Mohamed .

دي الأبلكيشنز Reboot و واعي وانصحك تسمع بودكاست وعي حرفيا حيغير حياتك زي مبقولك كدا ، وأبدأ شوف الحلقة 21 و 22 عن الأدمان والأباحية وأعرف ان ربنا عز وجل قال في كتابه العزيز (ان الله يحب التوابين) يعني بيحب البيفضلوا يتوبوا حتي لو حتقعد تعافر مع الذنب دة لأخر العمر اصل هو أمتحان الفكرة انك ليك الصلاحية تعيده تاني بعد متخلصه ومفيش اي مشكله لما تقع وتقوم المشكلة البجد انك تقع وتفضل واقع ومتقومش ، ربنا يقويك يارب.

في اتنين أبلكيشن ممكن يدلوك او يصححوا عندك مفاهيم تغيرك والتغيير بيبدأ من فكرة فلازم تشتغل علي الوعي جامد اوي وحتت انك تخلق وقت فاضي دي للعادة انت ممكن تخلق وقت انشغال زيها بالظبط بص أهم حاجة متيأسش مهما وصلت لمرحة وحشة مهما الدنيا باظت اعرف ان ربنا شايف تعبك حتي لو بتقع ياما جدا اهم حاجة انك تقوم بعد الوقعة وكافئ نفسك دايما علي الخطوات الصغيرة حتفرق معاك جدا كون عندك عادات كتير واملي يومك علي قد متقدر اقرأ كتب اسمع بودكاست اشتغل علي الرباضة حتي لو حتنزل تجري حاول علي قد متقدر تشغل نفسك ولما تلاقي نفسك لوحدك في البيت وحتقع قوم انزل علطول عشان الظروف دي لعبة الشيطان واكتر وقت انت مهيأ انك تقع فيه وأستحمل أعراض الأنسحاب حتتعب في الأول بعد كدا خلاص حتنسي أصلا

بصي عشان تعرفي أنتي متميزة في اي لازم تجربي كذا حاجه مختلفة ادرسي كذا مهارة وشوفي اكتر حاجة حتحبيها وشايفة نفسك فيها وركزي عليها وعشان تعرفي انتي بتحبيها ولا لا فيه تجربه جميلة كدا حد رشحها انك تجيبي ورقة تكتبي اكتر خمس مجالات عارفاهم وبتميلي ليهم وبعد اكتبيهم تاني بالترتيب من حيث الأحلي والأفضلية

حاول تنزله علي السوشيال ميديا وتعرض شغلك وتسعره حتلاقي ناس محتاجين خدمتك ولو بياخدوا منك قيمة وشغل كويس حيجولك تاني أو يجبولك ناس تانيه

عشان تشتغل أونلاين لازم تتعلم مهارة معينة ديزاين بقا أيديت برمجة وغيره ، كل الكلام دة هو البيجيب فلوس دلوقتي صدقني لو ركزت علي مجال معين وفهمت كل حاجه عنه واتعلمت ازاي الناس بتكسب منه انت كمان حتكسب وشغلك كله حيبقا أونلاين

فيه شخصية أسمها سيف الحكيم علي اليوتيوب أتفرج عليه حيفيدك جدا كان موظف في شركه سامسونج وتقريبا نظام الترقية عندهم ليه نظام وفيه مدة محددة عشان يترقي ، بس سيف كسر القاعدة دي وأبتكر حاجة ساعدته جدا أنه يقدر يترقي وبقا ceo في حاجة عالية دلوقتي

بص علي قد ماهي بتبقا ميزة ممكن تبقا عيب لما تعيقك ، حاول تستغني عن التليفون شويه وتقلل عدد الساعات البتقعدها عليه حاول تفهم وتعرف ازاي تفتح مواضيع وافهم اكتر في الحتة دي وكل متفهم اكتر حتلاقي نفسك أتحسنت أكتر وأملي دماغك معلومات عن اي مجال بتحبه وافهم أكتر عنه

نصيحتي بجد استثمري في دماغك عشان تعرفي تزوديهم مفيش احسن من إنك تستثمري في عقلك ودماغك دماغنا عاملة زي العمارة ال علي المحارة بتبقا محتاجة طوب واسمنت وكل الكلام دة دماغنا نفس الكلام عايزه كورسات وتعليم ذاتي ولغة وكتب وحاجات عن التسويق والماركت والمبيعات وفن البيع وكل الكلام دة كل الأتقال فوق تمام وصح وزي الفل بس مينفعش تدخلي حاجة او مجال غير لما تكوني دارساه كويس وتتعلمي كل حاجه عنه

شوفي يوسف صبري علي اليوتيوب حيفيدك جدا بيعمل podcast عن كل الحاجات الأنتي عايزاها دي وعنده موقع اسمه virtual courses now علي كورسات مجانا وفيه بفلوس بس احسن حاجة في الكورس انه معاكي لمدي الحياة ولو خلصتيه ودخلتي الأمتحان بتاعه بيرجعلك فلوس الكورس تاني وبتشتغلي معاه في الشركة الهيا أصلا كلها شغل من البيت

فيه أبلكيشن أسمه عفة فيه كل حاجه وبيعالج بكذا طريقة تضمنله ان يبطل الأبلكيشن عبارة عن جلسات نفسيه زي كأنه بيروح دكتور نفساني بالظبط حيساعدوه كتير

اعمليله بلوكات علي اي حاجة علي السوشيال ميديا كلها متخليش حاجة يقدر يوصلك منها وامسحي اي حاجة ليها علاقة بيه علي فونك وطلام ماهو دليل او اي حاجة انه كلمك ومسحها يبقا خلاص لو كلم حد اكيد محدش عندك حيصدقه بسهولة

ياعني مشكلتك دلوقتي في إنك تبعدي عنه وميكلمش أهلك بأي طريقة صح؟

طب مفيش حد بتثقي فيه يكون من قرايبك مثلا يكلمه ويخلص معاه الحوار سواء بالذوق او بالعافية وفي نفس الوقت يفهمه بالطريقه ان أهلك عرفوا والعنده يعمله عشان ميلويش دراعك مرة تانية

بصي هو انا شايف انك مهما عملتي هو اي حاجة نفسه فيها حيعملها عشان هو يعتبر ماسكك من أيدك البتوجعك عشان معاه رقم اخوكي زي مقولتي وممكن يتكلم في اي لحظة لو معملتيش الهو عايزه حلك انك تبلغي حد قريب منك سواء اخوكي او والدتك او ابن خالتك اي حد قريب منك في العيلة هو يتعامل معاه وتقوليله اعمل الأنت عايزه وان عيلتك عرفه الحوار وبكدة هو ميقدرش يزلك او يمسك حاجة عليكي اتمني تكون فهمتي وجهة نظري وأكون قدرت اساعدك