Ahmed hasanen

اسمعي بودكاست ثمانية عبد الرحمن الغامدي حلقة عن العلاقات القوية وكيف ابني علاقة قوية

https://t.me/joinchat/IhLTABYQWLQkIQ-YCIH5hw

بص ياستي اول حاجه استعيني بالله وكل حاجه نصيب يعني مكتوب قدرك بس عموما بخصوص التوتر دائما رددي بصوت عالي انك شاطرة وانك مذاكرة وحلي امتحانات كتيرة حاولي يكون عندك ثقة كبيرة و اقنعي نفسك انك دا امتحان عادي ملهوش لازمة مش هياخد في أيدي وقت وهخلصه وانا حاطه رجل علي رجل. اهتمي بغذاءك كويس اوميجا ٣ في المكسرات والسمك والبروتين بلاش حوادق وحاولي تكوني نائمة كويسة وفطار كويس يكون في بروتين زي البيض وخضار واقول تاني حل امتحانات كتيرة اوي وتدريب كتير والعبي رياضة وحاولي تخلي مذاكره الصبح بدري.

بص ياحبيبي أولا ربنا يعينك في مشكلتك بس سن ١٤ سنة دا مرحلة صعبة مرحلة تغييرات مرحلة أن الولد مش عارف تتعامل معاه علي أنه صغير ولا تتعامل معاه أنه كبير بس نصيحتي ليك انت بعيد عن ابنك اوي ولازم تصاحبه و في نفس الوقت تظهر القسوة لما الوضع يحتاج. ونصيحة اوعي تتجه القسوة في الي حصل دا لأن انت كدا بتعلم الحرب علي ابنك وهيكرهك اكتر انما تقرب منه وتتكلم معاه و تحسس انك ولي أمره وأنه لازم يتبعك وبخصوص زوجتك هو التربية دي مكونة من أب و أم وكل واحد عنده التزامات و مهمات لازم تتعمل علي أكمل وجة ولو دا محصلش هيبقي في خلل يعني لازم تتحدوا ضد المشكلة لأن كدا الولد حاسس ان ماما حلوة وطيبه و خايفه عليا وبابا وحش وعاوز الضرر ليا ف لازم القرارات الي تقرروا عليها يظهر في البيت أنها ناتجه عن الاب و الام علي حد سواء

طالما دا حلمك وواضح انك حابه المجال دا يبقي في الحالة دي يبقي استعيني بالله وأبدا وربنا يكرمك يارب ويرزقك الخير دايما

(انا مدرس انجلش) حاليا احنا في اجازة و المدارس هتبدا تعيين من اول شهر ٨ كدا ف حاليا خدي كورسات او اي حاجه اونلاين او مثلا من كتب الكلية واستغلي وقتك علي قد ما تقدري وعلي نص شهر ٨ او اول شهر ٩ ابدأ قدمي في مدرسة بس للاسف مرتب مش هيبقي كبير اوي. في جروبات تليجرام بينزل وظائف للمدرسين تقدري تقدمي ب CV

بلاش وحاول تدخل في مجال بتحبه وأبدا اتعلم اونلاين انت دلوقتي عندك وقت فراغ حاول تستغله لانه بعدين وقت الفراغ دا مش هيبقي عندك.حاول تتعلم برمجة ، ذكاء اصطناعي، روبرتس ، موشن جرافيك ، اي لغة وأساسي الانجلش

في أماكن رخيصة الثمن جدا تقدري تشتري منها زي محلات الوكالة و اماكن الاستوكات

أولا ربنا يوفقك ويكرمك الخير دايما، تاني حاجه بقا هو أن الكلية مش اهم حاجه يعني الناس الي بتتخرج هو مجرد روتين مش اكتر عشان في الاخر ناخد الشهادة وانا كنت ازهر وفعلا كان كدا قلة من الدكاترة الي كان في إفادة منهم بس عموما فكرة انك ترجعي تاني تعيدي هتبقي فكرة كويسة بس انا برجح الكورسات ايا كان المجال الي هتدخليه و انك تتعلمي اونلاين وتتابعي الناس المشهورة في المجال دا دا اهم بكتير من الكلية بس عموما الكلية مفيدة ف انك يكون معاكي الشهادة مش اكتر