Menna

البدايات دائمًا صعبه وبناءًا على إنك لسه خارجه السنه دي ودي تعتبر بداية لحاجه جديده بالنسبالك فطبيعي جدًا جدًا تحسي بكده بس زودتي تعامل مع الناس هتزدادي خبرة مع الوقت وهتتعودي بسهوله مش هتتعلمي حاجه عالهوا كده، هتمري بتجارب والتجارب هتعلمك وهتديلك خبره أنا كنت زيك وبعد شوية تجارب خلاص

قللي جلد ذات وابدأي جد من دلوقتي لسه قدامك فرصه في جملتين من أعظم الجمل بالنسبالي إن الجبال من الحصى،،، وكبير النار من مستصغر الشرر لو أخدتي كل يوم ساعه واحده بس لكل ماده هتعملي كتير أوي والله بس إنتي اقفلي مع نفسك وقفه جد وقولي خلاص البدايه دلوقتي وربنا هيكرمك بس مفيش وصول من غير خساره ، لازم تخسري المتعه واللعب ،، ابعدي التيلفون عنك خالص ال ٣ شهور دول ، ولو محتاجاه للجروبات امسحي سوشيال وامسحي كل الشات اللي بينك وبين صحابك خلي الواتس عليه الجروبات فقط لابد من خساره علشان تكسبي هتخسري شوية تطبيقات بس هتكسب نجاحك وفرحة أهلك ابدأي 💟💟💟

بالنسبالي ،،،، ممتنه جدًا لكل لحظة وكل تجربة سيئة مريت بيها في حياتي ، لإني كل مره كان بدخل في دوامة حاجه متعبه كنت بخرج منها شخص لا يخطر على بالي ، بقوة ماكنتش أتخيلها وبتغيير عظيم . فبقيت دايمًا برضى باللحظة السيئه علشان بكون واثقه إن ربنا مقدرلي الشيء علشان أخرج منه بصفات في نفسي في غاية الجمال

(وعي) (إيه المشكلة) وفيديوهات الشيخ علاء حامد في غاية الجمال ، عامل دورات كتيره جداا ومفيده .... وفيديوهات الشيخ سمير مصطفى جميلة أوي ابحث عن أي حاجه حابب تسمع عنها واكتب اسم اي شيخ من دول علاء حامد ، محمد الغليظ، سمير مصطفى ، منير ،

عدم معرفة حقيقة الدنيا ، والتعلق بأشياء مؤقته وزائفة ،،، لو علم الإنسان أن الدنيا لا تساوي عند الله جناح بعوضه ودخلت هذه الجمله قلبه.... لما حزن على الدنيا ولا سعى لما فيها ولا حارب لأجلها ولعرف قدر الآخره والهدف من وجوده في الدنيا

الإنسان بيختار هياخد الحاجه بالحلال ولا بالحرام وكده كده نفس الحاجه اللي هياخدها، فبلاش تختار الحرام حتى لو كل اللي حواليك كده. هل انت مستعد إن فلوسك وشغلك يبقى حرام بسبب حرام اخترته في لحظه بسيطه ؟! توب من الغش اللي عملته في ٣ع وماتكررش نفس الغلطه لانك مش عارف أضرارها عليك إيه

أنا بردو أحيانًا بحس إن إظهار المحبه بيكون مزيف بس ممكن صلة الرحم تكون في صورة مختلفه زي إنك لما تحبي تتصدقي تشوفي الأول حد من العائله فقير أو إمرأه أرمله وتصدقي عليها أولى وحاجات من النوع ده يعني بحيث إنك تكوني بتركزي عالأقارب بردو إنما الود المزيف بصراحة شئ مش لطيف خالص

الدنيا مش وردي بالشكل اللي إنتي متخيلاه ده نهائي ، كل إنسان بيحاول وبيجاهد لإنه مسئول عن نفسه وله حياته الخاصه ومشكله اللي بتواجهه سواء كان أب أو أم كلهم بيحاولوا بقدر الإمكان توفير المتطلبات اللي عليهم لكن صعب اوي إن حد يتابع معاكي حياتك خطوه بخطوه مش موجودة عند أي حد دي غير في الخيال بس والأفلام أما في الطبيعي لأ فأنتي محتاجه تفوقي شويه وخرجي نفسك من جو دور الضحيه لإنه بجد متعب وخليكي حد متماسك كده ،، ورينا يوفقك لمعالي الأمور 😊

إن الله كره لكم ثلاث ،القيل والقال وكثرة السؤال وإضاعة المال ..وآية *ياأيها الذين آمنوا إن تنصروا الله ينصركم ويثبت أقدامكم*

