Little Flower

(الإرتباط) في حد ذاته مش مختص بالحبيبين فقط فيه نوع اسمه ارتباط اسري والتعلق بالأسرة والأهل او احد الوالدين او كليهما او صديقة بصديقتها او اخ بأخيه وهكذا وده ارتباط مشروع مفهوش حرمانية انما الارتباط من النوع الاخر بين الولد والبنت انهم يعيشوا قصه حب وبيبقي بينهم لقاءات ومحادثات لا تجوز ده ارتباط غير رسمي وغير شرعي وفيه حرمانيه ويؤثموا عليه (الخطوبه) دي وعد بالزواج وفتره تعارف بين الولد والبنت بطريقة رسمية وفي اطار محدود وبضوابط شرعية حتى يتم (الزواج) (الصداقة) بين الولد والبنت لا تجوز ومفيش في الشرع اي نص يحلل ان الولد يبقي ليه صديقه او زميله تقف جمبه وتسمعه وتساعده ف حل مشاكله والكلام ده اما (الصداقة) بين بنت وصديقتها او ولد وصديقه ف دي بشوفها حاجة لطيفة جدا وفي منتهي الجمال لما يبقي فيه ليك سنك وحد انت بتستأمنه ع اسرارك وفي الحزن قبل الفرح تلاقيه واقف جمبك وف ضهرك ده الصاحب وتحويشة العمر اللي مش هتتعوض ابدا ♡

حقك هيرجع عاجلاً ام آجلا لو مر سنين الأيام دول وكل ساقي سيسقي بما سقى ولا يظلم ربك أحدا كوني متأكده من ده ♡⁦⁦

إن لجسدك عليك حق ونفسك دي ربنا مدهالك مش عشان تأذيها ولا كل شويه تجرحي فيها دي امانه من الله استئمنك عليها لأن يوم القيامة هتتحاسبي عليها حاولي اذا مريتي بأي فترة ضغط او حالة نفسية سيئة انك تعملي كنترول ع نفسك وابعدي عنك اي آله حاده واستغفري كتير واذكري الله وادعي واسجدي وعيطي واشكيله كل اللي جواكي هو بيحب يسمع صوتك وبيفرح بتوبه البعد وبيفرح بقربك♡⁦⁦

لا حول ولا قوة الا بالله العلي العظيم انتي في موقف لا تحسدي عليه بالمره بصراحه بس انا من وجهة نظري تحاولي بشتي الطرق انك متتجوزيش الشخص اللي خاطبك ده لسببين السبب الاول عشان مش هتقدري تتخلصي بسهوله من حبك للشخص اللي كنتي بتحبيه ده( عديم الدين والمروءة) ومش هتعرفي تعيشي بعد الزواج حياة طبيعية زي اي متجوزين وهتظلمي زوجك معاكي السبب التاني انك ممكن متقدريش تبعدي عن اللي بتحبيه ويفضل التواصل بينكم أثناء الزواج ودي تبقى كارثة وخيانة صريحة نصيحي مني خلي الراجل اللي خاطبك ده يروح لحاله وربنا يعوضه خير نصيحة تانيه استغفري الله كتير وابعدي عن الشخص اللي بتحبيه ده لأنه عمره ما هيتجوزك أسأل الله لكِ الهداية وصلاح الحال

الإنسان بيمر بفترات كتير ف حياته اللي هو انت بتبقي اجتماعي وبتحب الناس وكل حاجة وفجأه يجي عليك فترة تبقى حاسس بلخبطة جواك او تمر بمشاكل وضغوطات كتير ف تحس انك عايز تفصل شويه وتنعزل عن العالم في الفترة دي انت حابب تفضل لوحدك وتبعد عن كل اللي حواليك لحد ما ترتب أفكارك وتخلو بنفسك وتصفي ذهنك وبعد كده ترجع تكمل دي مشاعر طبيعية بيمر بيها كل واحد فينا

