مروه مصطفى

انتى مش وحشه و لا متحطيش نفسك مكان حد انتى زى ما انتى بس فكرى كده لو باباكى او مامتك أو اخوكى عرف بالكلام ده ايه هيبقى رد فعلهم و مش بس كده ربنا كمان انتى خرجتى ربنا من حساباتك خالص و نزول درجاتك و سؤالك دا دليل انك بتفوقى مش معنى أن صحابك مرتبطين أن انتى كمان ترتبطى لا خليكى انتى الجوهره إلى محافظة على نفسها قدام اهلك و ربنا راجعى علاقتك مع ربنا و ادعى واتكلمى معاه و قوليلو أن انتى رافضه العلاقه دى علشان حرام

العيب مش على البنت بس العيب على المجتمع الفاسد إلى خلا الولد شايف أنه راجل لما يتكلم مع ٥٠ بنت و يصاحب دى و يمشى مع دى و خلا البنت شايفه أن هي لما ترتبط دا مقياس جمال ليها و دا معناه أن العيب مش على البنت لا على المجتمع الفاسد إلى احنا فيه ولد او بنت و بالنسبه لمشاعر البنت المشفره المجانيه من وجهة نظرك فا بتبقى مشاعر صادقه بس للاسف لو فى اب احتوى المشاعر دى مكانتش طلعت مشاعرها لواحد ميستهلش

هتاخد الصيام ثوابه كامل مفيش مشكله بس لازم تعرف أن زى ما الصيام فرض فا الصلاه فرض و هى عماد الدين و اول ما ستحاسب عليه يوم القيامة

بصى اهم حاجه انك متغلطيش فيها لانك حتتحاسبى على كلامك معاها و فعلا مامتك ممكن تكون مفضله اختك عليكى بس صدقيني هى مش بتكرهك لان مفيش ام بتكره بنتها و حاولى تتكلمى معاها بس متحطيش امل فى الكلام معاها اوى و ادعى أن ربنا يهدى العلاقه ما بينك انتى و مامتك و ممكن تكون علاقتك انتى و مامتك و حشه و تاعبه نفسيتك بس دى ممكن تكون سبب دخولك الجنه لانك صبرتى