Kawthar Mahmoud

علي حسب الفرق دا من اي جيل يعني لو هي من جيل الالفينات وانت تسعينات صعب لان الفجوه كبيره اوي للاسف وكل مدي بتوسع فصعب تلاقي فيه توافق حتي لو بيان فيه توافق مبدأي لكن علي المستوي الاعمق لا صعب التوافق في الفكر والنفسيه والتعليم والتقبل اما لو الفرق مابين جيل التسعينات والثمانينات مثلا ف اعتقد مقبول لان نفس الفكر وطريقه التفكير والاتجاه والثقافة الي حد ما او بشكل متقارب او هتلاقوا نقطه تلاقي والامور ممكن تمشي ودا وجهه نظري وربما يوفقك ويصلحلك الحال ويكتبلك الخير حيثما كان

مش هاقولك ان العلاقه دي حرام وانتي عارفه بس اللي انتي مش واخده بالك منه انك في مرحله فاصله في حياتك مابين انك خلاص بتودعي البنت الصغيره اللي بضفرتين وفي بدايه مرحله النضج وانك خلاص حد كبير مسؤل وبيكون شخصيه فخلي بالك انت بتمشي في انهي طريق واتجاه لان دا اللي هايحدد بعد كدا انتي في المستقبل تخيلي الطريقين وتخيلي الطريق الغلط الي انتي ماشيه فيه ونهايته ونهايتك هاتكون ازاي والطريق الصح وانتي ماشيه فيه ونهايته وايه وانتي هاتكوني عامله ازاي دلوقت انتي اتعرفتي عليه عن طريق ابلكيشن ودخلتي ف علاقه معاه يعني ماشفتهوش ولا تعرفيه علاقه في العالم الافتراضي متخيله انتي عملتي في نفسك ايه متخيله اذيتي نفسك قد ايه وخونتي اهلك وثقتهم فيكي حتي ما حترمتيش اخوكي او قدرتيه لما عرف وقالك ماتتكلميش معاه تاني ليه تعملي في نفسك كدا ولما اهتمامه قل وبيكلم بنات دا مالفتش نظرك لحاجه إنه داخل الابلكيشن دا عشان يتسلي ويضيع وقت وان اللي عايز يحب ويرتبط يدخل الباب من بيته مش من الشباك ماسمعتيش اغنيه زهرة لحمزه نمره 😢معلش بس هو دا بالظبط الي عملتيه في نفسك هو ممكن مايكونش مثل في محله بس دا الواقع للاسف لو مافقتيش لنفسك واستعنتي بالله يخرجك من اللي انتي فيه دا انتي اكتر حد هايندم فوقي قبل فوات الاوان وماتستهلكيش مشاعرك وتضيعيها علي الفاضي عشان يوم مايجي الشخص الصح مش هتلاقي حاجه تديهاله لانك ضيعتهيها علي ناس ماتستحقش ناس غلط

صباح الخير النجاح ليه تعريفات كتير وبتختلف من شخص لشخص علي حسب افكاره ومعتقداته وتوجهاته وثقافته ولكن في اساسيات لو انني عايزه تكوني ناجحه في حياتك العمليه والحياتية بالتعريف الدارج للنجاح بالنسبه للنجاح العملي نمي مهاراتك في الشغل حتي لو مش بتحبيه كل يوم اتعلمي حاجه جديده لو معلومه واحده ولو اطلب منك شغل جديد مش شغلك اشتغلي واتعلمي وضيفي لمهاراتك حاولي تشوفي سوق الشغل محتاج مهرات ايه وابتدي اتعلميها وطبعا لازم لغه او اتنين كوني علاقات مع ناس كتير وفي مجالات مختلفه واتعلمي وضيفي لمعلوماتك حاجه مهمه زمايلك في الشغل مش اصحابك ودي حاجه مهمه جدا خلي بالك منها خلي دايما عندك ابديت لكل ماهو مرتبط وليه علاقه بشغلك بالنسبه للنجاح بقي في حياتك خلي فيه توازن مابين شغلك وحياتك الشخصيه ودا مابدخلش في دا الشغل لوحده وحياتك الشخصيه لوحدها وباكد الزمايل في الشغل مش اصحابك فاميدخلوش في حياتك الشخصيه خلي علاقتك كويسه باصحابك اهلك والناس اللي بيحبوكي ودول اكبر دعم ليكي لو حصلك حاجه لو في حاجه في شخصيتك عصبيه ومنطويه مزاجيه وشايفه ان بيأثر علي حياتك الشخصيه حاولي تتغيري او علي الاقل تحاولي يكون تاثيرها علي اللي حواليكي اقل وربنا يوفقك في حياتك ويكتبلك كل خير