انا كان نفسي اقولك سامحيه المره دي ومش هيكررها تاني مدام اعترف والكلام ده واديه فرصة والكلام ده كله بس انا من رأيي الشخصي شايفة مدام قدر يكلم وحده يوم والتاني من غير ضميره ما ينبهه ان اللي بيعمله ده ميصحش ونتي ف حياته لأن دي انا بعتبرها خيانه صريحة ومدام اتجرأ وعملها مره وادتيله فرصه تانيه هتفضلي شاكه فيه دايما ومش هتعيشي مطمنة واحتمال متقدريش تثقي فيه طول حياتك ف انا شايفة ان دي إشارة من ربنا انك متكمليش معاه بس دي وجهه نظري ممكن تصلي استخاره وتدعي وفي الاول وف الآخر دي حياتك زي ما تحبي واللي يريحك اعمليه

مش لازم تعملي حاجه عكس طبيعتك عشان تخلي الناس تحبك انتي حلوه كده واللي يحبوكي يحبوكي بطبيعتك من غير اي نوع من انواع التكلف

دي مشاعر طبيعية جدا يمكن اغلب الناس بيحسوا بيها عادي وهو نوع من عدم الاستقرار النفسي وفترات توتر وضغط زايد بيحصل زي لخبطة في المشاعر كده بتاخد وقت وبتروح لحالها بس انت تتجاهلها

اولاً انا معجبة جدا بطريقة تفكيرك وانك بالعقلانيه دي ولافت انتباهك الأخلاق والصلاة ونت في السن ده بجد تبارك الله ربنا يحفظك ويبارك فيك ويجعلك ذرية صالحة لأهلك ثانياً بقا انا من وجهه نظري لو بتحبها ومعجب بيها تستني للوقت المناسب اللي تقدر تكلم اهلك فيه وتروح تتقدم ليها بقلب جامد لأن دلوقتي انتوا في مرحلة سواء اعدادي او ثانوي محتاج تذاكر وتركز في دروسك واول ما تدخل المرحلة الجامعية تقدر تاخد الخطوة دي وتخطبها من اهلها وربنا يجعل ليكوا الخير في بعض ويجمعكم على خير في الحلال 🌼

تصرفاته غير سوية واعتقد انه يحتاج علاج نفسي انا خايفه تستمري معاه يأذيكي فيما بعد ف نصيحتي ليكي اعمليله بلوك وابعدي عنه بشكل نهائي، ومن ناحية صحبتك ف لازم عرفيها اللي حصل وانك خلاص قطعتي معاه نهائياً ومش هتكلميه تاني وبإذن الله هتتفهم الوضع.

مش مكتوب وضع عدد معين من الإجابات لكن مكتوب قم بوضع اجابه مفيدة علي اسئله مجتمع فدني

حقيقي تطبيق فدني فكرته ممتازه بالنسبه ليا هو من افضل التطبيقات بس عندي استفسار بسيط بقالي فترة كل ما اسأل سؤال ميرضاش يرسله رغم اني بشارك بإجابتي دايما ع الأسئلة ع قد ما اقدر ممكن اعرف السبب ايه؟

انا عرفته في فترة كنت محتاجه جدا تطبيق زي ده اني اسأل عن اسئله كتير في بالي ومش لقيالها اجابه ف كنت بعمل سيرش ع برنامج اسمه اسك بس لقيته مش كويس ف مسحته ودورت ع بديل ف لفت انتباهي اسم التطبيق وقريت وبفضل الله ثم بفضل حضراتكم ساعدتوني كتير اني الاقي اجوبه ع اسئلتي وحابه اشكر جدا خبراء فدني والخبراء المتخصصين وكل الناس اللي بيشاركوني بإجابتهم الله يجازيكم خير الجزاء ويجعل التطبيق ده في ميزان حسناتكم وينفع بكم♡

مش مهم كمل تعليمه او مكملش اهم حاجة تكونوا متفاهمين وبتحبوا بعض لأنه لو مكمل تعليمه ف التعليم لوحده مش كفايه

