Rahma Ahmed

بصي بلاش تواجهيه وتجاهلي وحلي الموضوع من زاوية تانيه لان احتمال كبير اوى هو لجأ لكدا بسبب تعبك وانه مش بيحس بأشباع ف العلاقه ف الموضوع أثر عليه بشكل سلبي ف لجأ لكدا واحتمال بردو الحل دا هو مش مبسوط منه بس هو بيحاول يشبع الرغبه اللي جواه بطريقه مختلفه ف عشان كدا انا من رأيي انك تحاولي تقربي منه اكتر وحاولي تشغلي وقته بيكي متخليهوش يبقي لوحده حاولي تستغلي وقته دا تشوفوا فيلم مثلا سوا تسهروا سوا تتكلموا مهم جدا التواصل بينكم اتكلموا حتي ف العلاقه بحيث توصلي هو ايه مضايقه ايه بيحبه ايه مش بيحبه وخليه دايما فيه تجدد يعني حاولي تسمعيه وتتناقشي معاه باسلوب لطيف صدقيني الموضوع دا هيفرق جدا وحاولي تجددي م نفسك اكتر وحاولي تصاحبيه بحيث انه تخليه يوصل لمرحلة انه يجي بنفسه يحكيلك ايه اللي وصله انه يعمل كدا م غير م يخاف تشوفيه بصوره مش تمام وتحلوا الموضوع سوا وتقربوا من بعض اكتر ف انا من رأيي بلاش مواجهه وحاولي انتي تحتويه اكتر وتقربي منه اكتر وتستمرى ع علاجك وتجددي م نفسك وان شاء الله الموضوع يتحل وترجعوا احسن من الاول .

انتوا الاتنين محتاجين تتكلموا ف الموضوع دا وتتفاهموا وتسأليه عاوزني اتعامل معاك ازاي الوقت دا ؟ او ايه الطريقه اللي تحب اصالحك بيها ؟ حاولي تسمعيه وتفهمي دماغه وشوفيه هو عاوز ايه وليه بياخد كل حاجه ع اعصابه وليه بيزعل بسرعه وايه الحاجات اللي بتضايقه ومش عاوزك تعمليها وبتزعله لازم تتكلموا لحد متتفقوا ع حل تمشوا عليه تاني حاجه انتي بردو كلميه عنك وازاي يصالحك ويراضيكي وكلميه انه بلاش يكون ردة الفعل هي البعد عشان دا بيأثر بالسلب ع علاقتكم وهيضر اكتر مش هيحل وانك مش عاوزه تخسريه وهو فارق معاكي وزعله فارق

اقعدي معاه مره واتنين وشوفي هل انتي عندك قبول ومرتاحه ولا لا دي اهم حاجه وبردو هل انتي عندك مشكله ان فتره الخطوبه هطول ولا لا لو متقبله الموضوع تمام ادي لنفسك فرصه و هو بشكل عام واضح انه حد مسؤل ومكافح ودي حاجه كويسه