Marim Reda

اولا ربنا يرحمه و يسكنه فسيح جناته ثانيا انا عارفه انك ام و إن الضنى غالي بس بصي لها من جانب تاني ان ربنا قدر كل دا علشان يكون سبب في دخولك انت و زوجك الجنه بإذن الله حاولي متضغطيش علي نفسك و ادعي كتير و انتي بتصلي ان ربنا يعوضك خير و يرزقك بالذريه الصالحه و ربنا يخلف عليكي بالخلف الصالح

بصي هو معظم الناس بتمر بمشاكل زي دي هي والدتك ممكن تكون سلبية في الحته بتاعت انك عايزه تقعدي لوحدك و دي معظم الوقت بتخلينا نفقد الثقه في نفسنا و ان احنا قد اي محناش قد الثقه بتاعت أهلنا و لا قد المسؤليه بس هقولك حاجه الحل الوحيد انك متشغليش بالك بكل دا ركزي في دراستك لو بتدرسي او اشغلي نفسك بأي حاجه و لو أمكن انك تتكلمي مع والدك في النقطه دي و انها بتزعلك من والدتك و ان هي بتقلل منك أو لحد من خالاتك يكون قريب منك و ينفع تحكيلوا و خالي بالك ان المشاعر الل مفتقداها في اهلك مينفعش تدوري عليها برا بمعني انك متدخليش علاقه بغرض انك هتلاقي المشاعر الل نقصاكي دي في العلاقه بالعكس هتدمري اكتر لان اولا حرام ثانيا عمر ما حد هيحبك ربع حب اهلك ليكي رغم المشاكل و الخناقات اللي بتبقا بينكو ديما بس مستحيل حد هيحبك قدهم و ربنا يريح قلبك يسكره🤍

بصي هو باين عليه محترم جدا و لو انتي مرتاحه له اكلمي مع مامتك بحيث تفاتح باباكي في الموضوع و هقولك حاجه الراجل المحترم خيرا الف مره من الغني المحترم مسيروا ربنا يرزقوا و هيعرف يحافظ عليكي انتي و أولادك اما اللي معاه فلوس مع أول مشكله ممكن لا قدر الله يتجوز عليكي و اللي لفت انتباهي اصراره عليكي و دي حاجه نادره الايام دي انا من رأي صلي استخاره و لو شايفه انك لسه مياله له كلمي والدتك زي ما قولتلك و خير متقلقيش

معرفش اجابه معينه بس معظم الدول دي احتلت من اجانب و اتأثرنا بأخلاقهم و من ساعتها و احنا بنقلدهم في السلبيات فقط

ربنا يعوضك خير يبسبوسه🤍

حاولي متشغليش بالك بالنتيجه ايا كان نتيجه دراسه او شغل أو علاقه سبيها علي ربنا و ديما كرري دعاء اللهم دبرلي أمري فأنا لا احسن التدبير و ربنا يريح بالك يسكره❤️

دا شخص مش ناضج هو بس حب الحب اللي انتي حبتهولوا اما انتي فا محبكيش هو عايزك ديما مهتمه و بدلعيه و تهزري معاه اما وقت الجد و الضغط يخلق مشاكل و مبررات علشان يهرب و بعدين يرجع يتأسف علشان مفتقد وجودك مش اكتر مش هقولك ابعدي هقولك اهربي قسما بالله دي علاقه توكسيك هتاخد من طاقتك و مشاعرك و كرامتك علي الفاضي ربنا يعوضك بلأحسن يارب🤍

لا يحببتي متكسفيش دي مامتك يعني أقرب حد ليكي و خدي رأيها بردو قوللها يماما انا شايفه اني ابقي مع حد متمسك بيا و بيحبني افضل من واحد تاني احس انو بيشتريني بفلوسه و الرزق دا بتاع ربنا و اكيد ربنا هيفرجها عليه و شوفي وجه نظرها ممكن تبقا هي باصه لجانب انتي مش شيفاه و لو لا و كل حاجه تمام يبقا خليها تكلم والدك

فعلا ممكن ربنا بعتني ليكي علشان يطمنك و يطمن قلبك و انتي شكلك بنت حلال و بجد تستاهلي خير🤍