العفو يا جميلة ♡⁦⁦ موفقة بإذن الله

انا شايفه من خلال كلماتك ان حضرتك معجبة بالامور الظاهرية للمدير مذكرتيش اي حاجه تدل ع إعجابك بالصفات الجوهرية اللي لازم كانت تبقى اول حاجه تجذبك ليه زي مثلا اخلاقه مع الموظفين او تواضعه او انه وقت الأذان بيسيب شغله واللي وراه ويروح يصلي في المسجد و...و...و انا شايفه من وجهة نظري ان ده مش حب حقيقي ده مجرد اعجاب عابر ولو سبتي الشغل ده ورحتي شغل جديد هتنسيه وهتنشغلي عنه ولو لقيتي شب جديد فيه نفس المواصفات اللي بتتكلمي عنها برضو هتنجذبي ليه ، احسن حاجه انك تحفظي قلبك وتوفري حبك وطاقتك ووقتك وعمرك للشخص اللي ربنا كاتبهولك ومختارهولك اللي هيبقي زوجك هو بس اللي يستحق كل مشاعرك، الله يكتبلك الخير ويحفظ قلبك وينزع منه حب كل شئ لا يحبه ♡⁦⁦

انتي لازم تتقبلي اهلك ع وضعهم وتراعي ان زمانهم غير زمانك وجيلهم غير جيلك كلامهم واحكامهم السطحية اللي بيلقوها عليكي متخليهاش تأثر ابدا ع نفسيتك محدش فيهم مر باللي انتي مريتي بيه ولا حد حس باللي انتي حسيتي بيه ولا تستني من حد يحس ولا تستني حد ياخد باله من خطواتك وجهادك مع نفسك في تطوير ذاتك واعرفي انك انتي لوحدك اللي مريتي بكل التجارب دي وانتي لوحدك اللي عارفه قد ايه اتألمتي وقد ايه عافرتي وارهقتي نفسك وقد ايه عانيتي ولا حد هيدرك اي حاجه انتي بس اللي لازم تبقى قويه وتستمري ف محاوله تحقيق حلمك ومتتخليش عنه مهما حصل♡⁦⁦

اول حاجه دي افكار طبيعية جدا وبتيجي لينا كلنا بس اهم حاجه اننا مش نسترسل معاها وتاخد وقت اكبر من حقها، تاني حاجه بقا اننا موجودين في الدنيا هنا لحكمة عظيمة وهيا العبادة والعمل شكل من أشكال العبادة ده لو مكنش هو العبادة كلها ربنا سبحانه وتعالى استخلفنا لتعمير الارض والبناء والعمل والتطوير ومساعدة الناس ونفسك إن لم تشغلها بالحق شغلتك بالباطل ولما تشتغلي ع نفسك وتطوري مهاراتك دي حاجه هتنفعك لنفسك وربنا سبحانه وتعالى ينفع بيكي الناس ♡⁦⁦

لازم تعمليله بلوك وتقطعي حبل الوصل اللي بيربطكم ومتسمحيش ليه ابدا يتكلم معاكي تاني عشان ده في قلبه مرض نسأل الله السلامة

جارتك اللي وقعت من الشباك دي وقعت عشان ده قدرها واجلها ربنا كاتبلها هتموت امتي وازاي وفين يعني كل حاجة مقدره عنده يعني هيا مش اتوفت عشان كانت ف دور عالي او عشان كانت بصه من الشباك هيا اتوفت عشان اجلها انتهي متربطيش الحدث ده بالخوف من الأماكن العاليه واجهي خوفك وطلعي مثلا للدور الثالث كذا مره وبعد كده الرابع وكل كام يوم اطلعي دور زياده وخلي حد يطلع معاكي عشان متبقيش خايفه وتبقي مطمنه اكتر وان شاء الله تدريجي خوفك هيختفي

