Eman ...

أن شاء الله ربنا هيبركلك بس توكلى عليه ونظمى وقتك وربنا معاكى ويوفقك يا رب ويكرمك

وانتى بتذاكر فيه معلومه مش فهماها اسألى المستر اللى بتخدى عنه عادى لو معلومه سهله وانتى مش عارفاها أو قديمه عادى لازم تسأليه ..واعرفى كل حاجه عن اللى بتذكريها واسألى عادى ولازم تفهمى كل كلمه وتعرفى كل معلومه ليها علاقه بالمنهج عندك ووحده وحده هتلاقى الدنيا اتظبطت ..حلى كتير مهم اوى الحل الكتير هتغلطى عادى ف الاول وهتغلطى كتير ومش هتبقى عارفه تحلى بس احنا لسه مش ف امتحان اخر السنه وامتحان اخر السنه بيبقى حاجه تانيه متقلقيش بس مهم اوى تحلى كتير وانتى بتذاكرى

انا كنت زيك بالظبط وانا حاليا اوله جامعه وبقولك والله لسه فيه وقت وكتير كمان وتقدر تخلصى المنهج وترجعى عليه تانى ...انا للاسف كانت محاولاتى غلط ف محققتش اوى بس ربنا كرمنى ب كليه ومجال كويسين جدا حاليا وربنا هيكرمك متقلقيش ...اهم حاجه حطى ف دماغك أن لسه فيه وقت وعهد الله فيه وقت كتير بس استغليه صح ونظمى اهم حاجه التنظيم ودى نصيحه انا خدتها من معيده ف كليه طب بشرى مهم جدا التنظيم فوق ما تتخيلى...اهتمى بعلقتك ب ربنا ودى حاجه مهمه طول عمرك مش ف السنه دى بس ..اصحى قبل الفجر ب ساعه او نص ساعه صلى وادعى ربنا كتير اوى اوى باللى نفسك فيه وصلى الفجر واقرأى الورد من القرأن ولو صفحه وابداى مذاكره 25 دقيقه وخمس دقائق راحه لحد ما تكملى أربع دورات وخدى استراحه وهكذا وظبطى يومك على حسب دروسك ودنيتك واهتمى ب صحتك واكلك ...صلى كل الفروض وقربى من ربنا جامد علشان والله ما حد هينفعك ف الدنيا دى ويسندك غير ربك وربنا هيسخرلك كل حاجه ومتقلقيش ..أسعى واجتهدى وحطى ف دماغك أن لسه فيه وقت وانا بتعلم وبعبد ربنا ولازم اجتهد واتعب علشان اوصل وانا بتعلم بردو وبذاكر وهنجح وربنا هيكرمنى ويعملى اللى فيه الخير ..واعرفى انك لو تعبت واجتهدت ربنا عمره ما هيضيع تعبك وانك ليكى رزق بس اهم حاجه تعملى اللى عليكى اوعى تيأسى ...عايزاكى بس تنظمى نفسك واستعينى بالله وتبعد عن الفون خالص ولعى فيه اديه لمامتك المهم ابعديه عنك وتوكلى على الله ...هتتعبى ف النص خدى بريك بسيط تشمى فيه نفسك وتشحنى وكملى على اللى انتى كنتى وقفه عنده بلاش تعملى غلطتى وتبداى من الاول تانى اكبر غلط انك ف كل محاوله تبدأى من الاول تانى لا انتى تكملى وترجعى مع الجديد ..يعنى جزء جديد وجزء قديم ..وفرغى واكتبى كل اللى ف دماغك ف ورق وفضفضى ل ربنا ف السجود واحكيله وقولى كل إللى نفسك فيه ل ربنا وهو سمعك وربنا هيكرمك والله متقلقيش وهيوفقك بس والله لسه فيه وقت صدقينى بس اهم حاجه تستغليه صح ومتضيعيش وقت ولازم تجتهدى وتتعبى ابدأى علطول...ولا تأجل عمل اليوم إلى الغد ..ربنا معاكى ويوفقك يا رب وتحققى اللى نفسك فيه واعرفى أن ربنا عمره ما هيعملك حاجه وحشه وهيعملك كل اللى فيه الخير بس اجتهدى ومتيأسيش وربنا لما يشوفك بتتعبى وبتبذلى أقصى ما عندك هيكرمك ..ابداى علطول وحطى هدف واعملى خطه وغيرى عاداتك ولازم تغير هويتك اللى هى انتى وتفكيرك تجاه السنه دى وتجاه الوقت اللى فاضل لأن فيه وقت ...ومتقلقيش يا جميل ربنا موجود وطول ما هو موجود متخافيش ولا تقلقى هيكرمك وهيسندك ..حطى هدف واشتغل عليه وربنا معاكى ولسه فيه وقت كويس اوى

