هـاجـر الـرفاعـي

صدقًا لو يرجع بيا الزمن ، كنت هعيش ثانوية بكل تفصيلة فيها ،دايمًا كنت اتمني انه امتى اخلصها ده هيبقي يوم عيد و و و ..ولكن الآن الحياة الجامعية لا تستهويني واشتاق لتلك الأيام واحن إليها ، انصحك انك عيشيها بجد ولو مُرة او الايام جاية عليكِ ، افتكري انه عليكِ بس المذاكرة والسعي وبس اما النتيجة والكلية للي من نصيبك دي مش بتاعتك ، ركزي تحت رجليكِ اعملي شغلك وسيبي الباقي ده بتاع ربنا. وبالنسبة لوالديكِ ، وريهم انك بتذاكري وجايبة آخرك عشان بكرة محدش يبصلك بصة مش ولابُد صدقًا مؤلمة . وتذكري دومًا ، انتِ جالسة تصنعي كيان لذاتك متسهونيش ف نفسك ولا تسيبي حلمك يحققه حد تاني ، ولمعلوماتك مش لازم يبقى حلمي اني ابقى دوك عشان خاطر ماما وبابا المهم انا بحب اي وعايزة ادرس واكمل ف اي !

زهقتي مثلا كملي افصلي بنفسك باي حاجة ولكن انا هقولك انه تفصلي بصفحة قرآن او كده وبلاش سوشيال وسماع فيديوهات ازاي تذاكر ٢٥ ساعة ف اليوم ، مش وقته بجد، ركزي ع المتاح دلوقتي قبل ما يبقي مش متاح. والله يسدد خطاكِ

كل للي جاي بتاعك ولسه عندك فرصة واتنين كمان .. ناس كتير بدأت ف شهر ٢ و٣ وكمان ٥ ووصلوا ف حتة فوق ، للي فات مكانش تبعنا ، انا كنت ثانوية عامة زي حالاتك السنة للي فاتت ومش هتصدق اي هقولك ثانوية عامة كتيرة عليها للي ١٠ شهور الكم للي فاضلك تجيبي المنهج من الأول وتراجعيه مرة واتنين وتلاتة وبما انك اونلاين فمعاكي وقت بالعبيط. نبدأ ناخد خطوات عملية وبتركيز هنبدأ اليوم بدري ، ولو نصحي قبل الفجر ونصلي قيام وبعدين الفجر جميل ونبدأ نذاكر بقاا جلسة مكثفة ساعتين او تلاته محترمين واحل عليهم او واعملي جلسة تانية ف العصر وبالليل كده تلاتة جلسات هتستدركي فيهم كم كبير ونصيحة جربي الروتين ده للمذاكرة ، اتوضي واقرائ سورة يس قبل المذاكرة ف الاول خالص ، ومن ثم ذاكري كم كويس زهقت