Just Nobody

مش هتقدري تعيشي من غيره في الأول وهتبقي مش مصدقة إنو مش هيكلمك تاني ولا أنتِ هتكلميه بس دا لفترة وهتعدي وبعد كدة مش هتحسي بحاجة لا حب ولا كره ولا أي حاجة، بس مطلوب منك تتحملي وتبقي قوية ومتخليش حد يستغل طيبة قلبك.

أولاً سلامتك بس كمية المسكنات دي غلط لأنها هتأثر علي الكلي أكتر بالتالي الحل إنك تخفيفها حتي لو هتتوجعي بس معلش يروحي علي الأقل التأثير هيكون أقل، خدي أدوية الدكتور وأبعدي عن الأملاح نهائياً عشان الكلي متتعبكيش، ومعلش دا بس إختبار ليكِ وأنتِ قدها اللي عليكِ تذكاري وتصلي. ✨

بإنك تسمحي لنفسك بإنك تعيطي عليه فِ الأول وبعدين تجبري نفسك بنفسك وتبدأي تهتمي بنفسك ودراستك وتشوفي إهتماماتك أي وتعمليها زي هوايات مثلاً الرسم أو الكتابة أو أي حاجة نفسك تعمليها، وتفهمي إنو قصة وخلصت وإنك مش هتدخلي للأكونتات بتاعته نهائياً طول الفترة دي لأنك بتشفي نفسك منه، وتمسحي الشات بينك وبينه بعد ما تعمليه بلوك وتمسحي أي حاجة ليه عندك سواء صور أو سكرينات للشات بينكم وبكدة شوية شوية هتبدأ ملامحه وشخصيته تتشوش من دماغك لحد ما يروح نهائياً، وفي الوقت اللي هتحسي بإنك مبقيقتيش لا تحبيه ولا تكرهيه ولا تحسي بأي حاجة لما إسمه يتذكر بكدة هتبقي فهمتي إنك مبقيتيش تحسي بحاجة ناحيته، والأفضل تحبي نفسك أولاً وتديها كامل الحب والحنان لأن مفيش حد هيبقا حنين عليكي من بعد ربنا ونفسك، محدش هيفهمك يبقا مفيش داعي تتكلمي وتديهم حاجة يتكلموا عليكي بيها ويستغلوا نقطة ضعفك، زي ما أتجرحتي بهدوء عالجي نفسك بهدوء، أهتمي بنفسك وش فيها هي عايزة أي. ✨

شخصيتك تقريباً مطابقة ليا ولعيلتي، يعني ممكن لما بتتصرف ي بعدوانية وعصبية كدة تكوني مثلاً إتخذلتي من حد وخلا شخصيتك وروحك يبقا فيهم فجوة وبسبب إن الشخص دا أذاكِ بقيتِ بتفكري إن الكل هيأذيكي عاجلاً أم أجلاً وعشان بتحاولي تحمي نفسك بإنك تبعديهم عنك رغم إنك مبتحبيش الوحدة وبتحبي يبقا ليكِ صحاب عشان كدة بتتخيلي نفسك مكان حد أو إنك صحبت حد أو مثلاً بقيتِ حبيبة حد، وموضوع عدم الثقة ف دا هيكون سببه الأساسي البيت وأنتِ شجعتي إن الفجوة دي تتوسع وكلامهم أو تصرفاتهم تأثر عليكي وخاصة لو عندك حد في عيلتكم بيسخر منك أو من طريقة لبسك وإنك حلوة بإنك بتقولي لنفسك "أنا فعلاً كدة أنا وحشة ومش حلوة زي كذا وكذا" بس الحقيقة أنتِ حلوة وكفاية إنك بتعملي بمثل "فاقد الشئ أحن من يعطيه" وأسفة طولت عليكي. 🤍✨