العفو انا معملتش حاجه ..ربنا معاكى ويقويكى يا جميل

وخدى استراحه صغيره تشمى فيها نفسك وتخدى طاقه ،وكل فتره خدى استراحه اعملى اى حاجه نفسك فيها واتمشى علشان تشحنى وتكملى

خديها وحده وحده حاجه بسيطه خالص متضغطيش على نفسك يعنى مثلا انهارده اهم حاجه اصلى الخمس فروض صلتيهم الحمد لله اليوم اللى بعده الخمس فروض واذكاره الصباح والمساء كده مثلا لمده اسبوع ،هذاكر انهارده جزء من ماده وهكذا ،وبردو فرغى اللى ف دماغك كله ف ورق سواء حاجات عايزه تعمليها او حاجات خنقاكى أو خناقه حصلت.. انا بعمل كده عن نفسى بفرغ كل اللى ف دماغى ف ورق وارتحت وفرقت معايا ف جربى تعملى كده ،وانا عارفه انك محتاجه حد جمبك ومعاكى ف احكيله ل ربنا كل حاجه وفضفضيله ف السجود واستعينى بيه واكتبى هنا بردو وشاركى اى حاجه هنا واهتمى ب مذاكرتك على قد ما تقدرى مستقبلك مهم جدا،انا حسه بيكى والله وعارفه مش قادره تقومى من مكانك ف مثلا خلى فيه شراره بدايه انك تسمعى فيديو تحفيزى اعملى حاجه بتحبها تخليكى مبسوطه ف تذاكرى وتعيش حياتك فكرى فيها هتلاقى أن احنا عايشين ف الدنيا دى كل حاجه بتعملها صح عباده سواء صلى أو مذاكره أو عمل أو صبر أو رضا الوالدين وغيره كتير ،ف اى حاجه بتعملها قولى علشان ربنا وف نفس الوقت اعملى كل يوم حاجه كان نفسك تعمليها جربى حاجات جديده كل يوم ولو بسيطه بس هتفرحك وهتغير من روتين يومك ،متقعديش على السرير غير وقت النوم بلليل بس ،و بس حولى لحد اخر نفس لانك قويه والصبر ده كله مش هنضيعه على اخر لحظه وانتى جميله وتستهلى كل خير بجد ف حاولى تانى و ربنا هيقويكى ويكرمك متقلقيش

ده اختبار من ربنا ساعات بيطول بس نقول الحمد لله ونستعين بيه وكل ما يطول ذنوب بتتمسح وبنزداد خبره ف متقلقيش خير..قربى من ربنا صدقينى حياتك هتتغير احمديه كتير اوى على كل حاجه هيكرمك اقرأى قرأن واذكار وقيمى الليل وادعى ربنا كتير ب كل اللى نفسك فيه... لو حتى محققش ومستجبش ف ده خير متقلقيش وهو هيعملك اللى فيه الخير وادعيه أنه يعملك اللى فيه الخير ديما ...صدقينى الموت مش سهل سكرات الموت صعبه اوى وحساب الآخر صعب جدا لو سمعتى فيديوهات عنها بجد هتخافى ف قربى من ربنا .اقرأى كتب اهتمى ب دراستك وعلاقتك ب ربنا واثبتى نفسك وركزى ف اللى تحت ايدك دلوقتى واشتغل عليه واتعلمى واعرفى عن كل حاجه ..الدنيا دى كلها على بعضها اختبار من ربنا احنا بنعبده سواء بالصلاه أو بالعمل أو بالصبر أو بالتعليم او اى حاجه ..ف انتى ب صبرك ده بتعبدى ربنا...محتاجه كل فتره أو ما يوم اللى تحبيه وينسبك فرغى اللى ف دماغك ف ورق ومهم اوى تعملى كده ..انجحى واسعى انك تثبتى نفسك علشان الفرحه اللى بجد بتبقى ف النجاح ف انجحى واثبتى نفسك ف مجالك وربنا هيكرمك بس قربى منه اوى علشان قربك منه هيريحك وهيغير حياتك واجتهدى واهتمى ب دراستك وبس وربنا معاكى ويوفقك يا قمر ❤️