بما انه من مكان بعيد اعتقد افضل طريقه هي الزيارات المنزليه والخروج مع محرم من اهللك يقدر يقم تصرفاته وطريقه كلامه مشيه ولما يجي البيت بردو اهلك يشوفوا ويقيموا افعالهم وتصرفات كلامه وطريقته يكون فيه زيارات عائليه ليكي انتي واهلك ليهم تشوفيه بيعامل اهله ازاي وبيتصرف ازاي وماينعش ان حد من اهلك يسال عليه كل فتره عشان يتأكد إنه كويس بجد مش مجرد كلام او زي ما هو مبين كمان لازم يكون فيه معاير اختيار في الاول يعني انتي ايه اولوياتك في الحياه واولوياتك في شريك حياتك ايه اللي انتي محتاجاه وايه اللي انتي عايزاه وايه اللي ماتقدريش تتنازلي عنه وايه اللي ممكن تتغاضي عنه والتواصل يكون في الحدود وخاصه لو تليفون مش زياره وقدام الاهل فتره الخطوبه بتكون فتره تقيم منك ومنه هل احنا مناسبين ولا لاء هل هانقدر نكمل باقي حياتنا مع بعض ولا لاء وفحاولي تجنبي المشاعر وفكري بعقلك وحطي حدود وفق دينك ومعتقداتك وكل ما كان الالتزام بالحدود دي ما ما كان دا افضل ليكي وتحافظي علي نفسك وربنا يصلح حالك ويكتبلك اللي فيه الخير ليكي إن شاء الله

من ١٣سنه واتغيرت كدا اعرفي انها ماكنتش صديقه ليكي من الاول كانت صديقه مصلحه او لان مافيش غيرك فهي مضطره مش اكتر ولما لقت البديل سابتك لانك في الاول ماكنتش صاحبتها بالاضافه ان هي شايفه ان انتي معتبراها صحبتك ومش هاتقدري تستغني عنها وضامنه وجودك لان بالرغم من معاملتها ليكي اكتر من مره باسلوب وطريقه مش كويسه ولا حتي عملت اعتبار انكم المفروض اصحاب وكدا الا انها بتلاقيكي بتكلميها وتتحايلي عليها تخرجي وتروحلها البيت ومش معني ان حد عنده مشاكل او بيمر بظروف صعبه إنه يتعامل مع الناس باسلوب غير لائق وانتي ذكرتي كذا موقف يدل انها مابقتش عايزاكي في حياتها وهي حره طبعا وانتي كمان حره لما تفضلي تكلميها متردش تروحلها وتقابلك وحش وتستحملي بس نصيحه كرامتك فوق اي شيء العلاقات عباره عن معادله مدخلات ومخرجات طرفين بيتفاعلوا مع بعض بينتجوا علاقه سواء علاقه كويسه او مش كويسه لكن اللي انت بتحكيه دا علاقه من طرف واحد وموذيه بالنسبالك ولو انتي مش مدركه دلوقت هاتدركي دا بعدين بعد ما اذاها يزيد وبيان اكتر انصحك ابعدي عنها ونقي اصحابك كويس ومش اي حد تصاحبيه وتدخلي بيته او تدخليه بيتك اسفه للاطاله لكن دا رأي بناءاً عن تجربه شخصيه

https://youtube.com/playlist?list=PLOjvW1C4hDCk448_fWgbTz6GQK3pE6q9c&si=05QvavV2glr62wnk. اسمع السلسله دي هاتساعدك تتعافي كمان حاول توصل للسبب الرئيسي اللي وصلك لدا تابع مع دكتور نفسي متخصص ته

ربنا يكتبلك الخير

اكيد مش لازم يكونوا نسخه من بعض ولكن لازم يكون فيه لغه حوار. وزي ما انت قلت ان فيه فتره خطوبه تقدر تقرر وتحدد هل مناسبين لبعض ولا لاء

