ward 🌸

عاوزه اقولك انك حد قوي جدا جدا كل اللي مريتي بيه ده بيعلمك وبيقوي شخصيتك بس حاولي تقربي من ربنا وتطلبي القوه منو لازم تتشافي عشان ترجعي كويسه روحي ل دكتور او اتفرجي ع اليوتيوب ع دكتوره سميه الناصر ومها الخمشي ومها عجاج هيساعدوكي كتير إنك تتشافي من كل اللي مريتي بيه وتتحرري من كل اللي حصلك في حياتك حرفيا هتحسي إنك اتولدتي من جديد ولو تقدري تروحي ل دكتور احمد هارون ممتاااااز والله وتابعي دكتوره هاله سمير ومصطفي حسني واسمعي كلامهم هترتاحي كتير اوي بجد ربنا يعفو عنك ويفرح قلبك الحلو ويجبر بخاطرك يارب 🫂🤍

انا حاسه بيكي وحاسه بوجعك لأني حرفياً مريت بكل اللي انتي مريتي بيه ده واصعب والله..

الاول هدديه إنك هتحبسيه وهتوديه في ستين داهيه وتبلغي مباحث الانترنت وجمدي قلبك كده و متخافيش و غيري رقمك حبيبتي واكونتات جديده واعمليله بلوك من عليها عشان ميعرفش يوصلك

حبيبتي لازم مامتك تعرف أو حد من أهلك ثقه ويصلح الموضوع ده ومتخافيش لو الموضوع حصل مره واحده بس سيبه وربنا يسترها عليكي وعلينا يارب

يا حبيبتي اسم الله عليكي 🥹 ايه وجع القلب ده حاسه بيكي يا عيوني انتي ربنا خلقك انثي وميزك الانثي دي اجمل شئ ع الأرض وجعل الجنه تحت اقدامك وجعلك سوره في القرأن الكريم سيبك من الناس الجاهله اللي حواليكي دول متسمعيش من حد دول سيبهم ل ربنا وبس ربنا يريح قلبك ويفرج همك ويفك كربك ويرزقك حظ الدنيا ونعيم الاخره يارب ويعوضك كل خير

طبعاً موجود انصحك تتابع دكتوره سميه الناصر ومدربه تطوير الذات مها الخمشي وبإذن الله تبقي احسن وتنجح وتحقق كل احلامك 🥰♥️

اقرأي يا روحي عن اختيار الشخص المناسب واعرفي الأساسيات اللي لازم تبقي موجوده هاتي ع اليوتيوب اقرأي واتثقفي واوعي تستعجلي يا روحي ابداً اهتمي بدراستك الاول ومستقبلك بلاش تشغلي تفكيرك وتهلكي قلبك من دلوقتي وكل حاجه هتيجي في وقتها المناسب ربنا شايلك نصيبك الحلو اللي شبهك متقلقيش 😘 🩷🌸

حبيبتي من ناحيه اي اتأكدتي أن هو ده اللي انتي عايزاه ؟؟ من شكله ؟ استايله ؟؟ انتي حتي لسه متكلمتيش معاه تقريباً صح ؟ حبيبتي انتي شكلك لسه بنوته صغنونه وانا مقدره ده بس إحنا مينفعش نحكم ع حد من شكله أن هو ده المناسب لينا وهو ده اللي إحنا عاوزينه ولا لا غلط خالص نظرتك في حاجات اهم بكتير .. اول حاجه هو أننا نتعرف عليهم نشوف أخلاقهم و عقليتهم تفكيرهم ومعتقداتهم بتشوفي منهم مواقف بتحددي هل ده فعلاً الشخص المناسب ليكي ام لا فهمتي حبيبتي 😘🩷

حبيبتي حاولي تجنبيها ومتخليش كلامها يأثر فيكي عارفه أن هي الام مفروض تبقي مصدر الحب والأمان والحنان بس معلش ربنا اكيد ليه حكمه ويمكن ده امتحانك في الدنيا وبإذن الله هيعوضك بكل خير والله بس تفائلي وقربي من ربنا واتكلمي معاه هو الوحيد اللي هيحس بوجعك واطمني انتي مش لوحدك انا كمان ربنا ابتلاني ب أهل اصعب وقاسي من كده ف الحمد ع كل شئ رب الخير لا يأتي إلا بالخير 🥰