خطتى انك تعملى الحاجات المهمه الاول ومتزوديش المهام ف يومك اوى ولما تخلص الحاجات المهمه والأولويات ابداى زودى بقى كل شويه الحاجات اللى عايزه تضيفيها ف يومك وعايزه تعمليها لحد اخر اليوم هتلاقى نفسك انجزتى حاجات كتير بس وحده وحده واهم حاجه انك انجزتى المهمه بالنسبالك ومش مشكله الباقى اهم حاجه أولوياتك يعنى اعملى قائمه مهام مفهاش حاجات كتير اوى فيها حاجات المهمه والأولوية وحاجات بسيطه تقدرى تعمليها ولما تخلصيها ابداى ضيفى مهام تانيه وحده وحده لحد ما اليوم يخلص بس ابداى بالمهم الاول وبعد كده الحاجات التانى الاضافيه بس متزوديش اوى على قد طاقتك ولو كل يوم حاجه بسيطه هتنجزى كتير اوى فهمانى

وعليكم السلام ورحمه الله وبركاته...ايوه تعرفى تشتغلى اونلاين فيه مواقع كتير اوى تعرفى تكتبى مقالات فيها وتكسبى فلوس بس الصراحه مجربتش ف شوفى فيديوهات كتير وشوفى رأى الناس اللى جربت على يوتيوب وان شاء الله يفيدوكى وتشتغلى ..وحددى موقع اى اللى تشتغلى فيه وجربى اكتر من موقع لو تعرفى علشان تعرفى اى احسن موقع ليكى انتى وتستقرى عليه ....وربنا معاكى واتمنى تكونى استفدتى ❤️

انا كنت شبهك شويه وكنت بفكر ف الانتحار بس اللى خلانى ارجع عن فكرت الانتحار انى سمعت فيديوز كتيره عن سكرات الموت وربنا زى ما يكون كان بيحذرنى وسبحان الله سمعت الفيديوهات دى وانا بقيت مرعوبه من فكرت الموت ف مش عايزه انتحر خايفه من سكرات الموت وعذاب القبر والاخره صعبين اوى وبسعى دلوقتى انى ارضى ربنا واحنا عايشين ف الدنيا دى اختبارات من ربنا ف ربنا بيختبرك ف حاجات كتير صبرك ايمانك وغيره ف اوعى تستسلى بالعكس انتى املى حياتك واثبتى نفسك ده مش سهل هو صعب بس مفيش حاجه مستحيله ابدأيها وحده وحده وقربى من ربنا وادعيه كتير اوى اسمع فيديوهات عن الدين وازاى تنجحى ف حياتك ول ناس نجحه ...غيرى حياتك كلها واقرأى واتعرفى على نفسك وأخرجى بره الوحده اللى انتى فيها وحاولى تتعرفى على ناس جديده حوليكى يكونو كويسين طبعا وتكون صحبه صالحه وصدقينى لو نجحتى واثبتى نفسك الحزن ده كله هيروح ان شاء الله وهتتعرفى على ناس نجحه ف طريقك وناس سلبيه ومؤذيه دول هيقبلوكى بردو ودع اكيد بس اتخطيهم اعتبريهم مطب هتعدى عادى ولا هياثر والدنيا هتبقى تمام وزى الفل وبردو شوفى اللى هيعلقولك هنا هيفدوكى اوى بجد ومتكتميش جواكى واسفه طولت عليكى و اتمنى تكونى استفدتى وربنا معاكى ويقويكى يا جميل❤️