عادي ما نرتكب اخطاء ده طبيعي احنا بشر وكلنا بنغلط وكلنا عندنا عيوب بنعمل ذنوب بس العبره اننا نتوب ونرجع او لما نعمل خطأ نحاول نصححه ومنكرروش تاني ونتعلم منه دي فطرة النفس البشريه اللي لازم تفهميها احنا مش ملايكه معصومين من الخطأ. اخطأي وحاولي تاني واتعلمي من أخطائك ولما تذنبي ارجعي الي الله وتوبي وارحمي نفسك من كثرة اللوم وتأنيب الضمير

بإنك تتحدي نفسك وتواجهي الصعوبات وتعملي كل حاجة بتخافي تعمليها

انا شايفه ان طولك مناسب جدا يعني مش طويل ومش قصير مظبوط مفهوش حاجة وفيه ياما رجالة كتير اقصر منك ومش شاغلين بالهم بموضوع الطول ده خالص وعايشين حياتهم كده طولك كويس متشغلش بالك

من رأيي الشخصي متقبليش الفولو وهو لو معجب بيكي فعلا هيجي لحد عندك ويطلبك من اهلك

هو مش بيبقي حيض بس ممكن ينزل بعض قطرات دم خفيفة وبيكمل الحمل إذا اراد الله بس الأفضل أنك تروحي للدكتور عشان تطمني اكتر وربنا يكمل حملك على خير ويرزقك بولد سليم معافى ♡

توكل على الله وروح امتحن المواد الباقية وربنا يجعلك من المجبورين

انا مش عايزه حضرتك تخجل من حاجة زي دي لأن ده اختبار من الله يختبر فيه صبرك ومدي يقينك بالله وكل بني آدم عنده ابتلاءات بأشكال مختلفة والناس اللي حضرتك متوتر من نظرتهم محدش فيهم سليم او معافي من كل الامراض كل واحد عنده تعب شكل والتعب اللي ف رجل حضرتك ده مش بإيدك زي ما تعب الناس التانيين برضو مش ف ايديهم البس اللي حضرتك عايز تلبسه جمالك نابع من جواك وحضرتك فعلا انسان جميل مفيش داعي للبراندات والحاجات دي اول حاجة الحاجة التانيه بقا ان حضرتك هتستعيد ثقتك بنفسك لما تواجه كل حاجة بتأثر عليك او بتحطمك وهتزيد اكتر لما تروح جامعتك وتاخد شهادتك وتحقق نجاحات ده هيخليك تعتز جدا بنفسك وتحبها وتقدرها ونظرة الناس ليك هتبقي آخر اهتماماتك واسأل الله لك الشفاء العاجل ♡

عفا الله عما سلف وكويس انك حاسس بالندم وحنا كلنا خطائين وبنغلط اهم حاجة نستغفر ونخلص التوبه الي الله ، بس من وجهة نظري مترحش تقول للشخص انك اغتبته لأن مش كل الناس هتتفهم الوضع فالافضل انك تدعي للشخص ده كتير او لأي حد اغتبته بالدعاء ده "اللهم اغفر لي ولكل من اغتبته" كل ما يخطر ع بالك وفي دعاء لحفظ اللسان عن الغيبه كرره دائماً "اللهم اجعل كتابي في عليين واحفظ لساني عن العالمين " وربنا يهدينا جميعاً

ارمي الشريحة اللي معاكي واشتري شريحة جديده واحذفي حساباتك كلها اللي بالرقم القديم واعملي حسابات جديده وحتي الواتساب احذفي حسابك عليه واعمليه بالرقم الجديد + نزلي ابليكيشن تروكولر فيه خاصية بيخليكي تتحكمي ف اي رقم يتصل بيكي مش متسجل عندك ويعمله بلوك تلقائي كده.

