KHALED ELHEMALY

نصيحه خلي محتواكي مختلف هاتي مايك نظيف واعملي قصص صوتيه بصوتك وحاولي تخلي القصص بتأليفك انتي

لو هتتكلم دينياً فا الرسول صلى الله عليه وسلم كان بينفض السرير كويس جداً وينام علي جمبه اليمين وبعدين يقول "بسمك ربي وضعت جنبي ..... للنهايه" وبعدين يقول آية الكرسي وبعدين يقول آخر آيتين ف سورة البقرة وبعدين سورة الملك وبعدين آخر صفحه ف القرآن بس قبل ما تقولها انفخ نفخه خفيفه ف إيدك وبعدين قولها وبعدين امسح علي جسمك ف النهايه

تكوين الصداقات ملوش طريقه معينه الفكره كلها ف الشخص اللي قدامك يعني انتي لو حاسه إن اللي قدامك ده حد كويس وباين عليه إنه محترم وهادي كده فا روحي واتعرفي عليه ومش لازم طريقه معينه يعني لو ف كليه سوا قوليلها إحنا علينا محاضرات ايه وممكن تبعتيلي الجدول ع الواتس وابتدو اتكلمو مع بعض ف أي حاجه فا هي الفكره إنك تنقي الصديق الصح وأهم حاجه ف الدنيا إنك متبقيش لوحدك طول الوقت وحاولي أد ما تقدري تقعدي تتكلمي مع ناس سواء أهلك أو أصحابك أي حد المهم متبقيش لوحدك

كلامك مش لايق علي بعضه بس عموماً النصيحه اللي أحب أقولهالك هي إنك تنزلي نوته عندك علي التليفون وتبدأي تفضفضي كل يوم مع نفسك يومياً اعملي وبعدين اعملي أي هوايه تانيه تنسيكي كل ده وتالت حاجه هي إنك تشوفي دكتور نفسي بس قبل الدكتور لازم تغيري العادات بتاعتك يعني مثلاً اتعلمي رسم واقعدي ارسمي كل يوم بس كده ومتنسيش تفضفضي مع نفسك

خلينا واقعيين وإن مفيش حاجه اسمها كل مذاكرتي ع الفون بس حتي لو حقيقه فا في برامج تنظيم وقت جامده جدا وأهمها tik tik وده يخليكي تكتبي notes لازم تخلصيها و برنامج action dash علشان تعرفي استخدمتي برامج أد ايه وبرنامج athanotify علشان مواعيد الصلاه وتنتظمي ف الصلاه فا حاولي تنظمي وقتك بالبرامج دي وحاولي تشتري note أحسن من كل ده وتكتبي فيها الحاجات اللي محتاجه تخلصيها وتبدأي فيها وأهم حاجه حسني علاقتك بربنا

إيه المشكله بتاع أمير منير وياسر ممدوح ودكتور محمد الغليظ و السيرة النبوية بتاع عمرو خالد جامده جدا

اضغطي نفسك أد ما تقدري ف المذاكره وخصوصاً الفتره الأخيره دي لأن هي دي أهم فتره ف الثانوية كلها والله وأهم من ده كله أوعي تبوظي علاقتك بربنا طول الفتره دي وحاولي أد ما تقدري تحلي كتير جداً جداً حتي لو هتقعدي م الدروس وتحلي مع مدرسين أونلاين بس أهم حاجه حلي ؛ ومتزعليش من والدك هو علشان طالع عينه علشان المصاريف فا نفسه يشوفك حاجه كبيره وصدقيني بصي للتعب اللي هو فيه وحاولي تقدريه بس بمذاكرتك

لو بتعرفي تتكلمي مصري أتمني تشرحيلي بهدوء لأني مش فاهم أي حاجه

ما معني قرانك مش فاهمها والله ؟!

ويحفظك يارب

ماشي يا ست البنات 🖤

ويفرحك يارب ويسعدك يارب وأشوفك فرحانه علطول 🖤

لا شكر علي واجب وربنا معاكي واتمني تستعيني بالله وتسمعيها بقا وتشغلي بالك بأي حاجه غير الأفكار الوحشه

اسمعي السيره منه لأن انتي أوقات ممكن تزهقي م القراءة فا اسمعيها أحسن وعموماً لو زهقتي ابقي اقرءيها بعدين

أنا أخدتلك اسكرين ل قناته بس تقريباً هنا مش بيدعم إني ابعت صوره فا ادخلي انتي بقا شوفيه وخلاص وأول ما تكتبي أحمد عامر السيرة النبوية هيظهرلك أول قناة صدقيني

اكتبي أحمد عامر السيرة النبوية هيظهرلك أول واحد

ادعي ف الصلاه كتير وقولي اللهم أعني اقعدي قوليها كتير واقعدي قولي لا حول ولا قوة الا بالله طول اليوم

تسلميلي وربنا يحفظك ويبعد عنك الأفكار دي بإذن الله ويعينك دائما ومتنسيش تتفرجي علي أحمد عامر ووالله ما هتندمي بإذن الله 🖤

يارب وربنا معاكي ويقويكي ألقاكي علي خير باذن الله 🖤

لأ شكر علي واجب وكده كده كلنا ف نفس المرحله العمريه أصلا فا كلنا حاسيين ببعض وعارفين بنمر بايه وعموماً ربنا يعينك ويوفقك واصبري علي الابتلاء وربنا عمره ما هيسيبك بإذن الله 🖤

حطي دائما قدامك إن الله إذا أحب عبدا ابتلاه وافتكري إن أعظم الابتلاءات هي ابتلاءات الرسول يعني أعظم خلق الله كان عنده أعظم ابتلاءات وافتكري إن مش بعد المعاناه دي كلها ف النهايه تقفي بين ايدين ربنا وانتي ميته كافره أكيد لأ فا اصبري وصدقيني والله فضفضي مع نفسك زي ما قولتلك وحبيت أقولك إن في واحد اسمه أحمد عامر عامل السيرة النبوية علي اليوتيوب ده اتفرجي عليه والله هتستمتعي جداً جداً وربنا يعينك يارب