rawan mostafa

انتي عارفه انها فعلا كدا وصاحبتيها بما فيه الكفايه انك تتعرفي علي شخصيتها بس احب اقولك ان الصاحبه اللي فعلا بتحبك عمرها ما تقلل منك قدام حد او حتي تغير منك انتي واجهيها وقوليلها انت انك مينفعش اللي انتي عملتيه ده انا عندي شخصيه ومينفعش حد يكلمني بطريقه متعجبنيش او قدام حد ولو انتو قريبين اوي قوليلها طريقتك دي علي فكره مش مناسباني وانا زعلانه منك لو مهتمتش لكلامك قوليلها خلاص كلامنا انتهي مع بعض وابعدي عنها. اللي زي دول فعلا لازم تبعدي عنهم لانهم هيأذوكي وهيشغلوا تفكيرك ويبعدوكي عن دراستك وربنا وانتي كدا مش حساسه ولا حاجه لان دي حاجه تضايق فعلا

كلنا ي حبيبتي بنمر بالفتره دي من حياتنا بس تفكيرك ده غلط ممكن علشان خناقه مع اخواتك او مامتك عيطتي وتعبتي انا بردو كدا بس فعلا فعلا اهلك هما اكتر ناس بيحبوكي وعايزينك تبقي حد كويس واحسن منهم مفيش حد من اللي ربنا خلقهم كلهم هيحبك قدهم ومش هتعرفي قيمة اخواتك فعلا الا لما يبعدوا عنك بس بجد لازم تراجعي نفسك وتقربي منهم اكتر وكل ما تكبري اكتر هتفهمي الكلام دا قربي من ربنا اكتر ولو هما بيعارضوكي ف حاجه زي دي تجنبيهم بس فعلا هما مش بيكرهوكي هما علشان يمكن سنهم قريب من بعض ف اهتماماتهم زي بعض ف هتلاقيهم متفهمين بعض اكتر وبيهزروا وكدا بكره هتكبري وتقربي منهم وهيحبوكي انتي عندك كام سنه؟

الندم مش هيفيدك بحاجه انا بردو كدا بندم اني استأمنت صاحبتي علي اسراري واسرار اهلي بس خلاص اتسلي بيها شويه وامشي معاها وخلاص واكيد انتي في مرحله وهتخلص يعني وهتعرفي حد شبهك ويستاهلك فعلا

شخصيتهم لنفسهم هما مش ليكي لو هما غلط حاولي تتكلمي معاهم لو مقتنعوش خلاص خلي معاملتكوا سطحيه وخلاص و واحده واحده هتتعودي عليهم

انتي مهما عملتي عمرك ما هتعجبي الناس ف دايما خليكي واثقه من نفسك واهتمي بنفسك وبحياتك وبشخصيتك وان شاء الله ربنا هيكرمك بحد يقدرك ويستاهلك وكلام الناس ارميه ورا ضهرك وده طبيعي انك متتخطبيش دلوقتي طوّري من نفسك وكملي دراستك لو بتتعلمي واشتغلي وامسكي فلوس في ايدك ده هيقويكي ويضمنلك مستقبل احسن وبعد كدا ابقي فكري انك تتخطبي او تتجوزي واشبعي من اهلك علشان متندميش ومتستعجليش علي الجواز اتمني اكون افدتك.