في البدايه راجعي امتي حصل معاكي كدا ... وليه حصل كدا من وجهة نظرك ... وهل كانت الثقه بالنفس عامل منهم ولا حسيتي بعدها ان ثقتك راحت ...
تم النشر الأحد، ٢٤ ديسمبر ٢٠٢٣
لو استخرتي وبتحصل مشاكل اظن ان دا معنا انه مع السلامه هذا والله اعلم
تم النشر الأحد، ٢٤ ديسمبر ٢٠٢٣
في البدايه ممنوع الياس هنفضل نحاول مادام فينا نفس 🔥💪 .. ابداي انك تحطي اهدافك صغيره او كبيره عيشي اللحظه بلحظتها مادام اقدر اذاكر النهارده يبقي يلا بينا متفكريش كتير عدي 1.2.3 وقومي💃😁 .. في ملحوظة مش كل حاجه نقدر نعملها ومش كل حاجه احنا عايزينها تتحقق بتحصل ابداي من هنا من جد وجد اعملي بالاسباب ... طبيعي منقدرش نعمل كل حاجه بس في حاجه اكيد بتميزنا ... مادام مش التزمتي في الدراسه مش هتقدري تلتزمي في الانجليزي او البرمجه .. هي عامله زي لما الاجازة تيجي هبقي اساعد ماما 😂😂💔 ... بالنسبه للصلاه ابداي اقراي كتب عن فضل الصلاه وعن عذاب القبر منه تفهمي الثواب والعقاب لتارك الصلاه ان الله غفور رحيم وقعتي قومي وحاولي تنتظمي تاني ... انتي قدها ... البدايه قرار التزمي بالقرار دا 😉💪
تم النشر الأحد، ٢٤ ديسمبر ٢٠٢٣
ممكن اسالك سوال بسيط .. تقدري توصفي نفسك في عشر كلمات مره ايجابيه ومره سلبيه
تم النشر الأحد، ٢٤ ديسمبر ٢٠٢٣
كل الاحترام لحضرتك انك حاولت تفهم ليه .. من رايي الشخصي ان الاطفال هم عجينه احنا عملناها بنفسنا والمجتمع الي حولينا بعد كدا ... فلو كدا راقب وافهم اكتر هما بيعملوا كدا ليه ... ممكن شافوا حضرتك اتعصبت قدمهم قبل كدا ممكن الحب الي حضرتك بتتكلم عنه هما مش حاسيين بيه بهذا القدر قرب ليهم اكتر وحاول تتكلم معاهم وخليك فاكر انهم مش بيشفوك طول اليوم فخلي الوقت الي انت بتقعد فيه معاهم مميز مش بتزعق بس وانت داخل البيت افتكر ان هموم الدنيا في كفه وبيتك في كفه تانيه انسي كل حاجه وانت داخل واستعيذ بالله قبل ما تدخل ... وحاول تتاكد ان معاملتك لوالدتهم كويسه لانهم بيراقبوا دا كويس جدا ... وجرب تصلي قيام ليل بنيه ان ربنا يصلح ما بينك وبينهم .. ربنا ينولك مناك ... 🌻
تم النشر الأحد، ٢٤ ديسمبر ٢٠٢٣
لما بتقرري تكلميه فانتي منتظره رد وتفسير عن الي حصل .... واي رد منه فهو لا يبرر الموقف بالنسبة ليكي ... وبالتالي حاولي تفكري انتي كسبتي اي من التجربه دي واي السلبيات الي عدت عليكي ... فكري بعقلك مش بقلبك ... انتي قدها بس خليكي فاكره دايما ان انتي تستحقي كل خير ومش شرط انه عمل كدا يبقي انتي وحشه هي معادله من اطراف كتيره فمش شرط انك تكوني الطرف السئ في الموضوع لو عايزه تقيمي نفسك قيميها بموضوعيه مش لان دا حصل فانا فيا حاجه وحشه .... اتفقنا 💪💪❤️
تم النشر الأحد، ٢٤ ديسمبر ٢٠٢٣
لعرض الملف الشخصي في فدني اضغط هنا