انا بقول وجهه نظري مش بقول انها قاعده عامه ممكن تقبل راي وممكن ترفضه عادي يعني مثلا انا 30 لما اتعامل مع حد 18/19سنه حاليا لا فيه فرق مابيني ومابينه في التفكير ووجهه النظر الاشياء عموما عندهم كل حاجه بتتطور ورتمها اسرع عن عننا والفجوه دي بتزيد لما السن بيقل

عفوا 🌹

اها خلاص تمام اعملي كدا واكيد لو هو حد كويس وعايز يطبق شرع ربنا اكيد مش هايعترض لحد الخطبه والعقد

مش عارفة ممكن يكون دا مقبول ليه ولا لاء لو دا متعارف في محيط المجتمع تمام بس انا مش مع حاجه زي كدا لان لازم يكون فيه خصوصيه في العلاقه مع وضع طبعا الضوابط الشرعيه والالتزام بيها والقرار ليكي في الاخر ربنا ييسر امرك

العفو اتمنالك تلاقي صاحبه بجد مش اي كلام الصاحب نعمه ورزق من عند ربنا ربنا يرزقك الصحبه الصالحه 🤲

انتي لسه بتسألي بجد ؟! ابعدي عنها اعتبريها مابقتش صاحبتك ولا عيد ميلاد ولا غير عيد ميلاد ولا عيد ولا غير عيد امش احسن دلوقت بدل ما تمشي هي واكيد هي هاتمشي وانتي اللي هاتتوجعي هي لقت البديل ماتقبليش انك تكوني بديل تبقي لوحدك افضل بكتير انك تبقي بديل لحد او ان حد يعاملك بمزاجه يروح يرجع وانتي تبقي متعلقه كدا هي اما صاحبتك او مش صاحبتك دا رأي والقرار في الاول والاخر ليكي

ممكن

انت تايه ومحتاج حد يبفوقك اولا ماحدش لاقي شغل في ظل الظروف اللي البلد بتمر بيها وماخدش بيشتغل اللي هو بيحبه واللي بيشتغل بيضطر يستحمل اي حاجه لانه محتاج وشخص مسؤل ولان ٩٩٪من الشعب ماعندوش رفاهيه إنه يشتغل الحاجه اللي بيحبها او انه يغير الشغل وقت ما يحب فبيشتغل اي حاجه لو انت كنت حاسس انك مسؤل فعلا ماكنتش سيبت الشغل او علي الاقل لما رجعت كنت كملت او كنت دورت علي شغل بجد مش مجرد انك بترضي ضميرك وتقول انا نزلت دورت لكن مالقتش حاجه مناسبه ثانيا انت كدا بتضيع وقتك طاقتك مستقبلك حياتك في اللاشيء ومش هاتفوق غير وانت بتبص في المرتبه وتلاقي نفسك كبرت وعمرك ضاع في ولا حاجه ولا اي شئ تقدر تقول انا عملت دا ثالثا قرب من ربنا ناوادعيه يهديك سواء السبيل ويدلك علي الطريق الصح رابعا لو انت مصاحب ناس محبطالك او بتتكلم بشكل او اسلوب محبط ويأس ابعد عنهم لانهم اكيد هايأثرو عليك اختار اصحابك لان الصاحب ساحب

لاء

هو فعلا محتاج دكتور. لو حد يستشير دكتور نفسي و غضبه دا بياكد إنه محتاج لدا فعلا وان فيه اسباب نفسيه قديمه مستخبيه او هو اتعرض لموقف او صدمه خلته كدا ممكن يكون حاجه بسيطه بالنسبه ليكوا لكن بالنسبه ليه لا هي كبيره ومع الوقت لانها ماتعلجتش زادت

تمام حد يقعد معاه ويفهمه براحه ولو فيه امكانيه تبعدوه عن الافلام دي وإنه يمارس رياضه او اي نشاط يملي وقت فراغه يمكن يتحسن وطبعا دا ما يمنعش الرجوع لطبيب

لو هو ماكنش كدا من وهو صغير حد هو بيحبه وبيسمع كلامه يقعد معاه ويبفهمه هو كان سلوكه كان ازاي ودلوقتي بقي ازاي وإن الافلام دا والتقاليد دا بياذيه هو شخصيا قبل ما ياذي حد تاني ويقوله ان دا مش من الدين وماينفعش نأذي حد

