nagla f

للاسف ده شخص سطحي وعايش بازدواجية وانتي بنفسك بتقولي بيتفرج علي مسلسلات اجنبية واكيد فيها عري ومشاهد خارجة ويقولك بجاهد نفسي فين الجهاد في كدة الواضح أن هو بيدور علي واحدة ملتزمة تبقي معاه علشان الشكل الاجتماعي وفي المقابل هو يتصرف كأي شاب في سنه وبحرية هو مش راجل للأسف ولا كان بيحبك حب صادق لعب بمشاعرك وسابك وهيعمل كدة مع غيرك خلي عندك ثقة في نفسك وحاولي تشغلي نفسك علشان متفكريش فيه وحتما هتنسيه لانك مش غلطانة انتي بس وقعتي مع واحد تافهه و معندوش ضمير

للأسف انت مخزن افكار سلبية كتير في عقلك من كتر القصص اللي بتتحكي قدامك والأفكار دي بتتأكد عندك من التفاهات اللي بنشوفها علي الفيسبوك واللي أغلبها بتكون غير حقيقية وفيها مبالغات كتير وأغلب الناس دي واقعهم مختلف فبيدخلوا يتكلموا كنوع من فرد العضلات أو التباهي بأنهم أصحاب شخصيات قوية وفاكرين أن اسرار بيوتهم وقصصهم هتلاقي انجذاب من الناس وده واقع افتراضي لا يجب القياس عليه اولا في بنات كتير جدا كويسين ومتربيين وبنات بتقدر المسئولية ومتربيين علي الأصول زي والدتك وخالتك وعمتك وغيرهم كتير وكلهم فاتحين بيوت ومستقرين في زواج ناجح ومثمر حاول تختار واحدة شبهك وابعد عن تفكيرك خالص كل الأفكار السلبية دي وربنا يوفقك باذن الله 🙏

اتكلمي مع أهلك بصراحة في النقطة دي واقنعيهم بزيارة الأقارب في العيد لأن ربنا أمرنا بصلة الرحم ومفيش اجمل من الصلة في الأعياد والمناسبات واشغلي نفسك بهواية أو اتفرجي علي فيلم كوميدي واضحكي من قلبك المهم تخرجي من الضيق والحزن ده العيد فرحة مش حزن وربنا يسعد قلبك يا بنتي يارب