نور عادل

بصرف النظر عن اللي أنا وقعت فيه، بس ما تعمليش حاجة تغضب ربنا لإرضاء حد أبدًا أبدًا، في حديث عن الرسول صلى الله عليه وسلم بيقول فيه إن لو أرضيت حد في سخط الله، ربنا حيغضب عليك ويخلي اللي انت حاولت ترضيه يغضب عليك هو كمان، ولو أغضبت حد عشان ترضي الله، ربنا حيرضى عنك ويخلي اللي انت أغضبته يرضى عنك. وربنا يرزقك الخير دايمًا والسعادة 🌷

للأسف الشديد دخولك في علاقة محرمة من البداية اتسبب في أذى ل٣ أشخاص؛ إنتي وزميلك وابن خالتك ويمكن عيالكم فيما بعد، لو كنتي صبرتي كان اتقدملك حد مناسب واتجوزتي بدل ما انتي متعلقة بواحد مش جاهز وممكن أصلا يغير رأيه في لحظة. ما تزعليش مني أنا مش بقطّمك، أنا بس بنبّه على أصل المشكلة، وبصراحة حرام عليكي تبقي بتخدعي خطيبك وانتي أصلا بتحبي واحد تاني، مشكلتك ما لهاش حل غير التضحية، لو كملتي حتبقي بتضحي بزميلك وخطيبك وبنفسك، ولو فركشتي هتبقي بتضحي بخطيبك بس، والله أعلم زميلك حييجي فعلا يتقدم وحيتوافق عليه ولا لأ

بالعلم والعمل:- بالقراءة عن صفات الله ومعانيها وعن اليوم الآخر. بالدعاء بيقين والمحافظة على العبادات من صلاة وصيام وزكاة والأذكار ومجاهدة النفس لعدم الوقوع في الذنوب. وركز على الدعاء بيقين أرشح لك كتاب لأنك الله، وكتاب آخر يتحدث عن اليوم الآخر لعمر سليمان الأشقر.