إنت حددت سبب المشكله أصلًا في كلامك ، وهو انك بتبدأ بداية كبيرة بتخليك تزهق من الحاجه بعدها . الحل هو *الاعتدال* في استخدام الأشياء أو في أي حاجه عمومًا ،أتعامل بتوسط . يعني مثلًا جبت كتاب ماتقرأش حوالي 30 صفحه مثلا في يوم لإنك طبيعي جدًا هتزهق ، لكن ممكن تقسم ال 30 على أسبوع ،كل يوم 5 صفحات . أعمل إدارة استخدام لنفسك

الكيميا خالد صقر

ادعي إن ربنا يبعد عنك الذنب ويخلصك منه، حدد الحاجه اللي بتساعدك على الذنب وابعدها عنك تمامًا وفي الغالب بتكون التيليفون

النفس البشريه بطبيعتها لها احتياج للشعور بالحب زي أي احتياج لحاجه تانيه ولو بحثتي في أي موقع أو كتاب هتلاقي إن الكلام ده صحيح ١٠٠% وعليه أدلة .فأنتي بتحبي الشعور اللي بتحسيه في وجود الشخص وليس الشخص نفسه ، فإنتي لازم تسيبيه علشان ربنا ما يغضبش منك وعلشان نفسك اللي هتتبهدل لو التعلق بقا أعمق من كده وعلشان زوجك المستقبلي اللي في احتمال كبير انه ما يكونش هو ،، ذنبه إيه إن مشاعرك المفروض تكون ليه تديها لواحد غيره، + إنتي مش هتستمتعي دلوقتي لإنه حرام ولا بعدين بالحلال علشان قلبك هيكون أرهق .. ابعدي عنه والحمدلله إن ربنا سببلك سبب انه يبعد علشان كنتي هتتعبي في اقناعه انكم تبطلوا ، وبعد ما تبعدي اعتبريه حاجه قديمه وانتهت . و نصيبك هييجي بدون أدنى مجهود منك ادعي بالخير ليكي.

اعملي عالأقل الرؤية الشرعيه (جلسة التعارف) ودي هيكون غرضك منها تعرفي ٥ حاجات ١- دينه ، هتسأليه أسئلة تعرفي منها درجة تدينه زي مثلًا الصلوات ، وحافظ قرآن ولا لأ فاهم في الدين والأمور الشرعيه ،علشان تشوفي هيتقي الله فيكي ولا لأ ٢- أخلاقه ، هتشوفي هو خلوق ولا لأ وعنده حسن خلق ولا لأ وطبعًا ده بيبان بسرعه ما تقلقيش ٣- طبعه ، ودي حاجه مهمه لإنك أكيد هتكوني بتحبي طبع معين وفي طبع مش هتقدري تعيشي معاه ، هل شخص هادي ولا مش هادي ،هل عصبي ولا راسي وكده يعني ٤- أهله ، عن طريق التعامل هتعرفي صفاتهم وطريقتهم في التعامل معاكي ومع أهلك ٥- شكله ، لازم تحسي بقبول تجاهه .. أعتقد إن ال٥ حاجات دي مهمين جدًا و يعتبروا الأساس ، أما بالنسبه للرزق فده على ربنا 💌 أهم حاجه إن عيشتك تكون بالحلال ، وطبعًا عندك حق في إنك تعرفي هو إنسان مسئول ولا مستهتر ده مهم جدا ،، لو حصل خطبه حاولي تحافظي على الضوابط الدينيه وابدأي حياتك معاه بالحلال ، ابعدي عن أي تجاوزات وأغاني والحاجات اللي تعتبر ذنوب جاريه ، وربنا يوفقك لكل خير 🥰

بس أوقات الإنسان بيحتاج يبقى متماسك أكتر ومش أي حاجه تؤثر فيه

إيه العبث ده ..... كل اللي عليكي إنك تركزي في المذاكرة بس أما كل الحوارات دي سيبيكي منها خالص، ولما السنه تخلص وتجيبي مجموع تبقو تشوفوا إنتي حابه تدخلي إيه ،، وبالنسبه لموضوع أولاد عمك وعمتك اللي بتشمت دي المفروض أصلًا إنك ما تلتفتيش ليهم أبدًا كل إنسان له صفاته الخاصة وإنتي ليكي شخصيتك اللي المفروض تحبيها زي ما هي وتهتمي بيها وما تغيريهاش علشان حد ،،،، والحاجه الأخيرة إنتي اللي بإيدك تدي لكلامهم (الانتقاد) قيمة أو تخليه بلا قيمه 👈🏻عن طريق ردود أفعالك إنتي ، لما حد يكلمك خلي ردودك مختصرة جداا (أنا بعمل اللي عليا ومبسوطه كده الحمدلله) ده أثناء الفتره دي أما بعد النتيجه وبعد ما تدخلي الكلية اللي ربنا مقدرهالك (ربنا وفقني للخير والحمدلله مبسوطه باللي ربنا اختارهولي) الأمر بسيط لإنك إنتي اللي بتتحكمي الحوارات تكتر ولا لأ ،،، ربنا يوفقك لكل خير ويجبرك 💌💌 ثقي في قدراتك واثبتي على قرارك وما توافقيش تدخلي حاجه مش حباها، مش كلية ولا مجموع اللي بيحددوا قيمة الإنسان خالص ، الإنسان مكرم لكونه انسان فقط *ولقد كرمنا بني آدم ..*

