أجمل خطوة هتخديها حرفيًا، أنا أول عهدي مع الخمار _خاصة_ كان في تالتة إعدادي ولبسته علشان شكله حلو مكنتش أعرف إنه فرض وكنت بين الخمار والطرحة لحد ما بقى عندي خجل من إني ألبس الطرحة تاني ومع الوقت لبسي بقى أوسع الحمد لله. اتقالي كلام كتير محبط وقالوا ليّ إنها مجرد مرحلة وهتزهقي وبتاع وطبيعي كنت بزعل وبتأثر بس بفضل ومنة من الله ثبتني عليه وكان من ضمن الأسباب اللي خلتني أقرب من ربنا الحمد لله. وعايزة أقولك إني حاليًا منتقبة بقالي سنة وفكة ^^، وأول ما لبسته قالوا برده إنها مجرد فترة وهقلعه تاني فأسأل الله الثبات. أنا بحكي لكِ حكايتي لعلها تكون حافز إنك تخدي القرار دا متستنيش حاجة محدش فينا ضامن عمره توكلي على الله واسألي الله الثبات. الله يرضى عنك 🤍.
تم النشر الخميس، ٢ يناير ٢٠٢٥
لعرض الملف الشخصي في فدني اضغط هنا