مجهول الامل

انا فاهمة شعورك كويس جدا لاني حسيت بيه فى فترة من الزمن ولكن عايزة اقولك انه لو بحثتي عن رضا الناس صدقيني مش هتوصليله حتى لو قطعتي نفسك زي ما بيقولوا رضا البشر غاية لا تدرك، انت بجد رائعة انك جبت المجموع ده وهتدخلي كمان طب بإجتهادك ايوة الاهل بيفرحوا وايوة معظم فيديوهات التحفيز بتقول اجتهد جبرا بخاطر والديك، ولكن اولا واخيرا ده كله علشان نفسك وعلشان رضا ربك اجتهدى لنفسك فقط مجرد انك تشعري انك بتعملى الحاجة دى علشان نفسك ولإرضاء ربك فربنا هيبارك فى الحاجة دى وهيخلي منك منارة لناس وإن كنت مش حاسة لانك انت بترضي ربنا، الاهل بيفرحوا صدقيني وإن كانوا مش بيبينوا وبيحبوا ولو مشفتيش ده ابدا ولكن مش ده المهم، المهم انك تثقي في نفسك اكتر انت جميلة وقوية جدا وجلب مجموع طب مش حاجة سهلة واي حد قالك انك قبيحة انت مش كده صدقيني يا قمر ارضى ربنا وهتلاقي الجمال كله بتحسي بيه ووقتها ممكن تلاقي ناس بتقولك انت وحشة برضو برغم جمالك ده كله. صدقيني انا قفلت فى تالته اعدادي علشان اثبت للناس اني مش وحشة زي ما بيقولوا ولا اني فاشلة ولكن ياللي شايفك وحشة هيفضل كده وإن تغير الشخص ده بسبب ربنا انه حسن نظرته للناس. وقتها عرفت انه محدش بيتمني الخير لحد وانك تجيبي حاجة عالية ممكن الناس تضحك فى وشك وتقولك الف مبروك ولكن هتقول عليكي وحشة من ضهرك برضو

انا شايفة أنه دي حاجة طبيعية في اشخاص بتكون طبيعيتهم انهم مش بيتكلموا كتير أو انهم يكونوا بالرغم انهم بيحبوا الاختلاط بالناس إلا انهم مش ليعرفوا يتكلموا ودي حاجة مع الوقت هتحس انها حلوة صدقني لأنه الكلام الكتير مش حلو اوى مش عارفة بس انا حاسة انها حاجة عادية وكلنا بنمر بيها ولكن مع الأشخاص المقربين جدا بتكون على طبيعتنا اتمنى اكون فدتك

مش عارف اقول ايه لأني خارج الامر تماما أي خارج من ايدي ولكن ليس لي سوى ان اقول ادعي ربنا أنه لو في خير في العلاقة دي بقربك منها ويسهلها عليك ولكن لو مفيش خير يبعدها عنك ويبعد كل حب وتعلق في قلبك وبإذن الله تتسهل

انا فاهمة شعورك كويس وإحساس أنه كل حاجة بتقفل في وشك ولكن توبي إلى الله مش لازم تحسي في الاول بكده ولكن صلي وأبكي لربنا ووكليله امرك وكل حاجة هتتحسن

روحى لطبيب جلدية علشان ممكن تزيد وطبعا انا كشخص مش هعرف اقولك حاجة