ŘÃĤ ϻÃ🦋

من راي الشخصى لو شايفه انك بتحبى التدريس بس المشكله ف اللدغه فتقدرى تعالجيها (عند دكتور او اخصائى تخاطب ) دا لو معنديكش فكره عن الحته دى والحل التانى لو مش بتحبى التدريس اصلا فشوفى هوايه او مكان معين بيخدم اهتماماتك فمثلا (لو مهتم بالميكب اشتغلى ف مكان بيبيع ميكب او مع ميكب ارتست ، ولو بتحبى الهدوم اشتغلى ف محل او شركة ملابس....وهكذا ) وممكن يكون ف فروع كتير من مجال تقدرى تشتغلى فيها بس معندكيش فكره عنهم فابحثى عن قسمك وفروعه وكل ماله صله بيه. وربنا يوفقك يارب ❤

الموضوع طبيعى يحصل زى مادخل حياتك وتفكيرك بشكل تدريجى خرجيه بردو بشكل تدريجى اعملى لنفسك حدود وخرجيه من دايرة حياتك وكل حاجه هترجع لطبيعتها واياكى تكلميه والا كدا هتدخلى ف دايره تانيه خالص وممكن تنجرفى لحاجات اكبر من حجمك حرفياً.

لو قدرتى تقربى من ربنا لدرجة انك كل ماتيجى تشوفى حاجه زى كدا تفتكرى ان ربنا شايفك وتتكسفى منه مشكلتك هتتحل للابد. وربنا يعينك يارب ويصرفك عن المعصيه دى ويكرها لقلبك

انك تتواصلى مع طبيب نفسى شئ لابد منه لان بمجرد مااصبحتى ام بقيتى مسؤله عن اطفالك وهتتحسبى عليهم فكلكم راعى وكلكم مسؤل عن رعيته. وعن حتة حبك لاطفالك فتقدرى تعوضيها بحاجات بيحبوها كهدايا ولبس والعاب وماشابه علشان تكبرى احساسهم بحبك ليهم. وياريت ان حسيتى ان دا هياخد وقت طويل حاولى تهتمى ان الاولاد يفضلو اكبر وقت ف بيئه مليانه حب (زى بيت الجد والجده او حضانه الميس بتاعتها حنينه ولطيفه مع الاطفال )

لو احساسك دا بجد فحددى اى الى مخليكى مقصره وظبطيه اما لو منتظمه بمواعيدك وبتخلصى شغلك المطلوب منك يوما وعلى اكمل وجه فالشعور دا بسبب حبك لشغلك وانك بتحاولى توصلى لاكتر شكل مثالى بس مش اكتر فحاولى تتغلبى على حتة الجلد الذاتى دا وكفأى نفسك على اجتهادك وعلى انك بتتقى الله ف شغلك .

سؤالك يحتمل تلت احتمالات:- 1- لو خوفك دا مرضى (بمعنى ماثر على دراستك او شغلك) يبقا اكشف عند دكتور نفسى . 2- ولكن اذا كان دا خوف غير مرضى فطبيعى تخاف منه ومن يوم الحساب واى مسلم عاقل طبيعى يخاف منه وكل ماعليك انك تعد العده ليوم وموقف زى دا لانها الحاجه الوحيده الى هتقلل من خوفك . 3- واذا كنت خايف من الموت لانك مش عايز تموت اصلا فقعد مع نفسك وحدد السبب لان على الاغلب هيبقا بردو بسبب انك مش جاهز ليوم عظيم زى دا فراجع دينك. وربنا يهديك ويهدينا جميعا يارب ❤

اول حاجه لازم تحددى المشكله ف اى بالظبط اذا كانت كسوف فدا شئ طبيعى و فطرى ومع الوقت هتتعودى على الشخص الى قدامك وكل حاجه هتبقا تمام واذا كان خوف وتردد من الكلام نفسه فانصحك انك متعريش انتباه للموضوع دا وابداى هزرى واضحكى و اتكلمى براحتك مهما غلطى ومهما قولتى (المهم ميكنش خارج حدود الدين والاحترام لانه كدا هيبقا للموضوع عائد سلبى ) و واحده واحده هتبداى تفهمى اى الى عادى تتكلمى فيه واى لا.

