Viyana

بصي اربطيها بالصلاة، كذا حد كان عنده المشكلة ده أعرفة ونصحته إنه يربطها بالصلاة، يعني، إنتِ عملتيها خلاص، تقومي تغتسلي وتصلي ركعتين، بس لازم تغتسلي، مرة في مرة إنتِ هتزهقي، وبردو حاولي تزهقي نفسك منها، بمعني إنك تفضلي تقنعي نفسك إنه أنا زهقت حتى لو مش زهقتي ، وقولي إيه القرف اللي بعمله ده، افضلي كرهي نفسك منها لحد ميستجيب عقلك، وخلاص إنتِ هتعمليها أهو قولي أنا لو مت عليها ربنا هيشوفني إزاي. وبدل ما إنتِ بطلتيها شهر يبقا إنتِ اللهم بارك عندك عزيمة، فهيجي يوم وتوقفيها بس اصبري على نفسك شوية، هو مش يوم وليلة هوب هتوقفيها، تحلي بالصبر والعزيمة، وكل مرة تعمليها فيها قولي لنفسك ده آخر مرة، ده آخر مرة، لحد ما هيجي يوم وفعلا تبطليها، وادعي على طول اللهم كرهني في معصيتك، وصدقيني هتكرهيها، بس اصبري، ولو عاوزة أي حاجة أنا موجودة ربنا يهديكِ ويثبت خطاكِ

هو البعد عن القرآن بيعمل أكتر من كده واسأليني أنا شخصيا لما كنت ببعد عن القرآن وعن ربي، بحس إني مش في وعيي، بعمل حاجات غلطت، ببقى مغرورة، وعصبية مفرطة بزيادة، لذا دائمًا خلي ذكر ربنا على لسانك حتى يهدأ قلبك ونفسك، وأذكار الصباح والمساء، وتلاوة القرآن بجد سحر السحر، طبعًا مع إلتزامك بصلاتك، وصدقيني مرة فمرة هتلاقي نفسك بتبعدي عن تلك الشخصية بس تحلي بالصبر وامسكي في دينك كويس أوي وربنا يهديكِ ويهدينا

لما بعاني من ارق، ومبعرفش أنام، بقرا سورة الفاتحة ٧ مرات، ومن ثم آية الكرسي، ومن ثم خواتيم البقرة، ومن ثم سورة الملك، ومن ثم الإخلاص ثلاث مرات، وبعدين تقرأ تاني الإخلاص والمعوذتين ثلاث مرات وكل مرة تقرأهم حط أيدك الإتنين على بوقك وقرأهم وبعدين امسح بإيدك على جسمك كله، وبعدين تتشاهد وبعدين تصلي على النبي وبعدين تقرأ سبحان الله ٣٣ والله أكبر ٣٣ والحمدلله ٣٣ وتختمها ب لا إلاه إلا الله وحده لا شريك لك له النلك وله الحمد وهو على كل شئ قدير مش هيخدو منك ١٠ دقايق على بعض بجد سحر بقرأهم وبنام على طول مهما كنت مش عاوزه أنام

قسمه لتلاته، تلت في البنك، تلت مصاريف، تلت دلع نفسك

خلي عندك ولو صفحة يومية كورد يومي، ومره فمرة الصفحة هتبقا صفحتين وجزء كمان بس خدي نفسك براحة أهم حاجة، واسمعي بردو شيوخ أو حتى قراء بتحبيهم، ده هيخليكِ تقربي للمصحف أكتر بجد

حبك نفسك أولا حاول تبصلها من منظور تاني، قرب من ربك ده هيديك ثقه في ذاتك أكثر وثقه في ربنا، وهتخلي جواك طمئنينه غير طبيعيه، شوف فيديوهات تنميه بشرية، غير روتينك، أعمل شلل، صحاب صالحين أهم حاجه، وإن شاء الله ربنا يهديك