Mostafa Darwish

بلاش اي ادوية ودي نصيحة ، التزم في جيم وزود من تمارين السويدي والعب كتير علي البطن ، وياريت لو تلتزم مع كوتش كويس

لا طبعا تفكيرك خطا علي الاقل من وجهة نظري ، موضوع الخطوبة دا شئ او باب واتقفل ، لكن دا لاينفي انهم يلجؤ لوالدك في حل المشكلات لان دا وان دل علي شئ يدل انهم شايفينوا كبيرهم ، ودي حاجة المفروض تفرحك وتفخري بيها مش تزعلك ، بصيلها بالمنظور دا هتفهميها صح 👌

اول حاجة لازم تعملي اللي عليكي علشان ميبقاش عندك احساس بالتقصير ودا هيزيد توترك ف الامتحانات وهيزيد التساؤلات في عقلك بعيد عن الامتحان ، وانا هنا اقصد المذاكرة علي فكرة ذادري ذاكري ذاكري ، ثانيا في الامتحانات استنفذي كل الوقت المتاح وبلاش الخروج بدري حتي لو خلصتي وابدأي بالاسئلة السهلة والبسيطة وسيبي الاقي للتفكير تفكري فية بتعمق باقي الوقت ، واعرفي وحطي ف بالك دايما انك هتحلي السؤال يعني هتحلية مهما كانت صعوبتة ، وصدقيني هيتحل ، ولو حسيتي بأي توتر افتكري بس تتنفسي بعمق ، الشهيق من الأنف والزفير من الفم ، ربنا ينجحك

دا الطبيعي لاي حد مضغوط نفسيا ودي تجربتي انا كمان لدرجة ان ممكن اقولك مواقف اكتر من اللي ذكرتيها ، لذلك هقولك الحل اللي مش عارف انفذوا رغم معرفتي بية ، اتواصلي مع الناس اكتر من كدا وبلاش تتجنبيهم ، تجنبي دايما الافكار السلبية حتي لو كتيري وقربي من افكارك الايجابية حتي لو بسيطة ، صاحبي اكتر ودردشي اكتر ، انعزلي عن السوشيال ميديا شوية ، مش مع كل دقيقة ملل تمسكي الفون وتلفي مواقع التواصل ، القصص اللي بتتخيليها دي مش غلط دي حاجات نفسنا فيها في الواقع ومش لاقينها ف عقلنا بيعيشنا فيها في الخيال ، ولو حاولتي تنامي من غير ما عقلك يبنيلك قصة زي كدا ع الاقل مش هتنامي غير بعد 3 ساعات والنقطة دي بالذات مش هقول عنها حاجة لاني بحب الموضوع ومعرفش انام من غيرة لان عندي اضطرابات نوم اصلا دا لو نمت

سواء حصل ان شاء الله او محصلش الكلام اللي في الكومنت اللي فوق لازم تعرفي انك مش مخطأة في اللي حصل دا اينعم طبيعي انك مش متقبلة ومش قادرة تتخطي بس انتي مش مخطئة ، فوضي امرك لله ووكلي الله علية وتخطي الموضوع في الحالات هو الانسب لنفسيتك ان شاء الله