول لصاحب الفون ولا لا

توب لله وادعي ربنا يسامحك ولو طولت الراجل صاحب الفون روح اعتذرله واطلب منه يسامحك .

هو بريك خمس دقايق عشان تركيزك يرجعلك تاني ..وبعدين لازم تتعلمي الالتزام عشان ربنا يوفقك

هو صح ..بس كل واحد على حسب تركيزه ودرجة تحمله انا شخصيا اتحملت بس العيب اني جيت في اخر الطريق وتعبت من الكمية دي .. الصح انك تعملي تكنيك البرمودورو اللي هو مذاكرة ٢٥ دقيقه و راحه ٥ دقايق ، وهكذا