منه حرب

عملت كده وبرضه نفس الوضع مافيش فايده وكمان التعليقات بتظهر بصعوبه بس انا بجد عايزه رد على المشكله اللي كتبتها باسرع وقت وياريت لو حد يعرف يفيدني يعمل كده

عملت كده وبرضه نفس النظام مش عارفه انشر سؤالي

وتأقلميهم عليها

تخطي الفراغ ده بأنك تشتغلي وتتعملي مع الناس واظن ان واحده واحده ان شاء الله الرهاب الاجتماعي ده هيروح ولو انتي بتحبي انك تربي حيوانات هاتي حيوان أليف تاني وربيه واعتبري ان الحيوان الاليف بتاعك مات لوحده واتخطي المرحله دي ويمكن معامله ابوكي واخوكي مش شك بس خوف عليكي ويمكن هما مش متعودين على كده أنا كمان عندي كده حاولي تتحاوري انتي معاهم بالطريقه اللي انتي عايزاهت

العفو ياقلبي يارب دايما مجبوره الخاطر ودايما في نجاح

حبيبتي أنتي عملتي كده لأنك امنتي بنفسك وأنك تقدري وأنك اقوى من الاستسلام واثبتي للكل بما فيهم اهلك انك تقدري وممكن اهلك كانو بيستخدمه معاكي طريقه الضغط وكانو منتظرين أنك تعندي وتقولي لأ انا مش فاشله و لأ انا اقدر وتكتشفي قوتك والف الف مبروك يا قمر واتمنالك كل النجاح والتوفيق يارب وبإذن الله ده النجاح الاول من سلسله نجاحات لا تعد ولا تحصى 💖

هو الحقيقه فكره الروايه عجبتني ممكن لما تخلصيها تقوليلي اسمها وهتتنشر فين

بصي هو الموضوع صدقيني مش مقلق خالص الفكره بس انك بتمري باضطراب مشاعر نتيجه لأنك في فتره مراهقه ومحتاجه اهتمام لأن دي فتره مابين الطفوله والنضج يعني لازم هتحسي بلغبطه بس صدقيني كله هيعدي وديمآ ادي اعذار لأللي قدامك يعني انتي بتقولي ان اهلك معاملتهم جافه معاكي يمكن ظروفهم وانشغالات الحياه والمسؤوليات اللي عليهم هي اللي شاغله تفكيرهم بس نصيحه اخيره اوعي تدوري على الاهتمام بره البيت لأن حتى لو مش لاقيين المشاعر دي في البيت افضل من اننا نحصل على مشاعر مزيفه من الخارج وغير موثوقه حبيبتي اتمنى لك السعاده وتتخطى الشعور ده يارب

سيدنا نوح عليه السلام لما يأس من قومه ومن ظلمهم وطغيانهم ويأس انهم يؤمنوا بالله قال(وقال نوح رب لاتذر على الأرض من الكافرين ديارا)-- يعني رب لاتترك على الارض من الكافرين بك احد انك لو تتركهم ليضلو عبادك الذين آمنوا بك عن طريق الحق ولن يأتي من اصلابهم الا كفارا فربنا لما قال لسيدنا نوح انه ياخد من كل زوجين من الحيوانات والحشرات ومن الناس من آمنوا بالله طبعا سيدنا نوح عمل كد وربنا هنا اعطى فرصه الحياة لمن يستحقها من عباده الصالحين والايه اللي سيدنا نوح بيقول فيها ان ربنا لو سابهم هيضلو عبادك الصالحين ده معناه أن كان فيه عباد صالحين غير الكفار فا ليه دول يتعاقبو وليه دول ميكملوش دول مؤمنين بالله عز وجل وبعد مانزلو من السفينه عرفنا ان احنا كلنا كده سلاله ابناء نوح لأن الناس اللي كانو معاهم مخلفوش وفضل الناس مؤمنين بالله وماشيين على طريق سيدنا نوح عشر قرون يعني الف سنه والتغير اللي حصل بعدها بقى من اعتقادات الناس وتعدد ديانتهم ووجود كفار تاني دي حاجه طبيعيه لأن ربنا حططنا في اختبار كبير جدا وفتنه كبير جدا والاتنين دول يقتصروا على الدنيا لأن الجائزه والعقاب مش هينين لأ دول قد الاختبار وعلشان هو اختبار كبير فعقابو كبير لمن كفر زي النار وجائزه عظيمه لمن آمن بالله وباليوم الاخر زي الجنه واللي بيحصل ده وتعدد الفتن اللي احنا فيه ماهو الا شئ عامل زي التصفيات ربنا كأنه بيقولنا لنرى من منكم اشد ايمانآ وتمسك بي وسؤالك ان ليه ربنا خلق بشر تاني او ادالنا فرصه الحياه رغم كل اللي بنعمله مش انا اللي هرد عليك كلام ربنا هو اللي هيرد عليك (واذ قال ربك للملائكه أني جاعل في الأرض خليفه قالوا اتجعل فيها من يفسد فيها ويسفك الدماء ونحن نسبح بحمدك ونقدس لك قال إني اعلم ما لا تعلمون)

