السلام عليكم بحكم إني معلمه وباتعامل مع طالبات في السن ده فنصيحتي ليكي الأولى والاخيره هي أنك تصاحبيها وتقربي منها لا تجعلي علاقتك بها منحصره في الأوامر والطلبات بدون ميكون في تعامل ورصيد ليكي عندها شوفي مين أقرب الناس ليها وليه دول بالاخص هم الأقرب ممكن مثلا تخرجي معاها مره في مكان هي بتحبه وتتكلموا مع بعض أو تنزلي تشتري حاجه وتاخديها معاكي وتقوليلها انك عايزه تاخدي رأيها أو اقترحي اي مشكله وقوليلها عليها عشان تحلوها سوا خليها تسمع بودكاست بدل الاغاني عن اهميه الصلاه عن ذنب اللي بيسمع الاغاني متتعامليش معاها من باب انك اخت كبيره وهي طفله مش فاهمه مصلحتها صاحبيها حسسيها بالأمان تجاهك حتي لو قصرت أو أخطأت متخافش تقولك وصدقيني لما تستشعر منك خوفك وحبك ليها هي هتبدأ تتغير فضلا بقي عن أن السن ده من أصعب الفترات في حياة البنت وفتره كلها إحساس بالاستقلال وأنها مش عايزه تسمع لاوامر وما شابه ولا تنسي أننا نحن أيضا كنا في مثل عمرها وحتي الآن أحيانا ننتكس ولكن نعود وهي أيضا كذلك
تم النشر السبت، ٧ سبتمبر ٢٠٢٤
لعرض الملف الشخصي في فدني اضغط هنا