أي علاقة بيكون فيها فرق بينك وبين الطرف التاني بتكون علاقة متعبه ومستنزفه لطاقة الطرفين وخصوصًا الطرف الأعلى سواء بقا كانت علاقة زواج أو شغل أو أي علاقه عمومًا

مش تعلق قد ما هو انزعاج من حاجه غلط بتتعمل قدامك ، بس عمومًا كبري دماغك من الحوارات دي وركزي على تطوير نفسك أحسن

اسمعي دورة الداء والدواء للشيخ علاء حامد

لما تروح تخطب واحده بتتفق مع الأب ويحددلك معاد للرؤية الشرعيه (جلسة التعارف) بتقعد معاها في وجود أبوها أو أخوها ، وهدفك بيكون ٥ حاجات تعرفهم عنها من الجلسه دي ، ١- دينها >> تشوفها على أنهي درجة من التدين وده طبعًا عن طريق الأسئله تشوفها بتصلي ولا لأ عارفه في أمور الدين ولا لأ ،، ٢- الأخلاق >> تحاول تعرف أخلاقها يعني معروف عنها الصدق والأمانه والرحمه وباقي الأخلاق .. ولا العكس ،،٣- الطباع>> من خلال الكلام معاها هتعرف بعض الطباع عنها يعني هاديه ولا لأ وبتحب الهزار ولا بتحب الوقار وطبعًا تشوف الصفات اللي إنت بتحبها ،،،٤- الأهل >>لازم تسأل عن الأهل كويس علشان لو أهلها مش كويسين من أول خلاف بينك وبينها هيبقا الموضوع مش لطيف خالص لو هما ناس مش متفاهمين ، ٥- شكلها >> لازم تشوف شكلها فيه قبول منك للشكل ولا لأ

قربي من ربنا

دكتور العيله يعني رجل أجنبي عنك بردو مش حد من محارمك ، بجد موقف وحش جدا إن التعامل يكون من دكتور راجل في الأمور دي

روحي عند دكتوره بلاش دكاتره رجاله خالص

الأمر محتاج وقت علشان يفهموكي ، كل حاجه هتيجي في وقتها ما تستعجليش ، ركزي على تطوير مهاراتك الفتره دي

محتاجه تملي حياتك بحاجات مفيده لإن الفراغ سبب كل حاجه مش حلوه

انتي صح واثبتي

ما فكرتيش ليه ربنا وضعك في الأوضاع دي مع إنه قادر على إنه يضعك فيما تتمني ،، هل ده مش عدل ؟! لأ خالص ، ده حكمة من ربنا ويمكن اختبار من ربنا ليكي " وَكُلّ شَيءٍ عِنْدَهُ بِمِقْدَار"

" أَلَيْسَ اللهُ بِكَافٍ عَبْدَه " ،،، هو إنتي هتلاقي أحن من ربنا عليكي ؟! مش هتلاقي ومهما بلغ قرب شخص منك وسماعه ليكي وفهمك هيحصل نوع من الضجر والملل ، لكن ربنا أبوابه مفتوحه في كل وقت وكل مكان ادعي واحكي لربنا عن اللي جواكي وهو هيكون أكتر حد فهمك أكتر من نفسك ..

الصفات اللي عندك دي مفهومه جدا وعند ناس كتير ، بس محتاجه تكوني كاريزما شويه

المقصد من كلامي ،،، التجاوزات وعدم الحفاظ على آداب الاختلاط التي نراها في هذا الزمان ،والذي يتحدث عنه السائل هو اعتراضه على أن تجعل المرأه خارج البيت أهم بكثيير من داخله هنا نجد المشكله . والدليل على ذلك قال السائل في كلامه أنه غير معارض على أنه يفتح لزوجته صيدليه في بيتها لو كانت خريجة صيدله

