فكره انك تكوني حساسه جدا صعبه انت برضو حساسه جدا ومريت ب ظروف مشابهة ليكي بشكل كبير في فتره من حياتي والحمدلله ربنا عوضني بصديقه اخت ليا اللهم بارك بصي انا هقولك حاجه انتي هتمشي الحياه لوحدك ف أتأقلمي سواء لازم تعودي نفسك أن التفكير السلبي ده مش هيعمل شيء غير أنه يعقدلك الأمور ويخليكي تخافي من حجات انتي مجربتيهاش اصلا فكره انك بعدتي عن صاحباتك انا عارفه أنه ممكن يكون الموضوع مأثر عليكي بحد كبير جدا إلا أنه هيفتحلك مجالات وطرق كتير تخليكي تتعرفي علي نفسك اكتر وتعرفي نفسك بصدق وتتعاملي مع المواقف بفعاليه اكتر هيسمحلك تبعدي عن الدايره بتاعت اصحابك دي وتكوني صداقات جديده تعوضك فعلا أو حتي لو مش هتكوني أو هتتعرفي علي حد بس هيكون عندك قابليه ومرونه وتقبل أن كلنا فترات في حياه بعض وان كل واحد. ليه حياه خاصه بيها لازم يهتم بيها ويرممها كويس جدا علشان يعرف يتعامل مع الناس ولو كنتي بعيده عن صديقاتك دول ومكنتوش بتشوف بعض مكنش هيكون عندك مساحه انك تاخدي فتره الحزن باقصي شكل ليها علشان لما تتخطي ميبقاش ليها تأثير عليكي تاني لو مكنتوش قريبن مكنتيش هتفكري كتير ولما كنتو تتقابلو تاني هتفتكري وهتلاقي كل حاجه بتنهار من تاني ركزي في فتره حياتك المهم علشان محدش هيحس بالندم غيرك ومحدش هيقدر اللي عايشاه غيرك ويوم ما تقعي محدش هيكون مضطر يسمع مبرراتك
تم النشر الجمعة، ٢٤ مايو ٢٠٢٤
الله يرحمها ويغفر لها ويسكنها فسيح جناته بدون حساب ولا سابقه عذاب ....... بالنسبه لانك دخلتي الامتحان وخلصتي وخايفه ف الخوف مش هيعمل شيء غير أنه يؤرقكك ويتعبك وبس متفكريش في النتيجه وخليها علي الله ولا مش شرط أنه لو حصل مشكله ف ماده تكوني فاشله الفشل اصلا عباره عن انك توقفي محاوله طول ما انتي بتحاولي ف انتي مش فاشله خدي الاجازه وسيبك من التفكير وقبل دروس تالته ب 15 يوم مثلا اتاسسي في المواد اللي خايفه تكون صعبه عليكي ومتقلقيش من الل جاي الحياه عاوزه حد شجاع مش بيخاف يواجهها الله يوفقكك ويريح قلبك 🤎
تم النشر الجمعة، ٢٤ مايو ٢٠٢٤
قال ابن القيم: "إذا كنت تدعو وضاق عليك الوقت وتزاحمت في قلبك حوائجك،فاجعل كل دعائك أن يعفو الله عنك فإن عفَا عنك أتتك حوائجك من دون مسألة" خلي يقينك تام أن الدعوات هتستجاب واتصرفي علي كده
تم النشر الاثنين، ٢٠ مايو ٢٠٢٤
حلي كام سؤال علي كل جزء يعني مثلا اعملي عشر اسئله كده لكل جزء وبعدين حلي شامل بق خليه طويل شويه بق ومن كذا مصدر وحلي بالافكار ولو فيه سؤال مثلا فيه فكره قولي لو كان جاب كذا يبقي الاجابه هتتغير لكذا لو كد يبقي هتبقي كد فاهماني يعني حوري السؤال باكثر من طريقه وخلي بالك متمسعيش شرح مفصل من الاول خليكي ف الشرح المجمع
تم النشر الأحد، ١٩ مايو ٢٠٢٤
عليكم السلام ورحمه الله وبركاته.. فاضل 21 يوم علي اول امتحان ( المواد الغير مضافه ) و 31 يوم علي اول امتحان (مواد مضافه) اعملي جدول تلمي بيه المواد مثلا عشر ايام وبما انك بتقولي ناسيه المنهج يعني اول ما تراجعي هتفتكري وده هيساعدك جدا وبعدين استخدمي الوقت المتبقي انك تكثفي شوامل بس اهم حاجه تخلص الشيء وتحليل عليه استعيني بالله وابدأي وبإذن المولي هتلاقي الشيء سهل هتواجهي شويه صعوبه ف التأقلم ف الاول بس أن شاء الله تقدري تخلصيهم ( احسن فيما بقي فلربما تجزي عن الاحسان بالاحسان) بالتوفيق لينا يارب وان شاء الله نحقق كل احلامنا
تم النشر الأحد، ١٩ مايو ٢٠٢٤
لعرض الملف الشخصي في فدني اضغط هنا