كلامك ف البدايه اكبر دليل انه سوء تفاهم مش اكتر انتى هتفضلى ف نظر باباكى بنوته الصغيره مهما كبرتى ومهما اتغير احساسك وزى منتى مش مستوعبه تفكيره هو كمان مش مستوعب ان بنوته الصغيره كبرت وبقت بتتكسف منه وعلشان كدا مدخليش الشك ف العلاقه الجميله دى اشرحى بس لباباكى او لمامتك بهدوء الى بيضايقك اياً يكن لان اكيد الموضوع مش هيقف عند نقطة دخول الاوضه بس اكيد هتبدأى واحده واحده تضايقى من افعال كتير منه ولذلك نصيحتى ليكى كلميه بناءاً على الى انتى عرفاه منه مش بناءاً على الى الشيطان بيوسوسلك بيه. وربنا يخليهولك يارب ❤

مفيش احسن من ان جواكى طفل صغير و نصيحتى ليكى ادعميه وكبريه جواكى الفكره بس فى انك تخليه اكثر نضجا مش اكتر يعنى تسمحيله يلعب ويجرب ويعيش حياته بس يبقا عارف مع مين واى حدوده مع الناس التانيه وكذلك حدود الناس التانيه معاه هتقوليلى طب وهعرف الحدود دى ازاى؟! هقولك ف حاجات كتير اوى بتخلينا ننضج وملناش دخل فيها زى ظروف حياتنا وبيئتنا وحاجات تانيه لينا دخل فيها زى القراه ف مجالات كتير وتجاربنا وحتكاكنا بناس وثقافات تانيه. ولازم تبقى مدركه ان كل دا مش هيحصل فى يوم وليله كل حاجه بتيجى بالوقت بس مهما طال الوقت خليكى معتزه بالطفوله والبرائه الى جواكى علشان دا الى هيخليكى شخص جميل ديماً . 🥰

وجيالك من المستقبل بقولك انا شخصيا اعجبت بمدرسين بس كنت بتعامل انه طبيعى اعجب بيهم من شطارتهم وثقافتهم وفعلا لما كبرت نسيتهم خالص😂 ولو سالتى اصحابك هتلاقى نص الدفعه بردو معجبه بنفس المدرس ولنفس الاسباب ودا طبعا ياكدلك كلامى

اتعاملى مع الموضوع ومع نفسك بلطف وافهمى ان دا اعجاب وشئ طبيعى ليس الا وبمجرد ماهيختفى المدرس دا هيختفى احساسك ومتفكريش طبعا توصليلو حاجه وبما اننا ف رمضان اخرجى اتمشى حبه كدا ف الجو الجميل دا وطلعى الموضوع من دماغك لانه مش هيزيدك الا خساره (لوقتك ومشاعرك).

اى شئ يوصل للمعده يفطر ولكن ف حالة انك بتقولى انها مستمره فسالى شيخ افضل لان الفتوى ف حاجات زى كدا شئ عظيم ومش اى حد ينفع تاخدى بكلامه دا صيام

سؤالك فكرنى برد فعل بابا لما لقى على مصحفى تراب وقتها قالى طول مافى تراب على مصحفك متتوقعيش تلاقى بركه ف اى حاجه

لو عرفتى تثقى و تثبتى لنفسك انك مثاليه ايا يكن شكل جسمك ساعتها كل الى هيشوفك هيقول انك مثاليه الفكره كلها عندك وفيكى مش فى اى راجل

طبعا لا لحتة كتب الكتاب دى اما الخطوبه فممكن بس نصيحه منى لان سنك لسه صغير اقعدى مع نفسك وحددى الموضوع دا هيرجع عليكى بايجابيات وسلبيات اد اى ومتاخديهاش الا لو انتى فعلا متاكده انك صح و مرتاحه 100٪