خليكي حنينه على نفسك شويه ، بس عمومًا إنتي فطرتك سليمه ومش عاوزه أي تعامل مع ولاد وده مؤشر إن جواكي جانب صالح ،ابعدي عن الشخص أو ماترديش عليه تاني. لازم تعامليه بطريقه سيئه الفتره اللي جايه يعني بتجاهل علشان يفهم إن خلاص إنتي مش حابه يكون في أي كلام وحوارات من دي تاني حتى لو محترم ، بس ده لو محترم بجد زي ما أنتي متخيله ماكنش هيدخل يبعتلك 😅 ولا يحكيلك تفاصيل مذاكرته الراجل المحترم بجد واللي عنده دين مابيدخلش من المدخل ده 💌

اللي بيحصل معاكي ده مقارنات بالشخص اللي أعجبتي بيه وده طبيعي ومتوقع بس في احتمال كبير إن المقارنات دي تنتهي وده الشخص الوحيد اللي هيقدر يتحكم فيه هو *إنتي* عن طريق إنك تبطلي تفتكري أي لحظه جميله كنتي بتحسي بيها في وجود الشخص +تبطلي تعرفي تفاصيل عنه نهائي ، لإنك كل ماتعرفي عنه هتفتكريه ومش هيطلع من دماغك أما لو خرجتي دماغك من الدايره دي خلاص كل ده هينتهي وربنا هيرزقك بالشخص المناسب ليكي وساعتها هترضي بيه عادي ... مفيش حاجه اسمها شخص مثالي إنتي بس عشان ماشوفتيش عيوبه فمتخيلة كده

لأ ما تسأليهوش ،، وما تفكريش كتير في الأمر ده لإن أصلًا كلنا بلا استثناء لما بنحب شخص بنحبه لسببين مالهومش تالت ١-صفات جميله في الشخص وده عن طريق إن في قبول للشخص واعجاب بشخصيته وانجازاته..٢- فضل من الشخص علينا والفضل ده بيكون *الشعور* اللي بنحسه في وجود الشخص .. وفي حالة فقد الشخص الإنسان بطبعه بيحب شخص تاني لمجرد إنه يلاقي فيه الحاجتين اللي ذكرتهم ودي مش عدم وفاء لأ دي طبيعة بشريه والكلام ده = إن مفيش حد بيحب حد لذاته .. + المفروض إننا نحب ربنا أكتر من أي حد لإنه عنده كمال الصفات و هو ذو الفضل الكامل علينا

ما تقلقيش خالص بالنسبه للحاجات اللي واقعه منك فجميل جداا إنك حددتيها علشان تستغلي الفتره اللي من دلوقتي لحد شهر ١١ وتحاولي تحسنيها واليوتيوب هتلاقي عليه كتير ،، وبالنسبه للمناهج بتكون معروفه ولو خدتي كتب من حد في السنه اللي قبلك أو اشتريتي هتلاقي المناهج فيها ، وظبطي كدع شوفي هتنزل دروس ولا هتاخدي المنهج يوتيوب

*أَلَيْسَ اللهُ بِكَافٍ عَبْدَه* ،،،، الرفيق رزق إن رزقكِ الله فخير وإن لم يرزقكِ خير لكن الرحله فردية تماما الشخص مهما بلغ قربه منك فهو ليس بيده شئ.. كل شئ بيد الله إلجي إلى الله واطلبي منه كل شئ

في بنات بالصفات دي وحتى لو دكاتره بس بجد أكتر فئة هتلاقيها كده البنات المتدينين بتبقى عارفه دورها كويس وقيمتها وعارفه إنها لزوجها بس وفي بنات أصلًا مابيخرجوش من بيتهم من قبل الزواج فده بيبقى رزق عمومًا ادعي ربنا يرزقك بزوجه تكون مزروع جواها الفكره دي ،،، كلامك صح لإن الغيرة من صفات الرجال ولكن أحيانًا بتتقال من باب الرجوله بس مابتكونش حلوه إنما لما بتكون من باب الدين وإن ده أمر ربنا بتبين إن فطرة الزوج سليمه وهو أصلًا عقله متفق مع شرع ربنا .. إنما العبث اللي بيحصل وخروج المرأه دي حاجه جديده اخترعها الناس

لو كلمتها هي هتبقى غلطت ، أعرف عنوانها ورقم أبوها بس مش منها هاتوا بأي طريقه من حد تاني بشكل غير مباشر + اتقدم زفي بداية التقدم خطوة الرؤية الشرعيه (جلسة التعارف) وبعدها هتروح تتعرف عليها في بيتها .. ده= احترام و رجوله ومباشرة، ، إنما الحركات اللي من ورا لورا دي وتعارف قبل التقدم بتقلل من قدرك في نظرها حتى لو فرحت بده