Shrouk KH

انا كمان لابسة نظارة من وانا ف إعدادى الأول كنت بحس زيك كدا بس حاليا لا خالص بالعكس بحس انى لو قلعتها شكلى بيبقى غريب وفى ناس مش بتعرفنى من غيرها بالنسبة للسمك وكدا ف فى تطورات كتير فى المجال بتقلل من السمك واطلب النظارة تكون مضغوطة والسمك يكون مش واضح هى حاليا بقت موضة وكمان بتتلبس ك أكسيسور يعنى فى ناس بتلبسها ك شكل وهى معندهاش أى مشكلة ف النظر الكلام دا كان زمان لكن دلوقت مفيش حد بيتنمر ع اللى لابس نظارة الموضوع بقى طبيعى يعنى

ربنا يصبرك طبعا والفراق أصعب شعور ممكن تحسيه بس عايزة أقولك مش أى حد حصله حالة وفاة مثلا هينتحر وعن تجربة انا حصلى ٣ حالات وفاة فى أسبوع واحد وهم أعز ناس على قلبى والله وبعدهم بكام شهر حالة رابعة ودى أصعبهم لأنه ان.تحر هى صحيح كل حالة أصعب من التانية يعنى اللى مات فجأة واللى أولاده صغيرين اتيتموا بس أنا لحد دلوقتى مش قادرة أتعافى بس احنا بنمشي الدنيا بمزاجنا فاهمة ، ما هو أكيد مش هنوقف حياتنا أنا مش بعلّى عليكى أبدا انا بس مريت بتجربة وبفيدك احنا هنفضل طول عمرنا فاكرينهم وكل التفاصيل ف دماغنا بس مش معنى أن الشخص دا مات انك مش هتعيش بعده ! يعنى شوفى مثلا اللى بيحصل لغزة إن الفرد بيفقد كل عيلته أو انهم يلاقو الجثة مش كاملة أو اللى مش عارف يدفن ابنه انتى أكيد عارفة الأسوأ من كدا حرفيا كل دا يبيلك إننا مش حاجة جنبهم وانك تقولى الحمد لله ربنا بيفدى حاجة بحاجة يمكن لو كان عايش دلوقتى كان حصله حاجة خلته يتمنى الموت ربنا رحمه بجد ٠ حبيبتى انتى بس حاولى تعملى حاجة ف حياتك تلهيكى شوية عن التفكير مش هقولك متفكريش بس انتى حاطة ف دماغك إن حياتك خلصت شيلى الفكرة دى من دماغك وكملى حياتك يعنى ركزى ف دراستك شوفى الشخص دا كان حبك تكونى أى أو تكونى فين وفرحيه وقوليله انك حققتيله حلمه

عايزة أقولك انها أفضل مادة هوصحيح المنهج كبير بس لذيذ جدااا لما تذاكرين هتحبيه جدا ع فكرة ومتقلقيش من فكرة التأسيس انتى بس اتأسسى بلاغة ونحو كويس والباقى بيبقى حل وتدريب كتير قدامك لسه سنة على ثالثة ثانوي وكمان سنة ثالثة طويلة جدا ف اطمنى الموضوع مش محتاج الرعب دا لو انتى مش متأسسة خالص هاتى فيديوهات واسمعيها نحو وبلاغ أهم حاجة وف ثالثة هتحتاجى تحفظى الأدب هيساعدك جدا فى حل النصوص المتحررة كمان بما انك ملتزمتيش يبقى لازم تروحى درس ممكن تروحى برايفت للمدرس وتقوليله انك مش متأسسة هيبدأ معاكى من نقطة الصفر صدقينى هيفرق معاكى جامد

بالنسبة للتشتت كلنا بنبقي كدا وأنصحك تصلى صلاة أستخارة لو انتى مش حابة مواد العلمى إياكى تدخلى لأنك هتندمى كلية ألسن من أحسن الكليات وكلية قمة ولها اسم وكمان الأدبى هتثبتى نفسك أكتر ولو محدش داخل ادبى هيبقى أحسن يعنى اكيد اللى داخل قليل ف انتى هتحققى ذاتك انا واحدة صاحبتى كان مستواها متوسط ودخلت ادبى وطبعا اللى دخلو أدبى مش شاطرين زيها هى ما شاء الله بتجيب الأولى عليهم كل سنة وم

آسفة على اللى هقوله بس أولا العلاقة اللى مترضيش ربنا مش بيبارك فيها انتى بتقولى انكو أخدتو بعض عن حب .. معنى كدا انكو اتكلمتو بدون رابط شرعى ثانيا العلاقة اللى تخليكى كل شوية تقدمى تنازلات وبتهينك وتقلل منك متلزمناش لما كل دا حصل ف الخطوبة أومال بعد الجواز هيحصل اى هو ف الاول بينلك انه أحسن حد بس بعد كدا بانت عيوبه .. فترة الخطوبة عشان كدا كل واحد يعرف عيوب التانى ولو مش مرتاحة انسحبى وكل شئ قسمة ونصيب

ع فكرة إنتى جميلة جدا وقوية وطموحة يمكن بس مش بتلاقي حد يشجعك بس هى فترة إحباط عادية خالص اى حد بيمر بيها وهتعدى يمكن بس عشمك لما بيزيد فى حاجة ومتحصلش بتحسي إنك مش قدها بس دا طبيعى ياما ناس فشلوا كتير بس حاولو أكتر وميأسوش انتى كمان حاولى تانى وخدى الموضوع إنه عادى وإنى لو ما نجحتش المرة دي هنجح المرة الجاية وإنى مش هستسلم أبدا كمان ممكن تقوى مهاراتك وتشتغل حاجة تانية جنب شغلك ممكن تعملى لنفسك مشروع خاص بيكى

هى دلوقتى بانت على حقيقتها وهى مش باقية عليكى انتى كمان ما تبقي عليها حاولى تنسحبى واحدة واحدة خلى الكلام بينكم سلام وخلاص .. صدقينى لو كملتي معاها نفسيتك هتدمر أكتر وعن تجربة

تمريض عسكرى من 55 % هتلحقى إن شاءالله

متشغليش بالك بأى حد لان هم اللى هيضيعوكى حرفيا وعن تجربة شخصية .. شغلى جنبك دايما قرآن ورقية شرعية وحافظى على صلاتك وعلاقتك بربك أولا وقبل اى حاجة

لو حطيت نفسى مكانك هبص ع الكلية برضه مش شرط كلية طبية طبعا بس كلية حلوة وكمان وظيفة حلوة او عمل مضمون يعنى ودا لتجربة حد من حولى الزوج عمل حر والزوجة وظيفة وطبعا حال غير مقبول تماما لأن البيت معتمد عليها هى بشكل أساسى