زهرا ء

بصي حطي مرطب مناسب لبشرتك وكتري مني علي قد م تقدري واعملي ماسك زبادي وخيار عليها او حطي خيار بس ويوم ولا اتنين وهتهدي خالص او حطي زيوت طبيعيه عليها وبلاش تستخدمي اي حاجه االفتره دي. خالص ولا ميك اب ولا اي حاجه مرطب بس

وعليكم السلام من كلامك واضح انك اتعرضت للنقد كتير جدااا ومعندكش ثقه في نفسك ف انت هتشتغل علي نفسك وهتسيبك من كلام الناس دا خالص ولا تحطه ف بالك اصلا وخليك مقتنع تماما انه اي حد بينتقدك في هو شايفك دايما احسن منه في عايز يحبطك او حد تاني بيبقي عنده نقص ف انت هتفكك من كلام الناس دا خالص وتسمع لنفسك بس هتبدأ تشتغل علي نفسك وتنزل جيم هيفيدك جداا هيعزز من ثقتك بنفسك اكتر واسمع بودكاست برضه اعمل دراسات عاليا واثبت نفسك ف المجال بتاعك مش شرط تحب المجال اللي انت فيه بس مدام دخلته ف شرط انك لازم تنجح فيه

من وجهه نظري الارتباط ملوش سن مناسب مدام عديت ال 20 سنه وماديا مقتدر وسوي نفسيا وعقلك ناضج بحيث تقدر تستوعب انك هتفتح بيت وهتبقي رب اسره ومسؤول عنها سواء دينيا او ماديا او حتي نفسيا ف تمام تقدر تدخل ف علاقه اما بالنسبه للبنات في هي مدام عدت نفس السن دا وفيها نفس المواصفات دي بس نزود عليها بقي نقطه التدبير المنزلي وقدرتها ع اداره البيت في تمام برضه مفيش مانع للارتباط

متابعه لاني اعاني من نفس االموضوع

معظم الشباب حاليا مش لاقي شغل واللي بيشتغل مش عاجبه شغله ومع ذلك بيجي علي نفسه علشان لازم يشتغل مغيش حاجه اسمها مش عارف تشتغل انت بس حاطط في دماغك الفكره دي ومسيطره عليك عقلك الباطن دايما بيوهمك بالنقطه دي لا عادي جدا انزل دور علي شغل واشتغل ااسحل نفسك ف الشغل لحد م تتعلمه محدش بينزل شغل من اول شهر متعلم لازم بتاخد فتره علشان تتعلم متوقفش عند النقطه دي وحاول مره واتنين وعشره لحد م توصل ومش بالضروري ابدا انك تحب الشغل اللي بتشتغله

اول حاجه هتبدا تعملها انك تعمل خطه تمشي عليها هتصحي قبل الفجر كده بنص ساعه تصلي قيام الليل وتقرا شويه قرأن وبعدها تصلي الفجر وتقول اذكارك وتبدا مذاكره وتخطط يومك هتمشيه ازاي وتعمل حدول لنفسك وتمشي عليه التنظيم مهم جدا الفتره دي والصحيان بدري هيوفرلك وقت كتير تتذاكر فيه وابدا مع نفسك كده راجع اول باول واستعين بالله وكل م تفصل او تزهق اقرأ صفحه من القران او صلي ركعتين هتلاقي الدنيا متيسره معاك + لازم تبعد من دماغك فكره انك متاخر والوقت فاتك خلاص وانك مش هتقدر تعدل حاجه بالعكس دا هيضغطك اكتر وهيخلي نسبه تركيزك اقل متفكرش ف الوقت خاالص دلوقتي ولا ف اللي فات فكر ف اللي حاي وفي مذاكرتك وازاي تذاكر اكبر كم ممكن وان شاء الله ربنا يوفقك انت وكل اللي زيك ياااارب

زيت جوز الهند والصبار