عضو مجهول

مش كل الناس ازواقها واحده كل واحد بيبص للشكل اللى عاجبه ف بليز متحطش عيون الناس مقياس ليك فحاجه معينه ..حب الحاجه اللى فيك دي الاول عشان دا انت كلك ع بعضك كدا لازم تحب كل دا وبعدين هتلاقي ان مبقاش يفرقلك مين يبص او يعلق صدقني احيانا بندي الامور اكبر من حجمها ومحدش يكون مركز ف حاجه زي دي اصلا لكن انت بقيت حساس من ناحيتها + انت اكيد فاتك لحظات ممتعه كتير وانت ضيعتها من ايدك عشان استكترت على نفسك انك تتبسط ف بلاش ..حتى لو ف ايدك انك تصلح وتعالج اقبل بيها زي ما هي انا دا انا ويغور رأي اي حد وخد نفس ونط ف البحر واتبسط

بصي يا حبيبتي العلاج والشفا بايد ربنا مش بايد حد ..ساعات العربيه مش بتحتاج تروح لميكانيكي اي كلام لكن محتاجه تروح التوكيل نفسه ولله المثل الأعلى طبعا علاجك كله بايد ربنا اللى خالقك تفصيله تفصيله ... انا شفت ناس والله والله ما اعرف ازاي حصل معاهم معجزه انهم عايشين كدا سبحانك يارب محتاجه تقوي ايمانك كويس لأن كدا شيطانك غالبك، اقرأي كتير اسمعي ناس بتحبيها بتتكلم في الدين وتفاصيله شجعي نفسك. وصلي حاولى انا عارفه ان صعب وتقيل في الاول لكن صدقيني اياكي تعيشي الحياه وانتي مثيرة للشفقو كدا وهتتحاسبي على كل حاجه اذيتي نفسك بيها ولكن التعب النفسي ليه اجره عند ربنا هو مبينساش.

ممكن معلش توضحى اكتر

بصي يا حبيبتي اكبر حاجه اتعلمتها لما كبرت ان مفيش نيه وعزم هتعقديه الا ولازم هتقابلي صعوبات وبذات اول نقطه اتكلمتي فيها علاقتك بربنا والصلاه .. "احسب الناس ان يتركوا ان يقولو امنا وهم لا يُفتنون " لازم هتقابلي اختبارات عشان تتاكدي من ثباتك وصبرك وطبيعي تفقدي طاقه وشغف ف النص مش مشكله، واحده واحده وابدا هيأي جو لنفسك واعملي حجات بتحبيها اجواء معينه اشتري حاجه جديده حمسي نفسك للمزاكره بشكل مختلف المهم متسبيش نفسك للكسل

مع الوقت هتشغلي دماغك عن دا انا حاسه بيكي الموضوع مش هيتمحي تماما من جواكي او ذكرياتك لكن هتشغلي نفسك وتبقى ممتنه للايام والظروف دي عشان هي دي اللى بتطلع احسن نسخه مننا وبتقوينا ف اصبري واستعيني بالله وركزي مع نفسك وخديها تحدي عاوزه ابقا حد ناجح ف حياته وابقى كذا وكذا واشتغلي ع دا

الشخص اللى ميتعملش التنازل لا يستطيع النجاح في علاقته وزواجه ف دلوقتي اذا انت مش متخلي عن معاييرك ومش متنازل هل متاكد المعايير اللى هتختارها دلوقتي هتفضل موجوده كمان خمس سنين من بعد الجواز؟؟ وانت كمان هتتغير الشخص اللى لا يقبل التنازل عن معاييره يعني شخص لا يقبل الاخطاء طبعا هنا في معايير ثابته دينيا واخلاقيا لا شك فيها انا بتكلم عن العموم

برأي البنت صدقني لا تنضج الا على سن العشرين وشخصيتها لسا متكونتش ممكن كل اللى. عاجبك دلوقتي يختفي لان هي لسا حرفيا متكونتش ميه بالميه ف انت مش بتحبها انت حبيت اللى فيها عشان على دماغك وكيفك انصحك بلاش وانت وهي هتتعبو من فارق العمر دا قدام كل ما تكبرو وممكن يحصل مشاكل بالعيله وتخسرو بعض ف فكر مره تانيه ومتشغلهاش عن حياتها من دلوقتي

الكاظمين الغيظ والعافيين عن الناس ..اعتبري نفسك ف اختبار وابتلاء من ربنا وحاولي تنجحي فيه وتصبري لازم تسمعي فديوز كتير تثبتك وتعلي يقينك وصبرك وازاي تتحكمي فنفسك واعرفي ان مش قوه نهائي انك تكوني حد مش بيسيب حقه ..دا القوه انك يكون ف ايدك تاخدي حقك وانتي ترميه ف البحر وتمضي ف طريقك وتركزي فعلا ع نفسك