كل دا تخيلات بتجيلك علشان الشيطان يلاقي حجه يخليكي قلقانه بيها او يخليكي تدخلي مثلا تجسي نبض الولد دا مش اما لو جينا للواقع ربنا عز و جل رحيم جدا جدا جدا بعباده و مستحيل يجيب حاجه وحشه ابدا كل بني آدم خطاء و خير الخطائين التوابين ف متقلقيش كل حاجه هتعدي و هتنسي كل دا و هتعيشي حياتك و هتقابلي الشخص اللي يحبك و يصونك بالحلال كل اللي مطلوب منك دلوقتي كل اما تحسي انك خايفه او قلقانه استغفري و ادعي كتير احنا في العشره الأواخر يعني بأذن الله الدعوه مستجابه و اعتبري ان ربنا زرع الخوف دا في قلبك علشان تستغفري و ترجعي ليه و تفضلي في الطريق الصح و متفكريش غير بالطريقه دي و اسمعي بودكاست بتاع ( ايه المشكله) جميل جدا و هيفيدك اوي في حياتك و اسمعي دكتوره هاله سمير كلامها بردو جميل جدا و ان شاء الله خير يبطتي❤️🌚

يارب يا سكره اهم حاجه تحافظي علي نفسك انتي اغلي من انك تعملي علاقات محرمه مع حد او تعملي حاجه تغضب ربنا او تزعل اهلك منك حاولي تتمسكي بالصلاه و القرأن علشان دول اللي هينجوكي من اي شر و ابعدي عن الصحبه الفاسده لان دول اللي بيشجعوكي علي الحرام بذات انك لسه في سن المراهقه و احفظي مشاعرك و حبك دا لابن الحلال اللي هيجي يخبط علي بابك و انتي شكلك طيبه و محترمه و كل اللي عملتيه دا كان غفله منك مش قاصدك خالي بالك من نفسك و بأذن الله خير يا مسكره 🤍

بصي يا عسوله كل اللي في دماغك دا خوف مش اكتر تعالي نحسبها بالعقل الولد اللي كان بيكلمك و معاه صورك دا هل انتي اما بلكتيه فرقتي معاه ؟؟؟ طبعا لا هو كان بيكلمك كا نوع من انواع الشهوه و اكيد بيكلمك و بيكلم غير في نفس الوقت هو ممكن ميكنش خد باله من غيابك اصلا انتي بس اللي شعورك بالذنب مهيألك ان في حاجه هتحصل بس من سابع المستحيلات انو يعمل حاجه بالصور او الفديوهات اللي معاه و هقولك حاجه تعالي نحسبها من جانب تاني ان و انتي في عز المعصيه و غرقانه في الذنوب ربنا عز وجل سترك فهل لما تتوبي و ترجعي ليه هيفضحك؟؟؟؟؟ طبعا لا فكره انك رجعتي لربنا لوحدك دي اصلا نعمه من عند الله والله في ناس بتعيش عمرها كلو بتعصيه و تموت علي المعصيه بردو و في ناس مبترجعش لربنا غير بعد ما تتفضح ف انتي احمدي ربنا و ثقي بالله ربنا قال انا عند حسن ظن عبدي بي طلعي الافكار السلبيه دي من دماغك و ركزي في حياتك و ازاي تقربي من ربنا اكتر انتي لسه قدامك العمر طويل و بالنسبه للبنت اللي كنت بقولك عليها هو الولد هددها اصلا انو هيقول لأهلها ف خافت و فضلت تدعي ربنا و رجعت عن الذنب دا بعدها بأسبوع عرفنا ان الولد دا تلفونوا باظ و اتعملوا سوفت وير😂 متخافيش من حاجه انتي بس ادعي ربنا بالستر و اوعي ترجعي تكلمي الولد د لا من قريب و لا من بعيد لان دا هيفكروا بيكي و هخليه يركز معاكي و محدش عالم ساعتها اي هيحصل فبعدي نهائي و ربنا معاكي يبطوطه

