هاچر سمير

ممكن حضرتك تتعلم كتابة محتوى ، أو جيرافيك ،واليوتيوب فيه كورسات كتير جدا ، شوف موقع إدراك برضو مجاني ومنصة معارف

بتشوف مكانة الطرف الآخر بالنسبة لك ايه ،لو يستحق محاولة اديله فرصة تانية.-رأيي المتواضع -

أنا الفترة دي برضو بفكر ف الجرافيك وكدا ، ودا تقريبا طريقة هروب من ضغط المواد بس عقلي ليحاول يفهمني انها فترة ذهبية ولازم أطور من نفسي دلوقتي بالذات 🙂🙂، ف انت اطردها من دماغك لأنها تقريبًا حيلة للهروب من المسؤولية مش أكتر ، بالتوفيق.

وخليك فاكر دايماً أولوياتك ايه ف الفترة دي، دا هيديك دفعة لقدام عشان تسعى وتحاول توصل لأفضل نسخة منك. بالتوفيق

أعتقد دا لأنك متعرفش انت عايز ايه بالظبط ، مش محدد طريقك يعني ، الحل انك تبدأ تشوف بتحب ايه أو انت شاطر ف ايه وخد فيه كورسات ،وانزل تطوع في مجال شغلك أو حاجه قريبة منه؛ عشان لما تساعد غيرك هتحس بقيمتك بجد. واتعود انك تكون مش محتاج حد معاك يشجعك، لأن الرحلة فردية ولازم تتعود تمشي لوحدك.

بصي أنا ف الأول كنت بتحرج لكن لما فكرت لقيت ان الذنوب كتير جدا غير الاختلاط كمان ، فبقيت بقول اني مش بروح عشان الأغاني وكدا ، ولما تحطي حدود ومبادئ من الأول محدش هيستغرب بعد كدا.

دا مكان شغلك حاول متمشيش الا لو ضامن شغل برا ، بالنسبة للمدير دا اعتقد المواجهة معاه مش هتجيب نتيجة بل بالعكس ممكن يحطكف دماغه أكتر ، حاول تمشي الدنيا وخلاص معاه وشوف مكان تاني. ربنا يوفقك

زي ما قولت لحضرتك دايما النفس والشيطان هيكونوا ضدك ف شطارتك انك تحاول تقاوم كل المغريات دي وكل ما تقع قوم وابدأ م الأول «إن الله لا يمل حتى تملوا »،و ادعي ربنا يخلصك من الذنوب دي ، وحرفيًا ارمي نفسك ف الشغل وانزل تطوع وجيم و اتعلم مهارات جديدة ،يعني من الآخر متسيبش نفسك فاضي. لأن الشيطان بيدخلك ف الأوقات دي ، واستعين بالله وابدأ بس والباقي سهل، ربنا يرشدك للطريق الصحيح.

رأيي انك تحاول تشوف بيئة صالحة وأغلب الوقت خليك معاهم ،مجالسة الصالحين تصلح ،واشغل وقتك قد ما تقدر روح جيم وشوف شيخ احفظ معاه القرآن وباقي الحاجات هتيجي منك انت بعد كدا، في مقولة بتقول:«نفسك ان لم تشغلها بالحق شغلتك بالباطل »،وافتكر ان اول خطوة بس هي اللي صعبها والباقي سهل. فانت قاوم هوى نفسك لأنها أمارة بالسوء لكن انت من جواك عايز تعمل الحاجة إذن هتقدر تعملها بإذن الله. وادعي ربنا يخلصك من كل الذنوب دي . ربنا يهدينا جميعا يا رب

وإياكم يا رب

أنا معرفش أماكن بصراحه ، ولكن أكيد لما تخرج لمكان واسع وتلعب مع أطفال زيها -مع الحفاظ على الأمان قدر الإمكان - دا هيخليها مبسوطة وسعيدة وخصوصاً لو حضرتك خليت الموضوع دا مكافأة مثلاً لما هي تعمل حاجة كويسة.

دي نصايح مهمة شوية للبنوتة -ربنا يحفظها- حضرتك حاول تعملهم معاها ونفس الكلام للأم برضو. كلمها طول الوقت احكيلها اللي بتعمله "بابا بيلبس الجزمة… دي جزمة سودة" وهكذا اسألها حتى لو مش هتجاوب "فين الدبدوب؟" ولما تقول كلمة، كررها صح وبجملة كاملة. العب معاها مش بس تراقبها: مكعبات (تبني وتهد) ألعاب فتح وقفل كورة ترميها وترجعها [اللعب مع الأب بالذات بيقوي الثقة بالنفس عند البنت ] اقرأ لها قصص مصورة للأطفال حتى لو 5 دقايق سمي لها الصور وعرفها عن كل واحد منهم خليها تشاور وكرر نفس القصة عادي لأن صوتك ليها مهم زي الأكل بالظبط. - دخّلها في يومك، خليها تساعدك: تحط الحاجات في مكانها تشيل لعبة من الأرض ، دا هيعلمها المسئولية والاعتماد على النفس. و بلاش موبايل اللعب الحقيقي أفضل لو شاشة: يكون الوقت قليل جدًا وفي الوقت دا يكون حد بيتكلم معاها عشان متركزش ف الموبايل قدر الإمكان. -ومهم جدًا تخليها تحاول وما تقاطعهاش سيبها تجرب ما تستعجلش عليها شجع أي محاولة منها حتى لو غلط -وكمان الأمان والحب أساس الذكاء الحضن، الضحك،الطبطبة الطفل اللي حاسس بالأمان، بيبقى ذكي وبيفكر بطريقة كويسة.

حضرتك ممكن تبدأ تحفظها القران

اللهم بارك يا رب ربنا يحفظها ويبارك فيها ويجعلها من الصالحات