مش لازم يكون فيه مكان مخصص للصلاه لكن لازم تصلي الصلاه في وقتها حتي لو هاتدخلي البوفيه وتقفلي علي نفسك وتصلي في وقت البريك الصلاه علي وقتها من احب الاعمال الي الله ربنا يهديكي ويصلح حالك ويسر امرك

محتاج طيب نفسي وتعديل سلوك حتي ولو كبير

حطي خطه عشان تتداركي اللي فاتك يعني مع كل درس جديد زاكري درس قديم لحد ما تخلصي اللي تراكم عليك واقفلي الموبايل اثناء المذاكره ولو خلصتي المذاكره اللي عليكي في اليوم دا كافئ نفسك بحاجه بتحبيها وبالنسبه للنت يوم واحد بس كفايه في الاسبوع وقد محدد خديها تحدي مع نفسك واستعيني بالله وافتكري ان ماحدش هاينفعك دا مستقبلك انتي

كنت زيك كدا وبراكم الدروس عليا لان ما فيش مراقبه من مدرس او اهل وللاسف فقت متاخر فوقت بعد ما شوفت الدرجات الي جبتها الدرس اللي اتعلمته بقي اني ماستناش حد يقولي زاكري ماستناش حد يراجع ويتاع ورايا ومعايا انا عندي هدف عايزه احققه عندي دافع يخليني احط خطه وامش عليها لحد ما اوصل لهدفي وما اتغرش اني اقرا الدرس من مره واحده واروح الدرس اقفل الامتحان واقول انا تمام انا اقدر الم المنهج لا انا هاذاكر وهاحل الاسئله حتي لو الموضوع سهل بالنسبة ليا

الحل انك توظف شخص مسؤل عن النظافه وترتيب المكان او انك تخلي كل موظف ينظف مكانه ولو الموظف مسؤل عن نظافه المكان ودا موجود ضمن عقد العمل ممكن تعمل خصم مثلا لعدم النظافه اما لو مش. مدرج ضمن بنود العقد ف اعمل حوافز او مكافآت علي النظام والنظافه وبكدا ممكن يلتزموا

https://youtube.com/playlist?list=PLOjvW1C4hDCk448_fWgbTz6GQK3pE6q9c&si=niP5SvQWxfzgop4a اسمع السلسله دي هاتساعدك تتخلص من الادمان إن شاء الله وحاول توصل للاسباب اللي خلتك توصل للحاله اللي انت وصلتلها دي وحاول تتعافي منها بالمتابعة مع الدكتور النفسي

انتي محتاجه تحددي انتي عايزة ايه بالظبط انتي بتحبي الطب وبتحبي اللغات انتي ودخلتي تربيه فعشان ماتشتتيش نفسك سبي الطب وركزي فاللغات ادخلي تربيه انجليزي او اي لغه متاحه في الكليه

اولا دا درس ليكي عشان ماطلعيش اسرار البيت لاي حد ايا كان هو مين ثانيا مافيش حاجه اسمها صحاب في الدراسه دول مجرد زمايل وبس لان في الوقت دا الكل بيدور علي مصلحته عايز يجيب اعلي التقديرات ويشوف مستقبل افضل. ثالثا لو قبلتيها وكلمتك في الموضوع دا غيري الكلام وصري انك ماتقوليش او قولي ان الموضوع اتحل وانتهي رابعا ماتثقيش في حد بسهوله لان الزمن دا صعب تتوقعي الضربه هاتيحي منين بلاش ثقه في حد وبلاش تخرجي اسرار البيت بره ايا كان السبب ولو مدايقه اوي ومحتاحه تحكي لحد اكتبي وفضفضي في ورقه وبعد كدا قطعيها

ثانيا محتاج تتقبل وتهون علي نفسك انك مش السبب في اللي حصل وانك بالرغم انك مش المسؤل عن اللي حصل بس انت مسؤل عن تعافيك من الاساءه اللي حصلتلك سواء من اهلك او الاساءه الجنسيه وانت صغير

اولا انت محتاج تروح لمعالج نفس عشان تتعافي من اللي حصل وكمان يساعدك في التخلص من المشاكل النفسيه اللي اهلك سببوهالك بسبب عدم تواجدهم واهمالهم

مع الولد ممكن تخليه يلعب لعبه مع اولاد تحطه في مجتمع ولاد بس كوره مثلا او سباحه وبردو بلاد بس

سيبهم مع بعض دلوقت لان صعب تفرقهم الاتنين هيتاثروا بالسلب