فعلآ الاطفال بيبقو حساسين جدا ولازم نتعامل معاهم بحرص ونحافظ عليهم من التنمر او انهم يتنمروا على حد لأن ابني او بنتي لو سمعوني بتنمر على حد طبعاً لاني قدوتهم هيقلدوني والله واعلم كم طفل ممكن يتأذي جدآ من اطفالنا او مننا بشكل غير مباشر لأننا مش هنبقى حطينا نفسنا في الصوره هنبقى حطينا ولادنا في الصوره ويتعقبو هما على خطأنا احنا في عدم تربيتهم بطريقة صحيحة علشان كده انا من الناس اللي مهتمه بكيفيه التعامل مع الاطفال لأني مقتنعه ان ابني اللي هيجي في المستقبل هيبقى جيل انا اللي هشكله

أولا اهنيك جداا انك عرفت غلطتك الاولى وتسرعك وادركت ان دي علاقه مش لعب وقررت انك تتعامل بحذر وتتأكد من مشاعرك الاول والاهم من ده انك متتسرعش والجميل كمان انك ادركت ايه الجوانب السلبيه اللي فيك وغيرتها وصدقني الانسانه اللي تساعدك وانت تايه وتوصلك لأنك تبقى احسن هي دي اللي تستاهل انها تكمل معاك متتخلاش عنها ابدآ واتمسك بحبك وقبولها انكم تبقوا اصحاب ده مبدءيآ شئ مبشر حاول معاها كتيير ومتيأسش وصدقني طول ما انت بتحبها بالطريقه دي هي مع الوقت هتحبك والست متتمناش غير راجل يحبها بجد ويهتم بيها كأنها بنته واقدر اقولك اخي العزيز طريقك لقلب حبيبتك الأهتمام اهتم بكل حاجه تخصها حتى اتفه الاشياء بس اهتم بطريقه تجذبها ليك طريقه محببه مش تخنقها بيها لأن البنات بتخاف من فقد الحريه او التحكمات اتعامل معاها بطريقة مميزه أظهر لها حبك في حنيتك عليها والغيره طبعاً شئ اساسي من اساسيات الحب بس لو حصل موقف غيرت فيه حاول تتحكم في اعصابك ومتتهورش وتحرجها وفي نفس الوقت متخفيش غيرتك لأ اظهرها وخليها تحس بيها وتشوفها وتشوف معاها كمان انك متحكم في غيرتك وعصبيتك لأنك مشتري خاطرها وطبعآ الاساسيات عند الست دلعها فرحها خليك انت الشخص الوحيد او من الأشخاص المميزه عندها اللي يعرفوا يرسمه الابتسامه على وشها ازرع نفسك في يومها بأي طريقه علشان تبقي جزء من حياتها ولو غبت تحس انها مفتقداك واه صحيح شد وارخي يعني قرب اووي وتعالى في مره ابعد شويه واشغل نفسك بأي حاجه لأن عنصر الأشتياق مهم جدآ في العلاقه واخيرا حسسها انها بنتك الوحيده عاملها كأنها طفلتك المميزه وصدقني لو عملت بالنصايح دي ابقى اعزمني على الفرح مشوارك صعب بس مش مستحيل اسفه على الاطاله

عندك كام سنه ده سؤال مهم جدا علشان اقدر اجاوب عليكي اتمنى تجاوبي

يارب ياحبيبتي اتمنى ده فعلآ مع ان في ناس كتير بتتمنى انها يبقى عندها تبلد مشاعر بس مش عارفين ان الشعور ده مؤذي جدآ

اتفق مع رأيك لأن انا عندي نفس الحاله تبلد مشاعر ولا مبالاة شعور مش لطيف خالص بس انا طبعاً عارفه ومتأكده ان سببه هو الكبت لاني كنت بعدي مشاكلي من غير ما احلها او ادي رده فعل عليها كنت بأجل غضبي وحزني وجرحى وضعفي ودموعي كل التأجيلات دي وصلتني لكده تخيلي انا بقالي 4سنين مش ببكي ولا حتى في المواقف الحزينه لازم كل حاجه تحصل في وقتها كل شئ في وقته حلو متأجليش زعلك علشان حد ولا موقف ولا ظروف حسيتي بالحزن احزني واطلعي من الحزن مستفيده بأنك واجهتيه مش تجاهلتيه وطبعآ الغضب والالم والوحده كل احساس من دول مش هيحل عنك غير لما تحسيه لأنه ببساطة اسمه (احساس) حبيبتي اتمنى انك تكوني احسن وصدقيني حاولي تتبعي النصائح دي وهتستفيدي كتيير انا ماشيه بيهم ويتحسن اتمنى لك السعاده ❤️