بصي ركزي في دراستك و في شغلك و خالي بالك من اخواتك و والدتك ولا تركزي مع باباكي ولا مع خالتك و سيبي الأمور تمشي زي ما ربنا كتبها

بص هو دا طبيعي انك أفرجت علي اباحيه كتير ف بقت بالنسبه لك حاجه عاديه و مألوفه ف عقلك بدأ يدور علي حاجه شاذه عن القاعده اللي هو جنس الشواذ بس هقولك حاجه احنا ربنا خلقنا راجل و ست علشان دي سنه الحياه و من الطبيعي ان تنجذب لستات مش للرجاله ولا حتي المتحولون و بالنسبه لجسمك في ناس كتير اوي كدا حاول تروح جيم هتظبط النقطه بتاعت الشكل دا و حاول تبطل تفرج نهائي علي اباحيه و لو في مقدرتك الجواز اعمل كدا لان دا هيثبتلك انك راجل و ان في ست بتميل ليك و شهوتها كلها ليك

يعني بسم الله ما شاء الله والدك كبير دا أكبر دليل ان الطلاق اسوء حل و حتي لو هو اللي طلب الطلاق ف دا لان زي ما قولتلك مغيب و غير كدا الست التانيه دي اللي هي بقت طرف تالت في العلاقه اكيد أثرت عليه بكلامها خلتوا يستغني عنكو و عن البيت بكل سهوله حسبي الله ونعم الوكيل فيها حاولوا تبينوا له انكو خلاص اخدتوا موقف و لو متراجعش عن اللي في دماغه دا هيخسركم كلكم للأبد يمكن ساعتها يفوق و يعرف غلطه و ادعيلوا مهما يعمل دا باباكي انا عارفه ان افعاله دي مخلياكي تفكري فيه بشكل سلبي بس والله شده و هتزول و هو ربنا يديلوا طوله العمر مش هعيش قد اللي راح فا دا كلو مسيروا هيخلص بس انتي ادعيلوا بالهدايه

طب اهدي كدا و متخليش فكره الطلاق دي تسيطر عليكي انتي و والدتك اصبروا يمكن خير

بصي هو كل الناس بتغلط و باباكي شكله في غفله كبيره عفا الله عنا وعنه فلو تقدري تقعدي معاه و تفهميه ان تصرفاته دي هتأدي لخراب البيت و تدميره و لو في عندك عم تقدري تكلمي معاه انو يعقله يبقا افضل برضو او لو معاه وتساب ابعتيهالوا في مسج بس الطلاق مش حل اسوأ حل حرفيا هو الطلاق دا خراب بيوت و والدك و والدتك معدوش صغيرين للكلام دا و عليكي بالدعوة و زي ما قولتلك متطفيش القرآن من البيت و ادعي ان ربنا يعدي المحنه دي علي خير

في بودكاست اسمو ايه المشكله حلو جدا

مش عايزه أتدخل في تفاصيل بس الطلاق مش سهل زي ما انت متخيل

بص هو انا معرفش الوضع القانوني بس انت متأكد من قرار الطلاق دا؟

بصي يا حبيبتي اولا مينفعش تدعي عليه لان دا حرام و احنا في أيام مفترجه بصي خلي والدتك تهدأ و متكلميش في حاجه و لا حد يكلم يكلم معاه و ادعيلوا بالهدايه و هي ازمه و هتعدي و شغلي قرآن ديما في البيت علشان النفوس تهدى كدة ربنا يهدي سركم يحيبتي🤍

كل بني آدم خطاء و خير الخطائين التوابون لازم تعرف انك لو جرحتها بأي كلمه بخصوص ماضيها بتاخد ذنوب حاول تبص للجانب الحلو ان هي واخده بالها منك و من بيتك و تابت لله عز وجل و مبتشوفش منها حاجه وحشه و احنا كلنا بنغلط محدش معصوم🤍

بصي انا كنت اعرف واحده عندها نفس المشكله دي و لما تابت و رجعت عن الذنب دا كل حاجه بقت احسن داومي انتي بس علي دعاء ( اللهم استرني فوق الأرض و تحت الارض و يوم العرض عليك ) و اتفائلي خير و متقلقيش و اتفائلي خير