الله يكتبلك الخير ويصرف عنك السوء ويسعدك ويفرج همك وييسر لك كل امورك

ده بالنسبه ليا مش بشوفه حب ع قد ما هو تعلق زايد او انك اتعودتي ع وجوده في حياتك ادعي كتير "اللهم اني استودعتك قلبي فلا تجعل فيه غيرك" علقي قلبك بالله ولحي ف الدعاء انه ميعلقش قلبك بسواه واستخيري ربنا ف امرك وبإذن الله يدلك ع الطريق الصحيح ويلهمك الصواب في امرك

الحب مش هيذلك ولا يخليكي تقبلي بوضع زي ده وهيجي عليكي وقت وحبك ده هيبهت وهيقل ومش بعيد يتحول لكره من ناحيته

سيبيه واتحملي فترة هتتعبي فيها وبعدين هتعدي وهتشكري ربنا انك لحقتي نفسك بدري قبل ما تتجوزيه ويبقى فيه بينكم اولاد ووقتها هيبقي الانفصال اصعب وبإذن الله ربنا يعوضك بأفضل منه يكون راجل يستاهل قلبك الجميل ده وحبك الصادق ويحبك ويقدرك

انا لسه وخده بالي من كلمه "بيخوني" مكنتش شوفتها قبل كده! بيخونك ولسه بتفكري تسيبيه او لا !!! دي مش محتاجه حيره ولا سؤال سيبيه فورا

طيب حاولتي تتكلمي معاه وتتفاهموا وتسأليه ليه معاملته بقت كده وليه اتغير معاكي يمكن هو بيمر بمراحل صعبة او مضغوط من الشغل او عنده مشاكل عائليه او يمكن يكون زعلان منك ف حاجه مقلكيش عليها او مخبيها جربي اتكلمي معاه تاني واعرفي منه سبب التغيير

يعني حضرتك هتقدري تستحملي الوضع ده طول عمرك؟ الزواج ده مش تجربه والسلام ده قرار مصيري مش حاجه سهله ولا كام يوم وهترجعي انتي لو اتجوزتيه مش هتبقي مرتاحه معاه والمشاكل بينكم هتزيد وممكن لا قدر الله يحصل انفصال طب وليه؟؟ انتي فيها دلوقتي لو فكرتي تاني وعيدتي ترتيب حساباتك هتلاقي انك تسيبيه ده افضل قرار هتاخديه ده طبعاً من وجهة نظري.

سيبيه لأن الحياة معاه هتبقى مرهقة وصعبة وهتتعبك

اولا انك تثقفي نفسك وتعملي إنجازات تفخري بيها وتنجحي وقتها هتبقى فخورة بنفسك وثقتك في نفسك هتزيد ثانياً انك تاخدي اي انتقادات كنصيحة ومتخليهاش تأثر عليكي

العفو حبيبتي ❤️

لما يكون من سنك يكون إنسان بالغ وواعي وعاقل وعارف هو بيعمل ايه المفروض هو كمان ملام هو مش معفي من الخطأ اللي حصل لأنه كان بيتسلي بيكي ولعب في مشاعرك بالسنين هو عمره ما حبك ولا هيحبك لو حبك مش هيرضالك الوضع اللي انتي فيه ده وكان هيبعد تماما بمجرد ما يعرف انك خلاص اتخطبتي وهتشوفي حياتك بعيد عنه. ربنا يصلح قلبك وبالك ويهديكي ويبارك فيكي

ألجأ لله دايماً وادعيله كتير واكثر من ذكر" لا إله إلا الله "وهو مش هيخذلك ابدا واسأل الله ان يحفظك من شتات الأمر ويصرف عنك كل ما يؤذيك

طيب حضرتك فكرت تروح لطبيب نفسي متخصص لأن بيبقي فيه عوامل وأسباب كتيره وتأثيرات اثرت عليك من الصغر وهو هيساعدك كتير تلاقي حل لما تعرض عليه مشكلتك

قبل ما تبدأي مذاكره اقري صفحة من القرآن وبعد ما تخلصي اقري كمان صفحة وبإذن الله ربنا يثبتلك كل حاجة بتذاكريها ما بين الصفحتين♡