nijar taha

بص انت لو عملت الحاجه دى بحب هتلتزم بيها زى مثلا الصلاه مش بتصلى عشان هى فرض وخلاص لا صلى عشان هى فرض وعاده انت بتحبها انزل الجيم الرياضه حلوه وهتخلى مودك احسن وكل فتره كدا اكسر روتينك بحاجه او فى حاجه حلوه مثلا حدد عاده عاوز تلتزم بيها وعد 30 يوم او شهر بالاحرى لو لقيت نفسك مستمر وحبيت الموضوع كافء نفسك بحجز كوره او بلايستيشن او اخرج خروجه حلو وكدا يعنى كافء نفسك

متتجهيش للبرامج خالص هتخسرى جامد

اقولك حاجه قربى من ربنا هتعرفى قد اى انك جميله بجد وتتحبى يشهد ربى انى معرفكيش اهو بس ارتحتلك وباين انك شخص عسول خالص حبى نفسك وحطى صورك خلفيه لموبايلك واهتمى بدراستك ومستقبلك لانك لما تبقى شخص ناجح صدقينى عن تجربه الكل هيتمنى انو يكلمك حتى

بصى هقولك حاجه حبى نفسك مش قصدى ابقى انانيه اقصد حبى ملامحك هلاقى كل اللى حوليكى بيحبك خليكى تلقائية مع الناس يعنى على طبيعتك واتاكدى انك مش وحشه لان ربنا اللى خلقك وربنا مبيخلقش حاجه وحشه ابدا 🌚 انتى جميله كدا كدا واتعاملى بان طظ فى الناس طلما انتى مرتاحه وبتعملى الصح وخليكى دايما واثقه فى نفسك لانك تستاهلى ❤

بص انا اصلا بحب هندسه جدا وبحترم المهندسين وانا اشجعك عليها لان الهندسه مجال عسل وخاصا للشباب ❤

اتمرن كويس وثق فى نفسك واتفرج على لعيبه اجوالهم حلوه زى لفلدوسكى ومحمدصلاح وساديوماني والناس الحلوه دى كلها بس اهم حاجه تركز كويس اثناء التمرين واثناء الماتش وثق فى نفسك وربنا يوفقك

يابنتى فكك من الناس المهم انتى ابقى نفسك يعنى شوفى نفسك مرتاحه فى اى وامشى عليه لان الناس كدا كدا مبيعجبهاش حاجه🤍

والله انا شايفه انو متتعشمش او تتعلق فى اى حد

بصى من وجه نظرى خليكى على طبيعتك اى تلقائيه وفى نفس الوقت حاولى تبقى بتعرفى تمسكى العقل يعنى خليكى ميكس بس على طبيعتك ❤

خليك/ى بشوش/ه بتحبى الهزار وكدا يعنى واتكلمى مع اللى حواليكى بالاجابى

اه عادى وبتبقا شيك جدا وبالذات لو فى مكان اوبن ايريا بس مشكلتها لو الجو حر 🥲