انتى بتحبى اى وشايفه انك شاطره فيه؟

مالو الخيار الاول هيبقا ف سنتر ولو التانى هتشوفى على حسب الهوايه

الشكر لله ❤

ـــ وبالنسبه بقا لاجابتى فعذرينى بقا هطول عليكى حبه وهقسمها لكذا نقطه بما انك سالتى وطلبتى الدليل:- • اولاً : هرد على جملة ان الى انا قولته (ان اي شئ يوصل للمعده يفطر) فتوى منى ومعاذ الله انها تكون فتوى من تلقاء نفسى يعنى دا شئ انا درسته من وانا ف الابتدائى وقاعده اساسيه ف الدين وجوجل والشيوخ عندك اتأكدى من القاعده الفقهيه دى (اى شئ يوصل للجوف ولو بمقدار حبة السمسم يفطر) طلما بقصد واختيار سواء عن طريق الفم او الانف او غيره. • ثانياً:- لا انا ولا انتى ولا اى مخلوق على وجه الارض يقدر يتحمل عواقب الفتوى قال الله تبارك وتعالى: ﴿قل إنما حرم ربي الفواحش ما ظهر منها وما بطن والإثم والبغي بغير حق وأن تشركوا بالله ما لم ينزل به سلطاناً وأن تقولوا على الله ما لا تعلمون﴾. وقال الله تعالى: ﴿ولا تقفُ ما ليس لك به علم إن السمع والبصر والفؤاد كل أولئك كان عنه مسئولاً﴾. وقال تعالى: ﴿ولا تقولوا لما تصف ألسنتكم الكذب هذا حلالٌ وهذا حرام لتفتروا على الله الكذب إن الذين يفترون على الله الكذب لا يفلحون متاعٌ قليلٌ ولهم عذاب أليم﴾ دا كان الصحابه رضوان الله عليهم بيكرهو يفتو من كتر ماهو شئ عظيم ويزيد العلاَّمة ابن القيم الأمر إيضاحاً فيقول: «كان السلف من الصحابة والتابعين يكرهون التسرع في الفتوى، ويود كل واحد منهم أن يكفيه إياها غيره، فإذا رأى أنها قد تعينت عليه بذل اجتهاده في معرفة حكمها من الكتاب والسنة أو قول الخلفاء الراشدين ثم أفتى»(إعلام الموقعين1/33) ويقول عبد الله بن مسعود - رضي الله عنه -: «من أفتى الناس في كل ما يسألونه عنه فهو مجنون»(رواه الطبراني)وقال ابن أبي ليلى: «أدركت عشرين ومائة من الأنصار من أصحاب رسول الله - صلى الله عليه وسلم - يُسْألُ أحدُهم عن المسألة فيردها هذا إلى هذا، وهذا إلى هذا حتى ترجع إلى الأول»(طبقات ابن سعد6/109) وقال - صلى الله عليه وسلم - كما في حديث عبد الله بن عمرو - رضي الله عنهما -: «إن الله لا يقبض العلم انتزاعاً ينتزعه من العباد، ولكن يقبض العلم بقبض العلماء؛ حتى إذا لم يُبْقِ عالماً اتخذ الناس رؤوساً جُهَّالاً، فسئلوا، فأفتوا بغير علم، فضلوا وأضلوا» • واضافه لذلك ان الصيام دا فضله عظيم اوى الرسول ﷺ قال (الصيام جنّة وحصن حصين من النار) و (عليك بالصوم، فإنه لا مثل له) فتخيلى كدا انك تفتى وتتحملى وزر شئ كبير وعظيم زى دا مين فينا اصلا يقدر يحمل الوزر دا واسفه على الاطاله رغم انى شخص بحب الاختصار بس انتى مسبتليش اختيار تانى لما وجهتى كلامك ليا بشكل مباشر

مستغربه جدا من رد فعلك اكنك طفله عندها خمس سنين لا وبتعتذرى كمان عن عدم المساعده الى المفروض انا السبب ف منعها 😂

طلعتى كتكوته 🥰😂+ مش هتفرق بتاع مين وظيفتنا المساعده براينا طلما انطلب

الشكر لله ياسكره❤

طبعا مش حرام طلما مش بتاذيهم.

وهتيجى عند اى ولد وبردو هتسكتى لانك متخيله ان كل حاجه مش مناسبه اننا نتكلم فيها وان لازم ارد بطريقه معينه والكلام دا ملوش اساس من الصحه اتكلمى وخدى راحتك واول ماتحسى بالراحه مش هتعرفى توقفى كلام

اسمعنى ياسكره كويس لما تكونى بتتكلمى مع الشخص الصح وتبقى واثقه انه فاهمك صدقينى مش هتهتمى للحروف الى بتنطقيها لانك هتكونى متاكده انه هيفهمك قد يبدو كلامى للوهله الاولى خيالى لكن اؤكدلك ان مفيش واقعيه اكتر من كدا جربى تتعامل وتتواجدى مع فئات عندها نفس اهتمامتك كدا هتلاقى نفسك مش بتوقفى كلام معاهم وهزار وضحك

❤🥰

اتعودى ف المواقف الى زى دى تحطى ياما الخيار الاسوأ بالنسبالك ( مش هيستنا) عشان لو مستناش متتأثريش او متفكريش اصلا وسبيها على الله وثقى ان لو فيه خير ربنا هيقدمه خاصتا انك لسه 19 سنه وماقولتيش ان ف حب او حاجه شبه كدا وبالتالى ولا يهمك يروح عريس هيجى عشره فهمانى. وربنا يقدملك الى فيه الخير ياجميله❤