خالد حمدي

كلام الدكتوره صح 100% كل م يكلمك قوليله هصلي نوافل هصلي قيام ليل ورايا مذاكرة بساعد امي اي حجج ياما هيطفش منك ي هيبان على حقيقته

قولي لابنك على كل حاجة او لو علاقتك بأهلها كويسه كلميهم بكل أدب وذوق وعرفيهم بنتهم بتعمل اي ويقعد ابنك مع اهلها وتحلوا الامور م بينكم

انتي لا حبيتي الاولاني ولا التاني لأنك لو حبتيه مكنتيش هتقدري ترتبطي بحد تاني سيبك من كل ده لو تقدري سيبيهم كلهم وأبدأي صفحة جديده وربنا يوفقك يارب

حاسه بيكي والله انا نفس المعاناة طول سنين الكلية بس اللي كونته خلال الفترات اللي كونت فيها لوحدي ان اه الأصحاب مهمين بس لو انتي مليتي فراغك بأي حاجة ليها فايده هتهون عليكي كتير والله ...يعني مثلا لو بتحبي الرسم حاولي تتعلمي وكل م تتطوري هتلاقي ناس تشاركك هوايتك وتبقوا صحاب بتحبي القرايه هاتي كتب الكتب الورقية جميله وضيع جمالها ال pdf لو مبتحبيش تقري وبتحبي تسمعي اسمعي كتب ع النت تطبيقات كتيره متوفره وحلوة بجد ... اي حاجة تجددي بيها شغفك ..انا كنت م الوحده بنزل الحسين شارع المعز حديقة الازهر الف واتفسح واجيب كتب وابسط نفسي ده كله بيخليكي عندك ثقة بنفسك والله جم الصحاب خير وبركة مجوش انا مبسوطة وبعرف ابسط نفسي كويس ...

اصحابي اللي في طب دايماً كانوا بيمروا بالمرحلة اللي بتمري بيها طبيعي جدا والله خدي وقتك افصلي دماغك يوم اتنين اسبوع انزلي اتمشي ف حته روحي جنينه اي حاجة تخليكي احسن اسمعي بودكاست لشخصية بتحبيها وبعدين ارجعي اقوى م الأول اقرأي ولو كل يوم صفحة قرآن هتخلي في بركة ف وقتك وانسي انسي اي حاجة تانيه وساوس من الشيطان سواء حسد سحر كل حاجة مقدرة وكل حاجة بيد الله وبالنسبه للمذاكرة والتوتر فده طبيعي عشان انتي حاطه هدف ونفسك توصليله فخايفه الهدف ده يروح منك ذاكري وكلك يقين ان ربنا لا يضيع أجر من احسن عملا ..وجواكي تكوني فاهمه ان تقديرك وكليتك وزوجك مستقبلاً ربنا مقدره من قبل م تتولدي فاحنا بناخد بالأسباب الخوف الزياده عن اللزوم ده لأنك خدتي بأسبابك بس فين أسباب ربنا فين يقينك وثقتك بالله انه مش هيضيعك ابداً...خدي وقتك ومتأجليش أبداً دايماً اول سنه ف الكليه بتبقى صعبة توكلي على الله وابقي طمنينا لما ربنا يكرمك يارب وتجيبي امتياز ♥️♥️

كل حاجة بتبقى واضحة من وقت الخطوبه مشاعرك وقلبك دايما بيدلوكي وبيدوكي اشارات بس احنا اللي بنتجاهل ع حسب هوانا وظروفنا يعني البخل الواضح وده فيه فرق بينه وبين الحرص الكدب المتكرر الخيانه عدم الدفاع عنك حتى قدام اهلك التشجيع الدائم ليكي ف ابسط الامور انه يكون فعلا بيحبك وشاريكي بيحترمك ومش بيهينك كلها حاجات مهمه ع الاقل يكون موجود معظمها مش كلها